1 Pedro 3:1 - Bhiblia Yo Sawuleka

¹ Nananu vavasikati vo tekwa, ti vekeni hahatshi ka vamna vanu, kasiku, ngako vamwani vavamna va si engisi dipswi, ve mana kudhanwa ngu mtamo wa mahanyelo a vasikati vawe, i si nga ngu dona dipswi,

1 Pedro 3:1 Referans Kwoze

Vakolosa 3:18

Anu vavasikati, ti vekeni hahatshi ka vamna vanu, nguko ti ni fanelo ka vale i ku sihango sa ditshuri sa Mkoma.

Vaefesu 5:33

Ngu toneto, mmweyo ni mmweyo wanu, ngu kwakwe, a fanete kuranda msikati wakwe, nga ti a ti randisako tona ene apune; nene wamsikati e xonipha mwamna wakwe.

1 Vakorinto 11:3

Aniko ni lava ku mi txi ziva tito: Msungo wa wamwamna ngu Kristu; msungo wa wamsikati ngu wamwamna; se msungo wa Kristu ngu Txizimu.

1 Vakorinto 7:16

Ina wa tiziva awe wamsikati ti to u na hanyisa mwamna wako kani? Awe wamwamna, wa tiziva ti to u na hanyisa msikati wako kani?

Genesisi 3:16

Se ka wamsikati, Txizimu txi ti kha txona: “Ni na engetela kuxupheka kwako, ngako u di ni txirumbu, vanana vako va na velekwa hagari ka kupanda. Kunavela kwako ku na kuyisa ka mwamna wako, aniko ene a na kufuma.”

1 Pedro 3:7

Kufana ni toneto, na nanu vavamna, hanyani ngu kuengisana ni vasikati vanu, mi txi zumba navo ngu txithavo, nga siya sa kwa mbi tsana, mi txi va xonipha kambe, ngukuva i di vadyi kuloni va thomba ya kateko, yi yi ningako wutomi, kasi ku mikombelo yanu yi si tsivelwi ngu txilo.

Varoma 7:2

Nga toneto, wamsikati wu a nga tekwa, a sungilwe ngu mlayo ka mwamna wakwe, ngako ene a di ngadi a txi hanya; kambe ngako mwamna wakwe a di fite, a thusilwe ka mlayo wa mwamna.

1 Vakorinto 14:34

vavasikati va na malale misengeletanoni; vona kha va tumelelwi kuwombawomba. Kulaveka va txi ti veka hahatshi, kota kuwomba ka wona mlayo.

Matewu 18:15

“Ngako mwananu a txi kuonhela, tsula u txi ya mu kawuka i di anu mokha, awe ni nene. Ngako a txi kuengisa, u na va u di hanyisile mwananu.

Vakolosa 4:5

Hanyani ngu wuzivi ni va va ku hahanze, mi txi londola ta tinene mbimo yi mi ku ka yona.

Vahebheru 11:8

Ngu likholo, vakale va mani nduma ya yinene. Ngu likholo, Abrahamu, ngako a di dhanwi ngu Txizimu, a engisile a txi khukha e tsula ka ditiko di a nga ti fanela ku di amukela, di txi maha thomba yakwe, a tsute asi zivi ti to a ya hayi.

2 Vatesalonika 1:8

a di ha mdhikilani ka mndilo, kasiku e pharela ka vale va si txi ziviko Txizimu, ni ka va va si engisiko Evhangeli ya Mkoma wathu Jesu.

Varoma 6:17

Txi na bongwe Txizimu, nguko hambiko mi nga ti tikhumbi ta txionho, kambe mi sikotile kutiningetela ngu yotshe mbilu yanu ka gondo yiya mi nga wuletwa ka yona.

Mavingu 18:19

Ta karata kuboxisa mwananu a di henyisilwe, kupinda kuxula didhoropa do tsana; ni mazunga ma fana ni matimba a tisimbi nyumbani ka wukoma.

Mavingu 11:30

Mihando ya m'thu wo lulama mndonga wa wutomi, se wule a manako mihefemulo a txharihile.

1 Pedro 4:17

Nguko yi hokile mbimo ya kukhata ngu Nyumba ya Txizimu yi txi lamulwa. Se ngako ku txi khatwa ngu ngathu njiavelo muni va nota txi mana ava va si engisiko Evhangeli ya Txizimu, kani?

1 Pedro 1:22

Ngu kuengisa ditshuri, mi basisilwe mimoyani kwanu ngu lirando la txikoma ni txinanda. Randanani ngu kukhutala ka lirando la kuta ngu mndani ka mbilu,

Vahebheru 5:9

Msana ka kuva a di tatisile tifanelo takwe, a mahile txisima txa wutomi wo mbi guma ka votshelele vale va mu engisako.

Varoma 10:16

Aniko hi nga votshe va va nga amukela Evhangeli. Ngu toneto, Isaya a wombile a txi khene: “Mkoma, i mani a nga kholwa ka ti hi nga txhumayela kani?”

1 Pedro 3:2

ngu mhaka ya kuwona wutomi wanu wa kutiñola ni wa txithavo.