1 Pedro 3:14 - Bhiblia Yo Sawuleka

¹⁴ Kambe ngako mi txi xaniswa ngu mhaka ya kululama, mi katekile. Mi nga thaveni kudhukisela kwawe, kambe mi nga karatekeni.

1 Pedro 3:14 Referans Kwoze

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

2 Vakorinto 12:10

Ani na tsaka kutandekani kwangu, kurukwani kwangu, kupwatani kwangu, kunyenywani kwangu, kuxanisekani kwangu, ngu mhaka ya Kristu. Nguko, mbimo yi ni pfako kutandeka, nguyo mbimo ni ku ni mtamo.

Jakobe 1:12

A katekile m'thu wu a amukelako txiduko ngu kutimisela; nguko, a di gwitile kudukwa, a na amukela m'bhoti wa wutomi, awu Mkoma a nga wu thembisa ka vale va mrandako.

Johani 14:27

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

Johani 14:1

“Timbilu tanu ti nga karateke: Kholwani ka Txizimu, mi txi kholwa ni kwangu.

Marku 10:29

Jesu a to xamula a txi khene: “Kha ditshuri na mi gela: Kha ku nga ho m'thu wu a nga leka nyumba, vanawe, tindiyakwe, mame, tate, vanana mwendo tithembwe, ngu mhaka yangu ni ngu mhaka ya Evhangeli,

Marku 8:35

Awu a lavako kuhulukisa wutomi wakwe a na luzekelwa ngu wona ani wu a luzekelwako ngu wutomi wakwe ngu mhaka yangu ni Evhangeli, a na wu hulukisa.

Matewu 19:29

Se wuhi ni wuhi, a nga leka tinyumba, vanawe, tindiyakwe, tate, mame, msikati, vanana mwendo tithembwe ngu mhaka ya ditina dangu, a na amukela sa kupinda ngutu asile, se ngu msana a na mana thomba ya wutomi wo mbi guma.

Matewu 16:25

Awule a randako kuveketa wutomi wakwe a na wu mwalata, aniko awule a mwalatako wutomi wakwe ngu mhaka yangu, a na wu mana.

1 Pedro 3:6

kufana ni Sara a nga tiengisa Abrahamu a txi m'dhana ku i nyame wakwe; se konaho, mi vanana vakwe, ngako mi txi maha wunene, mi si thavi kudhukiselwa ngu txilo.

Matewu 10:39

Awule a zamako kuxayisa wutomi wakwe a na luzekelwa ngu wona, ani wule a luzekelwako ngu wutomi wakwe ngu mhaka ya lirando ni nani, a na tshumela e wu mana.”

Jeremiya 15:15

Awe Mkoma, awe wa tiziva, ni alakanye u ni endela; ni tshunde kupharela ka vaxanisi vangu; timisela ngu ngani, u nga ni dhukise; ziva ti taku ni rukwa ngu mhaka yako.

Jeremiya 1:8

U nga thave masoni kwawe; nguko ni ni nawe, kasi ku ku hulukisa, kuwomba Mkoma!”

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Vafilipiya 1:29

nguko txona txi mi ningile kateko, masoni ka Kristu, kateko yo kholwa kwakwe, ni yo xaniseka ngu ngene,

Matewu 10:31

Ngu toneto, mi nga thaveni txilo, nguko anu ma si pinda sindili.”

Mithumo 9:16

Ani nipune ni na mu kombisa ti a fanelako kuxanisekisa tona ngu mhaka ya ditina dangu.”

Ezekhiyele 3:9

Mbanza yako ni yi mahile yi fana ni dhayimani, yi bangi ngutu kupinda dirigwi; u nga va thave koko, hambi ku tunywa ngu tikhohe tawe, nguko mba nyumba yo eyisa.

Mavingu 3:25

U nga thave tiphango ti titako ngu txidhukisa, hambi kuxaselwa ka vaonhi kutxita.

Jakobe 5:11

Wonani, athu hi va bala ti to va katekile avale va nga tsanisela amu ka sixaniso. Mi ti engisile ti txi wombwa ta kutimisela ka Jobe, kambe mi ma woni magwito awa Mkoma a nga mninga ona, nguko Mkoma ana ni wumbilu ni divalelo.