1 Pedro 4:19 - Bhiblia Yo Sawuleka

¹⁹ Ngu toneto, avale va xanisekako ngu kulava kulondeta kuranda ka Txizimu, va na ningele mihefemulo yawe ka M'vangi wo thembeka, ngu kumaha mithumo ya yinene.

1 Pedro 4:19 Referans Kwoze

Masalmo 37:5

Ningela nzila yako ka Mkoma; themba kwakwe, se ene a na maha totshe.

2 Timoti 1:12

Ngu toneto, ni xanisekelako tona. Aniko kha ni na tingana, nguko ani na m'ziva awu ni thembako ene, na tiziva ngu ditshuri ti to ene ana ni mtamo wa kuveketa asi a nga ni vekela manzani kwangu, kala kedo ditshiku.

1 Pedro 3:17

Ti ni lisima ngutu kuxaniseka ngu kumaha ti i ku ta tinene, na eto i di kuranda ka Txizimu, kupinda kuxaniseka ngu kumaha tile i ku to biha.

Masalmo 138:8

Mkoma ana ni txhukwatisela ati ti ni dinganako! Awe Mkoma, lirando lako nda kala kupinduka; U nga leke ha mpfhukani mthumo wa manza ako.

1 Pedro 2:15

Nguko, Txizimu txi lava kumalata wuphukuphuku ngu mithumo yanu ya yinene.

Varoma 2:7

Txi na ninga wutomi wo mbi na magwito, ava vo simama kumaha ta tinene, ngu kulava wudhumo ni lisima ni wutomi wo mbi guma, ngu kutimisela ka mithumo yo tshura;

Masalmo 31:5

Na ti veka ngu kuhetiseka manzani kwako; ni hanyise, Mkoma, nguko awe u wo thembeka!

Dhaniyeli 6:22

Txizimu txangu txi rumete Ngelozi ya txona yi ta vhala sisofu sa tingonyamo, kasiku ti si ni mahi txilo, nguko ni manekile ni si na mnandu masoni ka Txizimu; hambi masoni kwako, awe mfumeli, kha ni khali kumaha wubihi ni wawumwewo.

Mithumo 7:59

Se va to balisela Sitefani ngu marigwi, na ene a txi khongela, a txi khene: “Mkoma Jesu, amukela moya wangu!”

Luka 23:46

Se Jesu a to huwelela ngu dipswi da hombe, a txi khene: “Tata, na ningela moya wangu manzani kwako.” A di gwitile kuwomba tiya, a to fa.

Isaya 43:21

Vathuvo ni nga ti wumbela, kasi ku va na ni dhumisa.

Isaya 43:7

ka votshe vale va dhanwako ngu ditina dangu, ni vale ni nga va wunja, kasi kuva wudhumo wangu; ani ni va wumbile, ina, ani ni va vangile.

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

1 Pedro 3:20

avale kale ka masiku a Nowa, va nga mbi va ni kuengisisa, mbimo yi Txizimu, ngu kuhonisela ka txona, txi nga verela kuakwa ka ngalava, ayi vathu vavadotho, (va mtxhanu ni vararu) va nga ti hanyisa ngu yona, txitimwi ka mati.