1 Pedro 3:5 - Bhiblia Yo Sawuleka

⁵ Ngu tona tiya va nga ti bombisisa tona vavasikati va vo sawuleka va kale, va va nga ti ni likholo ka Txizimu, vona va ti ti engisa vamna vawe,

1 Pedro 3:5 Referans Kwoze

1 Timoti 5:5

Se ka wule i ku noni kha ditshuri, awu a nga sala ekhalela, eyo a vekile txithembo txakwe ka Txizimu, a zumba a txi khongela ni kukombela wusiku ni mitshikari.

1 Timoti 5:10

Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.

1 Timoti 2:15

Hambi keto, wamsikati a na hanyiswa nguko a velekako vanana, ngako a txi timisela amu ka likholo, ni mu ka lirando, ni mu ka ku ti sawulekisa, ni kutiñola.

Mithumo 9:36

Didhoropani ka Jopa, ku ti ni wamsikati wa mgondiswa, awu a nga ti dhanwa ku i Tabhita, atiya ngu Txigriki ti txhamusako ku Dhorkasi. Ene a ti taletwe ngu mithumo ya wumbilu ni wuha.

Luka 2:37

A ti tekilwe i di ngadi mbiri, e zumba ni mwamna wakwe mtxhanu wa malembe ni mambidi. Se konkuwa i ti noni ya mtxhanu ni mararu magumi, ni mune wa malembe. A ti si khukhi Dithepeleni, amuwa a nga txi khozela Txizimu, ngu kutitona sakudya ni kumaha mikombelo wusiku ni mitshikari.

Jeremiya 49:11

Leka sikulungu sako, ani ni na si xayisa si txi hanya; ni tinoni tako ti na themba kwangu.

Mavingu 31:30

Kutshura ka kanganyisa, kambe kona kutshura ngutu mbukanganyisi, aniko msikati wule a thavako Mkoma, eyo a na dhundwa.

1 Samuwele 2:1

Sekoko Ana a to kombela, a txi khene: Mbilu yangu yi tsakela Mkoma, ni mtamo wangu u guletilwe ka Mkoma; Txisofu txangu txi asamile txitimwi ka valala vangu, nguko na tsaka kuhanyisani kwako.

Vahebheru 11:11

Ngu likholo, Sara nene, hambiko a nga ti kumbile ngutu, a mani txirumbu nguko a tumete ti to awule a nga mmahela txithembiso, a tsanisile.

1 Timoti 2:10

aniko kuleka eto, va na ti bombise ngu mithumo ya yinene, nga vavasikati va i ku makholwa.

Mithumo 1:14

Vona votshe va ti simama ve khongela ngu mbilu yimweyo kumweko ni vavasikati vokari, ni Mariya mame wa Jesu ni vanawe.

Mavingu 31:10

I mani a nga sikotako kumana msikati wamnene kani? Mtengo wakwe wa pinda ngutu wa marigwi a lisima.

Vaefesu 5:33

Ngu toneto, mmweyo ni mmweyo wanu, ngu kwakwe, a fanete kuranda msikati wakwe, nga ti a ti randisako tona ene apune; nene wamsikati e xonipha mwamna wakwe.

1 Pedro 1:3

Txi na dhumiswe Txizimu, i ku Tate wa Mkoma wathu Jesu Kristu, awu a nga hi veleka, ngu wumbilu wakwe wa hombe ni txithembo txa kuhanya.