1 Pedro 5:1 - Bhiblia Yo Sawuleka

¹ Ka madhota awa ma ku hagari kwanu, na ma kombela ani ni ku didhota kulowe, fakazi ya sixaniso sa Kristu, ni thembako kumana txyavelo txa kupfaliswa ku ku nota humelela, ni khani:

1 Pedro 5:1 Referans Kwoze

Luka 24:48

Se anu mi tifakazi ta mhaka yiya.

Mtuletelo 1:9

Ani, Johani, ani ni ku mwananu, na kambe ni ku mmweyo wanu, amu ka sixaniso, ni mu ka mfumo, ni mu ka kutimisela ditinani ka Jesu Kristu, ani ni ti Txitondoloni ka Patmosi ngu mhaka ya dipswi da Txizimu ni kufakazela Jesu.

2 Johani 1:1

Ani Didhota ni bhalela khosikazi yo sawulwa ngu Txizimu, ni vanana va yona, ava ni va randako, ngu ditshuri, hi nga ani nokha ni va randako, aniko ni votshe va va zivako ditshuri va va randa,

1 Pedro 5:4

Se mbimo yi a nota humelela M'dyisi wa Hombe, mi nata amukela m'bhoti wo phatima wa kupfaliswa, awu wu si onhekiko.

1 Johani 3:2

Vorandeka, konkuwa hi vanana va Txizimu, kambe kha zivaneki ati hi no va hi di txona. Ha tiziva ti to mbimo yi a nota Kristu, hi nata fana nayo, nguko hi nata muwona ngu wutumbu wakwe.

1 Pedro 1:7

kufela ku lisima la likholo lanu, i ku tximaha txa lisima kupinda nzalama, yi yi nyivilikiswako ngu mndilo, li mana wudhumo ni kupfaliswa, mbimo yi a nota Jesu Kristu, a txi ta ti wonekisa;

Mithumo 14:23

Msana ka kuva va di vekile madhota masoni ka otshe mabanza, ngu ku va sanzeka manza ni ku va khongelela ni kutitona sakudya, va to va veka manzani ka Mkoma, awu va nga kholwa kwakwe.

Mithumo 11:30

Kunene, va to mahisa toneto, ve si rumela ka madhota, ngu manza a Bharnabhasi ni Sawule.

1 Pedro 1:12

Txizimu txi kombisile ka vaprofeti vava ti to i ti si nga so lumba vona, aniko si ti mahelwa anu, simaha siya mi ziviswako konkuwa ngu vale va mi txhumayelako Evhangeli ngu mtamo wa Moya wo Sawuleka, wu wu nga rumelwa ngu nzumani, i ku sikombiso si tingelozi tipune ti navelako ku si wona.

Filimoni 1:9

ni randa kumaha ngu ku kukombela ngu lirando. Ani Paulo, wo kumba nga tiya, na kambe ni di ku khotelwani konkuwa ngu mhaka ya lirando la Jesu Kristu,

Titosi 1:5

Ni ku site kheyo Kreta, kasiku u txi sala u txi lulamisa ti ti fanelako kululamiswa, ni kuveka madhota a vathangeli ka txidhoropana txihi ni txihi, madingano ni ti ni nga kugondisa.

2 Timoti 4:8

Konkuwa ni lulamisetwe m'bhoti wo lulama, awu ni nota ningwa ngu Mkoma, mlamuli wo lulama, ka ditshiku da hombe, i si nga ani nokha, aniko ni ka votshe vale va no va va di rinzete ngu lirando kuhumelela kwakwe.

1 Timoti 5:19

U nga amukele mhaka ya kumangalela mthangeli, hahanze ka wufakazi wa vathu vambidi mwendo vararu.

1 Timoti 5:1

U nga kawuke ngu mtamo awu i ku wa hombe kwako; aniko mkhongotele nga tate wako; vafana va kawuke nga vananda vako;

Vafilipiya 1:19

Ngu kuziva tito, totshelele eto ti na gwita ngu ku ni hanyisa, ngu mhaka ya mikombelo yanu ni kuvhunwa ngu Moya wa Jesu Kristu.

2 Vakorinto 5:1

Athu hotshethu, ha tiziva ti to mbimo yi wu no hasulwa mdhute wuwa hi hanyako ka wona ahawa ha mafuni, hi ni nyumba nzumani, yo akwa ngu manza a Txizimu, nyumba yo tsana ko mbi na magwito, ayi yi nga mbi mahwa ngu manza a m'thu.

Mithumo 21:18

Mangwanani ka kona Paulo a tsute ni nathu m'tini ka Jakobe, ahawa ma nga tshangana otshe madhota.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Mithumo 20:17

Paulo, ngako a di Mileto, a to rumela kudhana madhota a dibanza da Efesu.

Mithumo 15:6

Se vapostoli ni madhota va to sengeletana kasiku ve yi wonisisa kha kwati mhaka yiya.

Mithumo 15:4

Se ngako va di hokile Jerusalema va to amukelwa ngu Dibanza ni Vapostoli ni madhota, se ve va gela totshe ti Txizimu txi nga ti maha ngu vona.

Mithumo 2:32

Se ngene Jesu wu Txizimu txi nga mu wusa; hotshethu hi tifakazi ta mhaka yiya.

Mithumo 1:22

kukhukhela ka mbimo ya kubhabhatisa ka Johani, kala kuhoka ditshiku diya a nga guletwa hagari kwathu e tsula nzumani; mmweyo wawe a fanete kusengela ni nathu e va fakazi ya kuwuka ka Mkoma.”

Mithumo 1:8

Aniko, mi na amukela mtamo wa Moya wo Sawuleka, wu no txhika txitimwi kwanu, se mi na va mi di tifakazi tangu ahawa Jerusalema ni ka dotshe ditiko da Judheya ni Samariya, kala magemeta-mitshi ka ditiko.”

2 Vakorinto 5:8

Athu hi ku ni kuthemba, hi navela kuhuma ka mmidi wuwa hi txi ya zumba ni Mkoma.

Mithumo 3:15

mi txi dayisisa mningi wa wutomi. Txizimu txi mwusile ngu ka vakufa; athu hi tifakazi ta eyo mhaka.

Vahebheru 12:1

Ngu toneto, akuwa hi nga randelwa ngu mtalo wa hombe wa tifakazi ta likholo, nanathu hi fanela kutshotsha kule sotshe si si hi nemelako kumweko ni txionho txi txi hi namarelako, hi txi tutuma ngu kutsanisela mnava wu hi nga sikelwa wona.

1 Pedro 4:13

Aniko, tsakani ngu kumana txyavelo txa sixaniso sa Kristu, kasi ku na nanu, mi txi ta sikota kutsaka ni kugiya, ka ditshiku di ku nota kombiswa kupfaliswa ka Kristu.

3 Johani 1:1

Ani Didhota ni bhalela Gayo wo randeka ngutu, awu ni mrandako ngu ditshuri.