1 Pedro 3:9 - Bhiblia Yo Sawuleka

⁹ Mi nga tshumeteleni wubihi ngu wubihi, hambi txiruko ngu txiruko, aniko, kukatekisa nguko ngu toneto mi nga dhanelwa tona, kasi ku mi txi maha vadyi va thomba ya kateko.

1 Pedro 3:9 Referans Kwoze

Varoma 12:17

Mi nga tshumeteleni kubiha ngu kubiha, kambe zamani kumaha ti i ku ta tinene masoni ka votshe vathu.

Mavingu 20:22

U nga wombe ku khawe: Ni na tshumetela wubihi; themba ka Mkoma, se ene a na kuhulukisa.

Varoma 12:14

Katekisani va va mi zondako, va katekiseni, mi nga wombeni kubiha ngu vona.

1 Vatesalonika 5:15

Ti woneleni kasiku ni wammweyo kwanu asi tshumeteli wubihi ngu wubihi; otshe masiku duketani kumahelana ta tinene, mi txi maha toneto ni ka votshe.

Matewu 5:44

Aniko ani ni khani: Randani valala vanu, mi txi khongelela avale va mi xanisako.

Vaefesu 4:32

Zumbani mi di vavanene, mi txi pfelana wumbilu. Divalelanani kufana ni kuwa Txizimu ni txona txi nga mi divalela ngu ka Kristu.

Matewu 5:39

Aniko ani ni khani kwanu: Mi nga lambeleni m'thu wo biha, ngako m'thu a txi ku haphata mpama ka dithama da txinene, tshembereka u txi ningetela dimwani.

Mavingu 17:13

Se ka wule a dihelako wunene ngu wubihi, wubihiwo kha wu na mbi va kule ni nyumba yakwe.

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

Varoma 8:28

Athu ha tiziva ti to Txizimu txa tshanganisa sotshe si txi maha wunene ka vale va txi dhundako, avale txona txi nga va dhana ngu kuranda ka txona.

Matewu 25:34

“Sekoko Mfumeli a na gela vale va ku txinene a txi khene: ‘Ngonani anu mi nga katekiswa ngu Tate wangu, amukelani thomba ya Mfumo, ayi mi nga lulamiselwa kukhukhela di txi mahwa ditiko.

Vahebheru 6:14

txi txi kha txona: “Kha ditshuri, ni na kukatekisa ngu sikatekiso so tala, ni na kuandisa ngu mtengo wawungi.”

Luka 18:18

Mfumeli wokari a to mu wotisa a txi khene: “M'gondisi wamnene, nji txani ni fanelako ku txi maha, kasi kumana thomba ya wutomi wo mbi guma kani?”

Luka 10:25

M'gondisi wokari wa Mlayo, a to khukha a txi mu duka ngu mapswi awa: “M'gondisi, nji txani ni fanelako ku txi maha, kasiku ni mana wutomi wo mbi guma kani?”

Matewu 19:29

Se wuhi ni wuhi, a nga leka tinyumba, vanawe, tindiyakwe, tate, mame, msikati, vanana mwendo tithembwe ngu mhaka ya ditina dangu, a na amukela sa kupinda ngutu asile, se ngu msana a na mana thomba ya wutomi wo mbi guma.

Varoma 8:30

Avale txi nga va sikela ngu kale, ngu vona va txi nga va dhana; se avale txi nga va dhana, ngu vonavo txi nga va maha valulami; se avale txi nga va maha valulami ngu vona txi nga va ninga wudhumo.

Marku 10:17

Mbimo yi Jesu a nga huma a txi goxometa nzilani kwakwe, m'thu wokari a to tutuma a ta mu khizamela, a txi mu wotisa a txi khene: “M'gondisi wamnene, nji txani ni fanelako ku txi maha, kasiku ni mana thomba ya wutomi wo mbi guma kani?”

Genesisi 42:25

Se Josefa a to ruma ku tata masaka awe ngu fulaho, ni ku va tshumeta male mmweyo ni mmweyo wawe, ve va ninga mbuva ya nzila; se va to va mahela toneto.

1 Samuwele 26:11

Mkoma a na ni xayise ku ni si guleti diwoko dangu ni daya wule a nga totwa wa Mkoma, kambe konkuwa, teka mseve wu wu ku misungoni kwakwe ni ngoto ya mati hi tsula.

Mavingu 28:10

Awule a jikisako vo lulama ve huma e va yisa ka nzila yo biha, ene apune a na wa ka dona diphaledo dakwe; aniko avale va ditshuri va na wuyelwa ngu wunene.

Vagalatiya 3:14

Atiya ti mahekile kufela ku kateko ya Abrahamu yi txi hokela vamatiko ngu Jesu Kristu, se ngu konaho nathu hi txi mana kuamukela ngu likholo wona Moya, i ku txihiwa txi txi nga thembiswa.

Vahebheru 12:17

Ma tiziva kambe ti to mbimo yi a nga lava thomba ya kukatekiswa, a nyenyilwe nguko kha mana nzila yo hunduluka ngu yona, hambiko a nga ti kombela ngu kudila mirongo.