1 Pedro 4:4 - Bhiblia Yo Sawuleka

⁴ Vona va xamala ku mi si ngadi mi tsimbila navo, amu ka wubhemba, se ngu mhaka yeto, va mi ruka.

1 Pedro 4:4 Referans Kwoze

1 Pedro 3:16

Mi fanete kumaha tiya ngu mbilu ya kululama, kasiku, hambi ka tile va wombako kubiha ngu nganu, ve thelwa tingana, avale va wombako kubiha ngu dihanyo danu ka Kristu.

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Mithumo 18:6

Kambe ngako a txi wona kukaneta kwawe, ni kuruka kwawe, Paulo a to zuza tinguwo takwe, a txi khene kwawe: “Mnoha wanu wu nave txitimwi ka misungo yanu. I di ani ni basile: Kukhukhela konkuwa ni na tsula ka vamatiko.”

Judha 1:10

Kambe vathu vava va ruketela sotshe si va si si ziviko; se asile va si zivako ngu mazivelo o fana ni a sihari so mbi na mapimo, eso si thuma ku va lovisa.

Mithumo 13:45

Sekoko ngu kuwona dibutho da vathu, Vajudha va to tala ngu kubavela, se va txi angula ngu siruko ka timhaka tiya Paulo a nga ti womba-womba ngu tona.

2 Pedro 2:22

Ti tatisekile atile ti wombwako ngu divingwa da ditshuri adi di ku: “Yimbwa yi tshumete yi dya makosa a yona,” ni tiya kambe taku: “Khumba yi yi nga sambiswa, yi tshumete yi txi puluwunda ha ndopeni.”

2 Pedro 2:12

Kambe avava, kufana ni sihari si si ziviko, asi ngu mtumbuluko wa sona si nga mahelwa kusekelwa ni kudawa, ngako va ruketelako atxile va si txi ziviko, va na fisa ku nga sona sihariso.

Varoma 13:13

Nga tiya i ku mitshikari, he tsimbileni ngu fanelo, hi hambana ni limito mwendo wudevi, ni wugango mwendo wugelegele, ni livengo mwendo dibava.

Luka 15:13

Msana ka masikuanyana madotho, awu wa mnanda a to pakela thundu yakwe, e khukha a txi tsula ka ditiko da kule, a txi ya hangalasela thomba yakwe, ngu kuhanyisa ku ambi ti pimela.

Vaefesu 5:18

Se mi nga leveni ngu vhinya, ayi ka yona ku ku ni mazunga, aniko talani ngu Moya;

Matewu 23:25

“Mi na ni dikhombo, anu vabhali ni Vafarisi, vaxengeteli, nguko mi kuwula hahanze ka muhindo ni ka mbiya, kasi mnadani kwanu mi tate ngu wukhokhokho ni kwa mbi ti ñola.