1 Pedro 3:18 - Bhiblia Yo Sawuleka

¹⁸ Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.

1 Pedro 3:18 Referans Kwoze

Vahebheru 9:28

ngu toneto, Kristu a ti ningete kumweko basi, kufela kufuvisa sionho sa vathu vavangi. A na woneka da wumbidi, i si nga ngu mhaka ya txionho, aniko ngu mhaka ya ku ta hanyisa avale va m'verelako.

Vahebheru 9:26

Idiku a to mahisa toneto Kristu a ndi na fanekela kuxaniseka sikhati sasingi kukhukhela makhatoni ka kuvangwa ditiko; aniko a humelete kumweko dwe, kuhetisekani ka timbimo, a ta fuvisa txionho ngu mhamba ya mmidi wakwe wupune.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

1 Pedro 4:6

Nguko, ngu mhaka ya toneto, Evhangeli yi txhumayetwe ni ka vafi, kasiku, va di lamutwe ngu ka nyama kufana ni vamwani vathu, va na mana kuhanya ngu Moya, kufana ni Txizimu.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

1 Johani 1:9

Ngako hi txi ti tshanza sionho sathu, Txizimu txi thembekile ni kululama, kasi ku hi divalela sionho sathu ni ku hi basisa ka wotshe wubihi.

Varoma 4:25

ene wu a nga ningelwa ngu kuonha kwathu, e wuswa ka vafi, kasi ku hi txi mana kumahwa valulami.

1 Pedro 4:1

Ngu toneto, ngako Kristu a nga pfa kupanda nyamani kwakwe, na nanu xomani matxhari a kuzumba mi di ni mialakanyo yo nga toneto. Awule a nga xaniseka nyamani, a hambani ni txionho;

Varoma 8:3

Nguko ati mlayo wu nga ti tanda ngu mhaka ya dikhodho da mmidi, Txizimu txi ti mahile, ngu kurumela Mwanana wa txona, a di ni txiemo txa wuthu wa txionho, kasi ku ta xula txionho, ni ku txi abanisa kona mmidini;

Vagalatiya 3:13

Kristu a dihile kasiku a txi hi tirula ka dikhombo da kuruketelwa ngu Mlayo, ene a ti mahile wo ruketelwa ha wukhaloni kwathu, nguko Mibhalo yi kha yona: “A na ruketelwe wuhi ni wuhi a nga hayekwa ha phandeni.”

Vagalatiya 1:4

awu a nga ti ningela ngu mhaka ya sionho sathu, kufela ku hi hulukisa ka nyango yiya yo biha, ya masiku awa, madingano ni kuranda ka txona Txizimu Tate wathu.

2 Vakorinto 13:4

Ngu ditshuri, a gogotetwe ha txihambanoni a di ni dikhodho, aniko wa hanya ngu mtamo wa Txizimu. Nanathu hi ni dikhodho kwakwe, aniko hi na hanya kumweko nayo ngu mtamo wa Txizimu hagari kwanu.

Varoma 5:2

awu hi nga mana kukholwa ka kateko yiya ngu mtamo wakwe, yona kateko yi hi ku nayo, ayi yi hi ningako kutsaka, na hi txi tsaniswa ngu txithembo txa wudhumo wa Txizimu.

Varoma 1:4

aniko ngu ka Moya wo Sawuleka, a kombisilwe ti to i Mwanana wa Txizimu, ngu kuwuka kwakwe ngu ka vakufa, ene Jesu Kristu Mkoma wathu.

Jakobe 5:6

Mi ningete m'thu wo lulama e dawa. Ene kha mi lambela.

Mithumo 3:14

Mi lambile Msawuleki ni Mlulami, mi tamarisa mi txi kombela kuthukunyulwa ka txigevenga,

2 Vakorinto 1:24

Hi nga ti to lava kufumela likholo lanu: Aniko ho lava kuvhunetela litsako lanu dwe, nguko amu ka likholo, anu mi tsani.

Varoma 8:11

Se ngako Moya wa wule a nga wusa Jesu ka vakufa, wu di akile kwanu, txona Txizimu txi txi nga wusa Jesu ngu ka vakufa, txi na hanyisa mmidi wanu wa kufa, ngu Moya wa txona, wu nga aka timbiluni kwanu.

Mithumo 22:14

Se ene a to ni gela ku khene: ‘Txizimu txa vatate vathu txi ku sikete kasiku u txi ziva kuranda ka txona, kuwona Mlulami ni kuengisa dipswi da kuhuma ngu txisofuni kwakwe.

Matewu 27:19

Na ene a di khalahatshile ha txikhaloni ka kulamula, msikati wakwe a to rumela kuya mu gela tiya: “U nga thuke u txi ti wuleta ka mhaka ya m'thu wuwa wo lulama, nguko ni pandisekile ngutu hamnova ngu miloro ngu mhaka yakwe.”

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Matewu 27:24

Sekoko Pilato, a di woni ti to kha koti txilo, ni ti to dizunga da engeteleka ngutu, a to ruma kuve mu tisela mati, e samba manza masoni ka dibutho, na, a txi khene: “Kha ni na mnandu ka mnoha wa m'thu wuwa wo lulama! Ati ndanu mokha.”

Johani 16:10

ngu ka kululama, nguko na tsula ka Tata, se kha mi na mbiswa mi txi ni wona kambe;

Vaefesu 3:12

Ngu mtamo wakwe Kristu, ha tsana hi tshuketela hafuhi ka Txizimu ngu likholo, na hi di ni kuthemba.

Vahebheru 9:14

ngutu-ngutu mnoha wa Kristu, awu a nga ti ningela apune, na a si nga ni txionho, ngu Moya wo Sawuleka, ka Txizimu txi txi hanyako, ngu wona wu ku ni mtamo wa kubasisa timbilu tathu ka mithumo ya lifo, ti to hi sikota kuthumela Txizimu txa kuhanya.

Vahebheru 10:10

Se ngu kona kuranda kuwa, athu hi basisilwe ngu kuningelwa ka mmidi wa Jesu Kristu, awu wu nga ningelwa kumweko dwe, wu txi maha mhamba yo mbi na magwito.

1 Pedro 3:19

Wona moya wu a nga ya txhumayela ngu wona mihefemulo ya vale va nga ti kusekelwani;

Mitengo 7:15

dirole da matune, ni txinvutana tximwetxo txa matune, txa dilembe dimwedo ni hamba, kasi kumaha mningelo wo hiswa;