1 Pedro 4:9 - Bhiblia Yo Sawuleka

⁹ Zivani kuamukelana mbimo yi mi endelanako, na mi si ngungurukeli.

1 Pedro 4:9 Referans Kwoze

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

Varoma 12:13

Vhunetani vasawuleki ka si va si pwatako, mi txi amukela vapfhumba ngu manza mambidi.

Vafilipiya 2:14

Thumani totshe mi si ngungurukeli ni kuphikizana,

Vahebheru 13:16

Mi nga divaleni kumaha ta tinene, mi txi abana ni vakwanu asi mi ku naso, nguko atiya ngu tona timhamba ti ti tsakisako Txizimu.

Titosi 1:8

Kulaveka a txi ziva kuamukela vapfhumba, i di wamnene, wa kutipimela wo lulama, wa kusawuleka, wa kutiñola ka to biha,

1 Timoti 3:2

Ngu toneto, kulaveka ti to mthangeli e va i di m'thu wu a ku si nga ni txisolo, i di m'thu wu a ku ni msikati mmweyo, i di wa kutiñola, wa mapimo, a di ni nduma ya yinene, wa kuziva kuamukela vapfhumba, wa kusikota kugondisa;

Jakobe 5:9

Mi nga mangalaneni, vanathu, kasiku mi si ta lamulwa. Wonani ti to Mlamuli a ha txikeni.

2 Vakorinto 9:7

M'thu a na ningele kota nga ti a xuvisako tona mbiluni kwakwe, asi karateki mwendo kukurumetwa, nguko Txizimu txi randa awu a ningelako ngu litsako.

Filimoni 1:14

Aniko, kha na lava kumaha txilo, na ni sa thanga ngu kuengisana ni nawe, kasiku mthumo wako wa wunene wu si fananiswi ni wo kurumetwa, kambe u txi wonwa awe ti to u wu mahile ngu kuranda ka mbilu.

Varoma 16:23

Wa mi dingula Gayusi, awu a nga ni amukela kumweko ni dotshe dibanza. Wa mi dingula Erastusi, mñoli wa male ya didhoropa diya, ni mwanathu Kwartu.

Genesisi 24:19

A di gwitile ku mninga e sela, muhorana a to khene: “Ni na reka kambe mati ni txi ninga makamelu ako otshe, me sela.”