1 Pedro 4:3 - Bhiblia Yo Sawuleka

³ Se ti dingani ati mi nga ti hanyisa tona kale, to tsakelwa ngu vamatiko, ta kuhanya ngu wugelegele, ni kunavela ko biha, ni wudevi, ni makolo, ni masuke, ni kukhozela sa mafu.

1 Pedro 4:3 Referans Kwoze

1 Vakorinto 6:11

Vamwani kwanu i ti vo nga toneto, aniko se mi kuwutwe, mi sawulekisilwe, mi mahilwe valulami ngu ditina da Mkoma wathu Jesu Kristu ni Moya wa Txizimu txathu.

Vaefesu 5:18

Se mi nga leveni ngu vhinya, ayi ka yona ku ku ni mazunga, aniko talani ngu Moya;

1 Vatesalonika 4:5

I si nga kulondetela minavelo yo hisa, nga vamatiko va va si ziviko Txizimu.

1 Pedro 1:14

Ngako mi ku vanana vo engisa, mi nga londeteni minavelo yi mi nga ti nayo, mbimo yi mi nga sinzi kuziva txilo.

Vagalatiya 5:21

kubavela, wudevi, limito, ni simwani so fana ni sona siya. Na mi alakanyisa, ngako ni khalako ni txi mi alakanyisa, tito: Ava va mahako to ngeto, kha va na mbi mana thomba ya Mfumo wa Txizimu.

Vagalatiya 5:19

Mithumo ya mtumbuluko wa nyama ma yi ziva, ngu yiya: Wugelegele, mikhuwo ya nzambwa, ku ambi ti ñola;

Ezekhiyele 45:9

Mkoma Txizimu a khene: Ti dinganile, anu vathangeli va ka Israyeli; yisani kule timboyinga ni kulovisa, lamulani ngu wululamo, kambe thavisani mikhinyavezo yanu ka vathu vangu, kuwomba Mkoma Txizimu.

Judha 1:4

Nguku ku txholovete vathu vokari hagari kwathu, ava ku nga bhalwa ngu kale ti to va na abaniswa, vathu va kwa mbi thava Txizimu, va hindulako kateko ya Txizimu txathu, ve yi maha txivhikelo txa wubhemba wawe, ve lamba kukholwa ka wu i ku ene ekha M'gondisi ni Mkoma wathu, Jesu Kristu.

Mithumo 17:30

Hambi keto. Txizimu txi lekile kupimisa ngu ta mbimo ya kupwata kuziva yi nga pinda, se konkuwa txi zivisa votshe vathu va otshe matiko tito, va na hunduluke.

Ezekhiyele 44:6

Kambe gela vale va ku ti lambisa, va nyumba ya ka Israyeli: Mkoma Txizimu a khene: Ma na eme otshe manyala anu, anu va nyumba ya ka Israyeli!

Isaya 28:7

Aniko ni vona vava, va onha ngu mhaka ya vhinya, va dhedherekiselwa ngu sopa. Hambi vaphaxeli ni vaprofeti va dhedherekela ngu mhaka ya sopa; va mitwa ngu vhinya, va dhedherekela ngu sopa, va tandeka ni kutxhamusela siwoniso, se ve onha wulamuli.

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

2 Vakorinto 12:21

Na thava ti to mbimo yi ni no tshumela ni ta kheyo kwanu, Txizimu txi nata ni xowokisa ngu mhaka yanu, se ani ni txi dila ngu mhaka ya vale vavangi, va nga onha kale, va sinziko kuhunduluka ka wubihi, ka wugelegele ni ka manyala ya ti va nga ti maha.

1 Vakorinto 12:2

Ma tiziva tito, mbimo yi mi nga ti vamatiko, mi ti tumela kundindwa mi yiswa ka sizimu sa walo sa siduma.

Varoma 13:13

Nga tiya i ku mitshikari, he tsimbileni ngu fanelo, hi hambana ni limito mwendo wudevi, ni wugango mwendo wugelegele, ni livengo mwendo dibava.

Marku 7:22

wugango, kunavela ko biha, tshofu, kukanganyisa, ku ambi ti ñola, mabava, sisolo, kutikulisa, wukhwanda.

Jeremiya 16:18

Se kukhata ni na va tshumetela kumbidi wubihi wawe ni sionho sawe, nguko va nyenyezisile ditiko dangu ngu sirumbi sa manyala awe, kambe ngu sinyenyeko sawe va tatile thomba yangu.”

Isaya 65:4

ve khalahatsha hafuhi ni mathita, ve heta wusiku wotshe ka makhalo a sihuja, va txi dya nyama ya khumba, ve nyamisa timbiya tawe ngu sakudya so yila.

Isaya 5:11

Dikhombo ka vale va wukako ni mixo ve londisela sa kusela, va selako kala ni wusiku, yiza vhinya yi txi va hisa.

2 Makronika 15:8

Ngako Asa adi engisile timhaka tiya ti nga wombwa ngu mprofeti, mwana wa Obhedhi, a to tsana e thavisa sotshe simaho so nyenyenza sa ditiko dotshe da ka Judha ni da Bhenjamini, ni mu ka madhoropa ale a nga ma teka mimangoni ka Efrayime; e lunguiseta txiluvelo txa Mkoma atxi txi nga ti ti masoni ka m'hubhe wa Nyumba ya Mkoma.

1 Vafumeli 21:26

Kambe a mahile kunyenyeza ka hombe, a txi londisela sithombe, nga ti va nga maha Vaamori, evo Mkoma a nga va tshotsha kule, masoni ka va ka Israyeli.

2 Samuwele 13:28

Se Abhisalome a to leletela ka vafana vakwe, a txi khene: Wonisisani kha kwati; mbimo si mbilu ya Aminoni yi tsakako ngu vhinya, se ani ni txi mi gela ku khani: Dayani Aminoni! Sekoko mi na m'daya; mi nga thaveni; Ina hi ngani ni mi rumako kani? Tsanani, mi va tindena.

Jeremiya 16:11

Sekoko u na khawe kwawe: “Vatate vanu va ni lekile, kuwomba Mkoma, ve londetela simwani sizimu, ve si thumela ni ku si khozela; va ni lekile, kha va vekisa mlayo wangu.