1 Pedro 4:8 - Bhiblia Yo Sawuleka

⁸ Ngutu-ngutu, khatalelani kurandana, nguko lirando la fenengeta mtalo wa sionho.

1 Pedro 4:8 Referans Kwoze

Mavingu 10:12

Livengo li kujetela mazunga, aniko lirando la fenengeta sotshe sihambunyeto.

Vakolosa 3:14

Kambe txitimwi ka sotsheso, ambalani lirando, i ku txitsaniso txo hetiseka;

Mavingu 17:9

Awule a sisako wubihi a xota wungana, kambe wule a wusetako mhaka, wa abanisa vale va ku ni wungana wa hombe.

1 Pedro 1:22

Ngu kuengisa ditshuri, mi basisilwe mimoyani kwanu ngu lirando la txikoma ni txinanda. Randanani ngu kukhutala ka lirando la kuta ngu mndani ka mbilu,

Jakobe 5:20

a na ti zive ti to awule a tshumetako muonhi ka nzila yakwe ya kutimela, a na hanyisa moya wakwe ka lifo, se a na divalelwa mtalo wa sionho.

1 Vakorinto 13:1

Hambi idiku no ziva kuwombawomba tidimi ta vathu ni ta tingelozi, kambe ngako ni si nga ni lirando, ni fana ni simbi yi yi ngelengetako mwendo mpundu wu wu tumako.

1 Vatesalonika 3:12

Mkoma a na kulise ni kuandisa lirando li mi randanako ngu lona anu, ni lirando la kuranda votshe vathu, nga ti athu hi mi randisako tona.

Vahebheru 13:1

Yanani masoni ngu kurandana nga vanawe.

1 Timoti 1:5

Txivangelo txa txileleto txiya ngu lirando, li li humako ka mbilu yo basa, ka livhalo la linene ni ka likholo lo mbi na kukanganyisa.

2 Vatesalonika 1:3

Hi fanete kubonga Txizimu yotshe mbimo ngu mhaka yanu, vanathu, nguko eto ti lulamile, nguko likholo lanu la kula ngutu, ni kurandana ka engeteleka mndani ka mmweyo ni mmweyo wanu motshe.

Mavingu 18:13

Kuxamula u si se pfisisa, mbuphukuphuku ni tingana.

Mavingu 12:16

Kuhenya ka txiphukuphuku kha ku sweli kuzivaneka, aniko awule wo txhariha wa sisa tingana.

3 Johani 1:2

Wo randeka, ni navela ti to u txi hanya kwati, ni ti to wutomi wako wa mmidi wu txi xayiseka kufana ni ti wu xayisekisako tona wutomi wako wa moya.

Jakobe 5:12

Ngutu-ngutu, vanathu, mi nga xambanyeni hambi ngu nzuma, hambi ngu mafu, hambi ngu txilo txihi ni txihi, kambe kuwombawombani kwanu, “Ina” a nave i di “Ina,” se “Ahim-him” a nave i di “Ahim-him,” kasiku mi si weli kuabaniswani.

1 Vakorinto 13:4

Lirando la timisela, lirando li ni wumbilu, lirando kha li nga ni mazonda, lirando kha li ti guleti, lirando kha li ti kukumukisi;