1 Pedro 3:21 - Bhiblia Yo Sawuleka

²¹ Mati awa, i ti txidinganiso txa txibhabhatiso, atxi konkuwa, se txi mi hanyisako, i si nga ngu kukuwulwa ka nzambwa ya mmidi, aniko ngu kuxolwa ka livhalo ngu Txizimu, ni kuwuka ka Jesu Kristu,

1 Pedro 3:21 Referans Kwoze

Marku 16:16

Awu a no kholwa, a txi bhabhatiswa, a na huluka; awu a no mbi kholwa, a na abaniswa.

Mithumo 2:38

Pedro a to va xamula, a txi khene: “Hundulukani, se mmwani ni mmwani a na kombele kubhabhatiswa ngu ditina da Jesu Kristu, kasiku e mana kudivalelwa sionho. Ti di mahile eto, mi na amukela txihiwa i ku Moya wo Sawuleka.

Vagalatiya 3:27

Motshenu mi nga bhabhatiselwa kwakwe Kristu, mi ambate Kristu.

Mithumo 22:16

U ngadi u txi kana-kana ngu txani kani? Kuluveta! Amukela txibhabhatiso ni divalelo ya sionho sako ngu kukhozela ditinani kwakwe.’ ”

Vaefesu 5:26

kasiku a txi di kuwula ngu mati, ni ku di basisa ngu dipswi,

1 Pedro 1:3

Txi na dhumiswe Txizimu, i ku Tate wa Mkoma wathu Jesu Kristu, awu a nga hi veleka, ngu wumbilu wakwe wa hombe ni txithembo txa kuhanya.

1 Vakorinto 12:13

Kha ditshuri, hotshethu, mwendo hi Vajudha mwendo hi Vagriki, mwendo hi tikhumbi mwendo hi vathuseki, ngu kubhabhatiswa ka Moya wawumwewo, hi mahile mmidi wumwewo. Hotshethu hi setilwe Moya wumwewo.

Vakolosa 2:12

Ngu kubhabhatiswa anu mi keletwe kumweko ni Kristu, mi tshumela kambe mi wuswa kumweko nayo ngu kuwa mi nga kholwa ka mtamo wa Txizimu, txi nga mu wusa ka vakufa.

Matewu 28:19

Ngu toneto, tsulani mi txi ya phindula vamatiko votshe, ve maha vagondiswa vangu, mi va bhabhatisa ngu ditina da Tate, ni da Mwanana, ni da Moya wo Sawuleka,

Vahebheru 9:24

Se, Kristu kha wulela ka wukhalo wo sawuleka wo mahwa ngu manza a m'thu, txifananiso txa wukhalo wo sawuleka wa ditshuri. Aniko a wulete nzumani kupune, kasi ku a txi ya hi emela konkuwa masoni ka Txizimu.

1 Timoti 6:12

Lwana yimbi ya yinene ya likholo ñolisisa wutomi wo mbi guma, awu u nga dhanelwa wona, awu u nga wu fakazela ngu nzila yo tshura masoni ka timwani tifakazi ta tingi.

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

1 Vakorinto 4:6

Vanathu, ni di wombile tiya ngu ngani ni Apolosi, ni ti mahela anu, kasiku mi txi gonda ngu ngathu ku ambi ndaka muhingano wa tile ti nga bhalwa, ni ti to ni mmweyo asi ti kulisi, a txi namarela ka mmweyo, a txi nyenya mmwani.

Mithumo 16:33

Se muwoneleti wa mkora a to va teka ka yona mbimo yile ya wusiku e va kuwulela tivandwa tawe; se konaho e bhabhatiswa ene ni yotshe ngamu yakwe.

Mithumo 8:36

Se mbimo yile va nga txi tsimbila, va to hoka aha ku nga ti ni mati, se wule wa mthenwa, a to kha yona: “Hi nga wona, mati ndiya; ni nga tsivelwa ngu txani kubhabhatiswa kani?”

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.

Varoma 5:14

Ti di ngeto, lifo li fumile kukhukhela ka Adhamu kala mbimo ya Mosi; li va fumile hambi vona vale va nga ti sa maha txionho txo fana ni txa Adhamu, awu i nga ti mfanekiso wa wule a nga ti ngadi a txi ta,

Vahebheru 11:19

Ene a ti pima ti to Txizimu txi ni mtamo wa kuwusa hambi vakufa. Ngu toneto, a tshumete a txi mmana mwanana wakwe, atiya ti fanako ni kufa a txi tshumela e wuka.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

1 Timoti 1:5

Txivangelo txa txileleto txiya ngu lirando, li li humako ka mbilu yo basa, ka livhalo la linene ni ka likholo lo mbi na kukanganyisa.

Vahebheru 9:14

ngutu-ngutu mnoha wa Kristu, awu a nga ti ningela apune, na a si nga ni txionho, ngu Moya wo Sawuleka, ka Txizimu txi txi hanyako, ngu wona wu ku ni mtamo wa kubasisa timbilu tathu ka mithumo ya lifo, ti to hi sikota kuthumela Txizimu txa kuhanya.

Vahebheru 10:22

Ngu toneto, ahi tshuketeleni hi di ni mbilu yo lulama, na hi di tate ngu likholo, hi di ni mbilu yi yi nga basiswa ka wotshe wubihi wa livhalo, ni mmidi wo kuwulwa ngu mati o basa.

Vahebheru 13:18

Hi kombeleleni, nguko ha themba ti to hi ni livhalo la linene, na hi txi navela ngu yotshe mbilu kutsimbila ngu nzila ya yinene yotshe mbimo.

1 Pedro 3:16

Mi fanete kumaha tiya ngu mbilu ya kululama, kasiku, hambi ka tile va wombako kubiha ngu nganu, ve thelwa tingana, avale va wombako kubiha ngu dihanyo danu ka Kristu.

Johani 13:9

Se Simoni Pedro a to khene: “Mkoma, u nga sambise mikondo dwe, aniko ni sambise ni ona manza ni msungo.”

Mithumo 8:37

Se Filipi a to khene: “Ngako u txi kholwa ngu yotshe mbilu yako, u nga tumelelwa.” Se a to xamula a txi khene: “Na kholwa ti to Jesu Kristu i Mwanana wa Txizimu.”