1 Pedro 5:10 - Bhiblia Yo Sawuleka

¹⁰ Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

1 Pedro 5:10 Referans Kwoze

2 Vakorinto 4:17

Kuxaniseka kuwa kwathu ko hehuka, i ku ka mbimwanyana ya yidotho, ku hi longisela thomba ya hombe ya wudhumo wu wu si gumiko, ayi yi pindako kotshe kualakanya ka m'thu.

2 Vatesalonika 3:3

Aniko, Mkoma mbwo thembeka: Ene a na mi ninga kutsana, a na mi vhikela ka m'bihi.

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

Masalmo 138:7

Ngako ni txi tsimbila hagari ka kuxaniseka awe wa ni hanyisa; u na nawuluta dianza dako u ni vhikela ka txiviti txa valala vangu se dianza dako da txinene di na ni hanyisa.

1 Timoti 6:12

Lwana yimbi ya yinene ya likholo ñolisisa wutomi wo mbi guma, awu u nga dhanelwa wona, awu u nga wu fakazela ngu nzila yo tshura masoni ka timwani tifakazi ta tingi.

2 Vatesalonika 2:17

vona va na mi tsakise timbilu tanu, ni ku mi tsanisa ka totshe ta tinene ti mi ti mahako, ni ka totshe ta tinene ti mi ti wombako.

2 Vakorinto 13:11

Magwito ka totshe, vanathu, zumbani mi di tsakile, khutalani ngu kumaha wunene, tsanisanani mi txi va ni kualakanya kumweko, mi txi hanya ngu kudikha. Txizimu txa lirando ni txa kudikha txi na va ni nanu.

1 Vakorinto 1:9

Txizimu txi thembekile, txi mi dhanete ku ta tshangana ni Mwanana wa txona Jesu Kristu, Mkoma wathu.

1 Vatesalonika 2:12

Ngu toneto, nanathu hi nga ti mi gondisa tona, ni ku mi tsanisa, ni kukhongotela mmweyo ni mmweyo wanu, kasiku mi tsimbila ngu fanelo masoni ka Txizimu, atxi txi nga mi dhanela ka mfumo wa txona ni kupfaliswa ka txona.

Varoma 16:25

Ka wule a ku ni mtamo wa ku mi tsanisa ka Evhangeli yangu, madingano ni kutxhumayela ka Jesu Kristu ni kuwonekeliswa ka msisalo wu wu nga ti tumbetilwe kukhukhela ka mbimo ya kale ni kale,

Zakariya 10:12

Se ani ni na va tsanisa ka Mkoma, kambe va na tsimbila ditinani kwakwe, kuwomba Mkoma.

Zakariya 10:6

Se ni na tsanisa nyumba ya ka Judha, ni hanyisa nyumba ya Josefa, ni na tshumela ni va phaya, nguko ni va pfete wusiwana; se va na nga kha ni khali ku va lamba; nguko ani ngani Mkoma, Txizimu txawe, kambe ni na va engisa.

2 Pedro 1:3

Mtamo wa wuzimu wakwe wu hi ningile sotshe si si lavekako ka wutomi ni wukhongeli ngu ku hi ninga kateko ya kuziva awule a nga hi dhana, ngu kupfaliswa kwakwe ni mtamo wakwe;

1 Pedro 1:15

Aniko, ngako awule a nga mi dhana, i ku msawuleki, na nanu mahani vasawuleki ka yotshe mithumo yanu.

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

2 Timoti 2:10

Ngu konaho ni timiselako ka totshe, ngu mhaka ya vasawulwa, kasiku ni vona ve mana kuhanyiswa kuwa kuhumako ngu ka Kristu Jesu, kumweko ni kupfaliswa ko mbi guma.

2 Vatesalonika 2:14

Ngu konaho Txizimu txi nga mi dhana ngu Evhangeli yi hi nga mi txhumayela, kasiku mi txi ta phakelwa kupfaliswa ka Mkoma wathu Jesu Kristu.

Luka 22:32

Aniko ani ni ku kombelete, kasiku likholo lako li si timeki. Se awe, ngako u di hundulukile, tsanisa vakwanu.”

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

2 Timoti 1:9

atxi txi nga hi hanyisa, txi hi dhana ngu madhanelo o sawuleka; txi hi dhani i si nga ngu mhaka ya mithumo yathu, aniko ngu mhaka ya kuranda ka makungo a mbilu ya txona ni kateko ya txona. Hi ningilwe kateko yiya ngu ka Kristu Jesu, ti sinzi ku va ho timbimo.

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

Vakolosa 2:7

zimani mikoloti kwakwe, mi txi akwa txitimwi kwakwe, mi txi tsaniswa amu ka likholo, nga ti mi nga gondisiswa tona, mi txi tala ngu kubonga.

Varoma 15:5

Txizimu txa lihoniselo ni litsako txi na mi ninge mahanyelo o fana ni a Kristu Jesu,

1 Johani 2:25

Txithembiso txi a nga hi mahela ngu txiya: Wutomi wo mbi guma.

Vahebheru 9:15

Ngu toneto, Ene i muemeli wa txitumelelano txa txiphya. Kufa kwakwe ku mahekile, kasi ku sionho si txi basiswa si si nga nga mahwa ka mbimo ya txitumelelano txo khata; se avale va nga dhanwa, va amukela thomba yo mbi guma, ayi va nga thembiswa.

Varoma 15:13

Txizimu txa txithembo txi na mi tate ngu litsako lotshe ni kudikha amu ka likholo lanu, kasiku ngu mtamo wa Moya wo Sawuleka txithembo txanu txi tala txi thekelela.

Varoma 9:11

Se, na vanana vava va sinzi kuvelekwa, na kambe va sinzi kuziva ta tinene ni to biha, kufela kutsaniswa kusawula kuwa Txizimu txi nga kumaha ngu kuranda ka txona,

1 Pedro 4:11

Awu a wombawombako, a na womba-wombe ngu kulondisa dipswi da Txizimu. Awu a thumako a na thume madingano ni txyavelo txi a nga hiwa ngu Txizimu, kasiku, Txizimu txi pfaliswa ka sotshe somaha, ngu Jesu Kristu, i ku ene a lumbwako ngu kupfaliswa, ni mtamo, ngu ha ku si gwitiko. Amen!

Varoma 9:24

Vathu vava ngu ngathu Txizimu txi nga hi dhana, athu hi humako i si nga ngu ka lixaka la Vajudha dwe, aniko ni ka lixaka la vamatiko ni vona.

Masalmo 119:28

Moya wangu wa dila ngu kuxaniseka; ni tsanise, madingano ni txithembiso txako.

1 Vakorinto 1:10

Kambe na mi khongotela, vanathu, ngu ditina da Mkoma Wathu Jesu Kristu, ti to motshenu mi fanete kuva ni kupfana kuwomba-wombani kwanu, ni ti to mi zumba mi si nga ni mibhando hagari kwanu; mi fanete kupfanana ngu moya ni mialakanyo ya mbilu.

1 Pedro 4:10

Kota vaxayisi vavanene va tikateko ta Txizimu, mmwani ni mmwani kwanu a na vhune vakwawe ngu txiningo txi a nga hiwa.