1 Pedro 4:2 - Bhiblia Yo Sawuleka

² kasiku, ka masiku awa a nga salelwa ngu ona a kuhanya nyamani, e sikota kuhanya asi londeteli minavelo ya nyama, aniko a txi londetela kuranda ka Txizimu.

1 Pedro 4:2 Referans Kwoze

1 Pedro 1:14

Ngako mi ku vanana vo engisa, mi nga londeteni minavelo yi mi nga ti nayo, mbimo yi mi nga sinzi kuziva txilo.

Vaefesu 6:6

Mi nga va thumeleni dwe, ngako va txi mi wona, nga mo randa kutsakisa vathu, aniko aku mi ku sithumi sa Kristu, mahani kuranda ka Txizimu ngu yotshe mbilu.

Varoma 6:11

Ngu toneto, na nanu ti maheni vakufa ka txionho, kufela ku mi txi hanyela Txizimu ngu Kristu Jesu.

2 Vakorinto 5:15

Ene a fete votshe, kasiku votshe va va hanyako, va si swi va txi ti hanyela vona ngu txawe, aniko ve hanyela awule a nga va fela, a txi tshumela e wuka ka vakufa ngu kota yawe.

Vaefesu 2:3

Nanathu hotshethu hi ti fite kale kufana navo, ngu kulondetela minavelo yathu yo biha ni kumaha kuranda ko hambana ka mmidi wathu ni mipimiso yathu. Ngu kota yeto, nathu ngu mtumbuluko wathu hi ti maneka hi di vanana va va fanelwako ngu kutsukulwa ngu Txizimu kufana ni vamwani.

Varoma 6:2

Lambi! Akuwa athu hi nga fa ngu didhawa da txionho, se hi nga hanyela txani kambe txionhoni kani?

Vaefesu 4:17

Ndiye mhaka yi ni mi gelako, na ni txi yi tsanisa ngu ditina da Mkoma: Mi nga tshumeleni kambe mi hanya nga vamatiko, avava va londetelako mipimiso yawe yo biha.

Varoma 14:7

Hagari kwathu kha nga ho wu a ti hanyelako ene apune, kambe kha nga ho wu a ti felako ene apune.

1 Pedro 2:1

Ngu toneto, lekani wotshe wubihi, makuhu, wuxengeteli, livengo, ni totshe tixaka ta siruko,

Masalmo 143:10

Ni gondise kumaha kuranda kwako; nguko awe ngawe Txizimu txangu. Moya wako wa wunene wu na ni tsimbitise ka nzila yo lulama!

Johani 7:17

Ngako m'thu a txi lava kumaha kuranda ka Txizimu, a na tiziva ti to gondo yangu yi huma ka Txizimu, mwendo no ti wombela tangu ngu wutumbu.

Marku 7:21

Kha ditshuri, mndani timbiluni ka vathu, kuhuma mialakanyo yo biha: Wugelegele, wukhamba, kudaya,

Marku 3:35

Nguko awu a mahako kuranda ka Txizimu, ngene i ku mwanathu ni ndiyangu ni mame wangu.”

Hoseya 6:7

Kambe vona va ndakile txitumelelano kufana ni Adhamu; se vona va tsimbite ngu nzila yo ni kanganyisa.

1 Johani 2:17

Kasi ditiko da pinda ni kunavela ka dona, kambe awu a mahako kuranda ka Txizimu, a zumba ngu ha ku si gumiko.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Vahebheru 13:21

Mkoma wathu Jesu, txi na mi longisele sotshe si i ku sa sinene, kasi ku si mi vhuna kumaha kuranda ka txona; txona Txizimu txi na thume kwathu ati ti txi tsakisako, ngu Jesu Kristu, awu a fanelako kupfaliswa ngu malembe ni malembe.

1 Vatesalonika 5:18

Zivani kubonga ka totshe ti ti mi humelelako. Nguko, ngu tona tiya txi ti dhundako Txizimu kwanu, ngu ka Kristu Jesu.

Vakolosa 1:9

Ngu konaho, nathu, txima hi txi engisa toneto, kha ha humula ku mi khongelela ni ku mi kombelela, ti to mi txi tala ngu wuzivi wa kuranda kwakwe, ni wutxhari wotshe, ni kualakanya kotshe ka Moya;

Vaefesu 5:17

Ngu toneto, mi nga ti maheni mabhemba, aniko lavani kuziva kuranda ka Txizimu.

Varoma 12:2

Mi nga xengetelweni ngu sa ditiko diya, aniko phindukani amu ka mapimo anu, kasiku mi ziva kuranda ka Txizimu: Ati i ku ta tinene, a ti ti mtsakisako, ni ti i ku ta kuhetiseka.

Varoma 7:4

Ngu nzila yo nga toneto, nanu vanathu, mi fite mlayoni ngu didhawa da mmidi wa Kristu, ti to mi lumba mmwani, i ku wu a nga wuka ka vakufa, kasi ku hi txi humisa mihando yi yi tsakisako Txizimu.

Johani 1:13

Vona mbanana va Txizimu, i si nga ngu nzila ya mtumbuluko, mwendo kunavela ka mmidi hambi kuranda ka m'thu, aniko va velekilwe ngu Txizimu.

Matewu 21:31

Se i mani ka vona va vavambidi, awu a nga maha kuranda ka tate wakwe, kani?” Se vona va txi kha vona: “Ngu wule wo khata.” Jesu a to va gela a txi khene: “Ngu ditshuri nanani na mi gela: Vakhupisi ni magelegele va na mi thangela kuwulela Mfumoni ka Txizimu.

Matewu 12:50

Nguko wuhi ni wuhi a no maha kuranda ka Tate wangu a ku nzumani, ngene i ku mwanathu ni ndiyangu ni mame wangu.”

Matewu 7:21

“Hi nga votshe vale va wombako kwangu va txi Mkoma, Mkoma ava va no wulela Mfumoni ka nzumani, aniko ngu wule a mahako kuranda ka Tate wangu a ku nzumani.”

Vakolosa 4:12

Wa mi dingula Epafrasi, i ku mmweyo wanu, txithumi txa Kristu Jesu, txi lwako yotshe mbimo ngu nganu mikombeloni kwakwe, kasiku mi zumba mi di va kuhetiseka, mi di va kutsana amu ka kumaha totshe ti Txizimu txi ti randako.

Vakolosa 3:3

nguko anu mi fite, se wutomi wanu wu sisilwe kumweko ni Kristu, ka Txizimu.

Matewu 20:4

Se a to khene kwawe: ‘Tsulani na nanu thembweni kwangu ka mivhinya, ni na mi ninga muholo wu wu fanelako. Nivona va to tsula’