1 Pedro 3:17 - Bhiblia Yo Sawuleka

¹⁷ Ti ni lisima ngutu kuxaniseka ngu kumaha ti i ku ta tinene, na eto i di kuranda ka Txizimu, kupinda kuxaniseka ngu kumaha tile i ku to biha.

1 Pedro 3:17 Referans Kwoze

1 Pedro 3:14

Kambe ngako mi txi xaniswa ngu mhaka ya kululama, mi katekile. Mi nga thaveni kudhukisela kwawe, kambe mi nga karatekeni.

1 Pedro 4:19

Ngu toneto, avale va xanisekako ngu kulava kulondeta kuranda ka Txizimu, va na ningele mihefemulo yawe ka M'vangi wo thembeka, ngu kumaha mithumo ya yinene.

Matewu 26:39

Se a di tshuketile kule nyana, a to ti wisa hahatshi, ngu mbanza, na a txi khongela, a txi khene: “Tata wangu, ngako ti txi koteka, digombe diya di na pinde kule ni nani; aniko, ti nga maheke nga kuranda kwangu, ti na maheke nga ti Awe u ti lavisako tona.”

1 Pedro 2:20

I hakhelo muni mi fanelako ku yi mana kutimiselani kwanu, ngako mi txi tsayiswa ngu sionho si mi nga si maha, kani? Aniko, ngako mi txi mana sixaniso ngu kumaha wunene, kutimisela kwanu ka tsakisa Txizimu.

Mithumo 21:14

Ngako yi nga ti pwateka nzila ya ku mu thindekisa, hi to leka ku mkhongotela, hi txi khathu: “Ku na mahwe kuranda ka Mkoma.”

Matewu 26:42

Ti di mahile eto, a to tsula ka wumbidi, eya khongela kambe, a txi khene: “Tata wangu, ngako ti si koteki ti to digombe diya di pinda ni sa di sela, ku na maheke kuranda kwako.”

1 Pedro 4:15

Ni wammweyo kwanu a nga thuke a txi xaniswa ngukuva i di txidayi, dikhokhokho, mlumbeti, mwendo ngu kunavela silo sa vane.

1 Pedro 2:15

Nguko, Txizimu txi lava kumalata wuphukuphuku ngu mithumo yanu ya yinene.

Mithumo 18:21

Se a to va salisa, a txi khene: “Ni na tshumela ni wuya kwanu, ngako Txizimu txi txi ti lava.” Se a to khukha Efesu e tsula ngu txitimela.

1 Pedro 1:6

Atiya ti fanela ku mi tsakisa, hambiko kutilava mi no dhuka mi manwa ngu siduko ka masikunyana okari,