1 Pedro 3:7 - Bhiblia Yo Sawuleka

⁷ Kufana ni toneto, na nanu vavamna, hanyani ngu kuengisana ni vasikati vanu, mi txi zumba navo ngu txithavo, nga siya sa kwa mbi tsana, mi txi va xonipha kambe, ngukuva i di vadyi kuloni va thomba ya kateko, yi yi ningako wutomi, kasi ku mikombelo yanu yi si tsivelwi ngu txilo.

1 Pedro 3:7 Referans Kwoze

Vakolosa 3:19

Anu vavamna, randani vasikati vanu, mi si zumbi ngu ku va xupha.

Vaefesu 5:33

Ngu toneto, mmweyo ni mmweyo wanu, ngu kwakwe, a fanete kuranda msikati wakwe, nga ti a ti randisako tona ene apune; nene wamsikati e xonipha mwamna wakwe.

1 Vakorinto 7:3

Wamwamna a na ninge msikati wakwe asi i ku sa fanelo; kufana ni toneto, wamsikati nene a na ninge mwamna wakwe asi i ku sa fanelo.

Matewu 18:19

Na mi gela kambe tito, ngako vambidi kwanu va txi tumelelana ahawa mafuni, va txi kombela txo maha, va na ningwa ngu Tate wangu a ku nzumani.

1 Vatesalonika 4:4

M'thu ni m'thu kwanu a na zive kuxayisa mmidi wakwe ngu wusawuleki ni txithavo.

Vaefesu 6:18

Mahani totshelele tiya na mi txi khongela, mi txi kombela kuvhunwa ngu Txizimu. Khongelani yotshe mbimo, nga ti Moya wu mi leletisako tona. Ngu konaho, zumbani mi di ti lulamisete, mi txi khongela mi si karali, mi txi kombelela vasawuleki votshe va Txizimu.

Vaefesu 3:6

ti to vamatiko i sidya-thomba ni vona kumweko ni Vajudha, va lumba lixaka limwelo, se kambe va na mana kuvhuneka ni vona ka txonetxo txithembiso txa tximwetxo txa Kristu, ngu mtamo wa Evhangeli.

Jobe 42:8

Tekani koko mtxhanu wa marole ni mambidi, ni tihamba, mi tsula ka txithumi txangu Jobe, mi txi ya ningela mphaxo wo hiswa mipune, se txithumi txangu Jobe a na mi kombelela; nguko kutilava ni nga mtumelela, kasi ku ani ni si mi tshumeteli ngu wubihi wanu; nguko anu kha ma womba ditshuri ngu ngani, kufana ni txithumi txangu Jobe.

Titosi 3:7

Txizimu txi mahile tiya kasi ku hi txi mahwa valulami ngu mtamo wa kateko ya txona, ni kumahwa vadyi va thomba ya wutomi wo mbi guma, awu hi wu rinzelako.

Vaefesu 4:30

mi nga henyiseni Moya wo Sawuleka wa Txizimu, awu mi nga vekelwa ngu wona txixambanyo txa kukomba ti to mi lumba Txizimu ka ditshiku diya txona txi nota mi tirula ngu dona ka magwito.

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

1 Pedro 3:1

Nananu vavasikati vo tekwa, ti vekeni hahatshi ka vamna vanu, kasiku, ngako vamwani vavamna va si engisi dipswi, ve mana kudhanwa ngu mtamo wa mahanyelo a vasikati vawe, i si nga ngu dona dipswi,