1 Pedro 3:12 - Bhiblia Yo Sawuleka

¹² Nguko, maso a Txizimu ma woneleta va vo lulama, ni tinzeve ta txona tiengisa mikombelo yawe; aniko, khohe ya Mkoma yi thuvikela ava va mahako to biha.

1 Pedro 3:12 Referans Kwoze

Johani 9:31

Kambe ha tiziva ti to Txizimu kha txi engisi vaonhi; aniko awule a txi khozelako, a txi maha kuranda ka txona, eyo txona Txizimu txa mu engisa.

Mavingu 15:29

Mkoma a kule ni vaonhi, kambe a na engisela mikombelo ya vo lulama.

Mavingu 15:3

Maso a Mkoma ma wona ka otshe makhalo, ma wonetela vabihi ni vavanene.

2 Makronika 7:15

Konkuwa, maso angu ma na tuleka ni tinzeve tangu ti na engisa mikombelo yi yi no mahwa ka wukhalo wuwa.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

2 Makronika 16:9

Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

Jakobe 5:16

Zivisanani sionho sanu, mi txi kombelelana, kufela ku mi txi hanyiswa. Mkombelo wa lisima wa mlulami wu ni mtamo ngutu.

Masalmo 65:2

Awe wa engisa mikombelo yathu se votshe va ta kwako,

Ezekhiyele 15:7

Se ni na va ronokela; vona va na huma ngu mndiloni, aniko mndilo wu na va tshokomisa; va na tiziva taku ani ngani Mkoma, aha ni no va ni di va ronokete.

Dhewuteronome 11:12

Ditiko di Mkoma, Txizimu txako, a di xayisako; maso a Mkoma, Txizimu txako, ma wonetela dona yotshe mbimo, kukhukhela kukhatani, kala kugumani ka dilembe.

Masalmo 80:16

Avale va nga ganga mndonga wuwa, va txi wu hisa, va fuvise ngu kuhenya kwako.

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Levhi 20:3

Ni na mronokela ngu maso angu, ni txi mwukela eyo m'thu, ni na mtutumisa hagari ka vathu va ka kwawe, nguko a ningete mwanana wakwe ka Moloke, e nyenyezisa wukhalo wangu wo sawuleka, ni ku bihisa ditina dangu do sawuleka.

Jeremiya 21:10

Nguko ni wonelela didhoropa diya ngu wubihi, na i si nga ngu wunene, kuwomba Mkoma. Di na ningelwa didhoropa diya manzani ka mfumeli wa Bhabhilona, a na di hisa ngu mndilo.”

Masalmo 11:4

Mkoma a Nyumbani kwakwe ko sawuleka; Mkoma ana ni txikhalo txakwe txa wukoma nzumani, se ngu maso akwe ma wonako ta tinene, wa xayisa vathu kha kwati.

Levhi 20:6

Ngako m'thu wokari a txi tutumela ka vanyamsoro ni ka vanyatixolo, e ti ningetetela ka vona, asi khatali ngu wukhongeli, ni na mronolela ngu maso angu, ni mfuvisa hagari ka va ka kwawe.

Levhi 17:10

Se ni wuhi m'thu wa lixaka la ka Israyeli, mwendo wa mluveli wu a nga aka hagari kwawe, a txi dya mnoha wa ni lihi lixaka, ani ni na mpeka, ni mtutumisa hagari ka vathu va ka kwawe.

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.

Masalmo 33:18

Mkoma ngene a xayisako ava va mthavako, avale va thembako wunene wakwe,

Jeremiya 39:12

Mteke, u txi mxayisa, u nga dhuke u txi mmahela kubiha; aniko mmahele ti a no kugela.