1 Pedro 3:10 - Bhiblia Yo Sawuleka

¹⁰ Nguko, awule a randako wutomi ni kuwona masiku a kukateka, a na vekele matomu lidimi lakwe, e li hambukisa ka to biha, ni txisofu txakwe a txi txi hambukisa ka mapswi o kanganyisa.

1 Pedro 3:10 Referans Kwoze

Jakobe 1:26

Ngako, m'thu a txi pimisa ti to dikholwa, kambe a si ñoli lidimi lakwe, a txi ti kanganyisa apune, a na ti zive ti to wukholwa wakwe, kha wu vhuni txilo.

1 Pedro 2:22

Ene kha maha txionho, ni txisofu txakwe kha txa womba makuhu.

1 Pedro 2:1

Ngu toneto, lekani wotshe wubihi, makuhu, wuxengeteli, livengo, ni totshe tixaka ta siruko,

Mtuletelo 14:5

Txima kha kuzivi kumanwa makuhu sisofuni kwawe. Kha va nga ni txisolo.

Johani 1:47

Jesu a to wona Nathaniyele a txi mu tela, se e womba ngu ngene, a txi khene: “Ndiyo Muisrayeli wa ditshuri, awu kwakwe, ku kuwalo kukanganyisa.”

Johani 12:25

Awule a dhundako wutomi wakwe a na mwalalelwa ngu wona, ani wule a vengelako wutomi wakwe ditikoni muwa, a na wu veketa kala kuhanyani ka wutomi wo mbi guma.

Mavingu 8:35

Nguko awule a no ni mana a na mana wutomi, kambe a na mana kukatekiswa ngu Mkoma.

Mavingu 3:2

Nguko milayo yi na engetela masiku ako, kambe yi na kuengetela malembe a kuhanya ni kuthutha.

Matewu 19:17

Jesu a to mu wotisa a txi khene: “U wotisela txani ngu mhaka ya tiya i ku ta tinene kani? Wamnene i mmweyo basi. Aniko, u txi lava kuwulela wutomini ko mbi guma, veketa milayo.”

Mavingu 4:22

Nguko ona mbutomi ka vale va ma manako, ni kuhanya ka mimidi yawe.

Mavingu 3:18

Wutxhari mndonga wa wutomi ka vale va wu ñolisisako, kambe va katekile votshe vale va wu veketako.

Marku 8:35

Awu a lavako kuhulukisa wutomi wakwe a na luzekelwa ngu wona ani wu a luzekelwako ngu wutomi wakwe ngu mhaka yangu ni Evhangeli, a na wu hulukisa.

Masalmo 49:19

a na ya ka liveleko la vatate vakwe; kha va na mbiswa ve wona ditambo.

Masalmo 27:13

Kambe ani, na themba ngu kutsanisa ti to ni na wona wunene wa Mkoma ditikoni ka va va hanyako.

Jobe 33:28

Aniko Txizimu txi hulukisile muhefemulo wangu kuya diphalani; se ni na wona liwoningo, ni txi ngadi ni hanya.

Jobe 9:25

Masiku angu ma tutuma ngutu kupinda nyalivilo; ma tutumile, kha ma zivi ka nga wona wunene.

Dhewuteronome 32:47

Nguko aawa, hi nga mapswi o mbi vhuna kwanu; aniko ona mbutomi wanu, kambe ngu ona mapswi awa mi na andisa masiku anu, ka ditiko di mi yako ka dona, kasi kuya di teka, ngako mi txi txhatuka Jordhani.”

Ekleziyaste 2:3

Ni to lava kuziva mbiluni kwangu tito, ni nga pfanisa kutxani ni vhinya (kambe na ni txi thumisa mbilu yangu ngu wutxhari), ni ti ni ndi no xayisisa tona wuphukuphuku, kala kuza ni wona ti ti no va ta txhuko, kasi ku vanana va vathu va txi ti maha, hahatshi ka nzuma, mndani ka mtengo wa masiku a kuhanya kwawe.

Masalmo 106:5

kasiku ni wona kuhumelela ka vale u nga va sawula, ni txi tsakela makatekwa a vathu vako, ni txi ti guleta kumweko ni vale va kulumbako.

Jobe 2:4

Sekoko Sathani a to xamula ka Mkoma, a txi khene: Didhowo ngu didhowo, se sotshe sile wamwamna a ku naso, a na diha ngu wutomi wakwe.