1 Pedro 3:16 - Bhiblia Yo Sawuleka

¹⁶ Mi fanete kumaha tiya ngu mbilu ya kululama, kasiku, hambi ka tile va wombako kubiha ngu nganu, ve thelwa tingana, avale va wombako kubiha ngu dihanyo danu ka Kristu.

1 Pedro 3:16 Referans Kwoze

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Vahebheru 13:18

Hi kombeleleni, nguko ha themba ti to hi ni livhalo la linene, na hi txi navela ngu yotshe mbilu kutsimbila ngu nzila ya yinene yotshe mbimo.

1 Pedro 2:15

Nguko, Txizimu txi lava kumalata wuphukuphuku ngu mithumo yanu ya yinene.

Titosi 2:8

thumisa dipswi da dinene, adiya di ku si nga ni dikhwiti, di si sikotiko kukambulwa, kasiku mlala, ngako asi mani txilo txo soleka kwathu, a na wiswa tingana.

Matewu 5:11

Mi katekile, ngako va txi mi ruketela ni ku mi xanisa, ni ku mi hembela, ve mi lumbeta makuhu ngu mhaka yangu.

1 Pedro 2:19

Nguko i kateko ngako m'thu a txi timisela sixaniso ngu mhaka ya Txizimu, hambi a txi xaniswa a si nga ni mnandu.

1 Pedro 3:21

Mati awa, i ti txidinganiso txa txibhabhatiso, atxi konkuwa, se txi mi hanyisako, i si nga ngu kukuwulwa ka nzambwa ya mmidi, aniko ngu kuxolwa ka livhalo ngu Txizimu, ni kuwuka ka Jesu Kristu,

1 Timoti 1:5

Txivangelo txa txileleto txiya ngu lirando, li li humako ka mbilu yo basa, ka livhalo la linene ni ka likholo lo mbi na kukanganyisa.

Varoma 9:1

Ani ni womba ditshuri masoni ka Kristu, kha ni hembi, livhalo langu la ni fakazela, na li txi woningwa ngu Moya wo Sawuleka.

Mithumo 24:16

Ngu konaho, yotshe mbimo ni khutalako kutsimbila ngu nzila yo lulama masoni ka Txizimu ni ka vathu.”

Vahebheru 9:14

ngutu-ngutu mnoha wa Kristu, awu a nga ti ningela apune, na a si nga ni txionho, ngu Moya wo Sawuleka, ka Txizimu txi txi hanyako, ngu wona wu ku ni mtamo wa kubasisa timbilu tathu ka mithumo ya lifo, ti to hi sikota kuthumela Txizimu txa kuhanya.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

2 Timoti 1:3

Na bonga ka Txizimu, atxi ni txi thumelako ngu livhalo lo basa kufana ni tiya va nga mahisa tona vatate vangu, na ni si leki ku kualakanya mikombeloni kwangu, wusiku ni mitshikari.

1 Timoti 1:19

na u di ni likholo ni livhalo la linene, nguko vamwani, ngu kunyenya livhalo la linene, likholo lawe li onhekile.

2 Vakorinto 4:2

Athu hi lekile matsimbilelo o sisala ni a tingana, se kha hi tsimbili ngu marindi, kambe kha hi timeti dipswi da Txizimu; aniko ngu kuhumisa ditshuri ha kubasani, hi txi khutala ngu kuva hi maneka hi di thembekile masoni ka livhalo la votshe vathu ni masoni ka Txizimu.

Dhaniyeli 6:4

Sekoko vathangeli ni vafumeli, va to lava nzila yo wukela Dhaniyeli ngu mhaka ya mfumo; kambe kha va mana nzila hambi mnandu ni wawumwewo; nguko ene a ti thembekile, aniko kwakwe kha kwa maneka wubihi mwendo mnandu.

Mithumo 28:22

Se hi lava kupfa ngu ngawe ati u pimisako tona, nguko i di gondo yiya, ha tiziva ti to ya lambwa ngu votshe vathu.”

1 Pedro 4:4

Vona va xamala ku mi si ngadi mi tsimbila navo, amu ka wubhemba, se ngu mhaka yeto, va mi ruka.