1 Pedro 2:9 - Bhiblia Yo Sawuleka

⁹ Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

1 Pedro 2:9 Referans Kwoze

Dhewuteronome 7:6

Nguko mbathu vo sawuleka ka Mkoma, Txizimu txako; Mkoma, Txizimu txako, a mi sawute, kasi ku mi maha vathu vo lumba ene, mi txi va mi di ngamu yakwe ene apune, hagari ka votshe vathu va kuho ha mafuni.”

Mtuletelo 1:6

a txi hi maha vakoma ni vaphaxeli ngu mtamo wa Txizimu Tate wakwe: Kupfaliswa ni mtamo si na lumbe ene kala kupinduka. Amen.

Mtuletelo 5:10

Ngu vona u mahete Txizimu txathu, mfumo wa vaphaxeli, se vona va na fuma ha mafuni.”

Isaya 61:6

Aniko anu mi na dhanwa ku mi vaphaxeli va Mkoma, kambe va na mi dhana ku mi sithumi sa Txizimu txathu; mi na dya tithomba ta matiko, mi dhumiswa mu ka wudhumo wa ona.

2 Timoti 1:9

atxi txi nga hi hanyisa, txi hi dhana ngu madhanelo o sawuleka; txi hi dhani i si nga ngu mhaka ya mithumo yathu, aniko ngu mhaka ya kuranda ka makungo a mbilu ya txona ni kateko ya txona. Hi ningilwe kateko yiya ngu ka Kristu Jesu, ti sinzi ku va ho timbimo.

Dhewuteronome 14:2

Nguko anu mi vathu vo sawuleka ka Mkoma, Txizimu txanu, kambe Mkoma a mi sawute hagari ka vamwani vathu, votshe vale va kuho txitimwi ka mafu, kasi ku mi va vathu vakwe mipune.

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Dhewuteronome 10:15

Aniko Mkoma a ti ningetete dwe ka vatate vako, a txi va randa! Se msana kwawe a to sawula liveleko lawe, i ku anu ngu wutumbu, hagari ka votshe vathu, nga ti ni nyamsi ti wonekako.

Isaya 26:2

Tulani matimba, kasi ku di na wulela ditiko do lulama, dile di xayisako ditshuri.

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Mtuletelo 20:6

Va katekile ni kusawuleka avale va manako txyavelo txa kuwuka ko khata ka vafi. Txitimwi kwawe lifo la wumbidi kha li nga ni mtamo, vona va na va vaphaxeli va Txizimu ni va Kristu, va na fuma nayo 1.000 wa malembe.

Masalmo 33:12

Di katekile ditiko dile Txizimu i ku Mkoma wa dona; ni vathu vale txi nga va sawula kuva thomba ya txona.

Matewu 5:16

Ngu toneto, kwanu ku na woninge masoni ka vathu, kasiku, ngako va txi wona mithumo yanu ya yinene, va na dhumisa Tate wanu a ku nzumani.”

Dhewuteronome 4:20

Aniko, Mkoma a mi tekile e mi humisa ditikoni ka Egipta, ka txikho txa tisimbi, kasi ku miva vathu va mi kuthomba yakwe, ku nga ti nyamsi mi ti wonako.

Vakolosa 1:13

Ene a hi ponisile ka txidema, a txi hi rurisa hi txi ya mfumoni ka Mwanana wakwe wo randeka,

1 Vakorinto 3:17

Ngako m'thu a txi hasulela dithepele da Txizimu ni txona txi na mu hasulela. Nguko dithepele da Txizimu di sawulekile, se dithepele diya ngu nganu.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Isaya 66:21

Kambe ka vona, mi na teka vokari, kasi kuve vaphaxeli, ni kuva Valevhi, kuwomba Mkoma.

Isaya 42:16

Ni na tsimbitisa mabhofu ngu nzila yi ma si yi ziviko, ni na ma maha me tsimbila ngu magondo ale ma nga mbi ma ziva; ni na hundula txidema txi maha kuwonekela masoni kwawe; ni so maha so gombonyeka ni na si lulamisa. Simaheso ni na si maha, kambe kha ni na mbiswa ni va leka.

Isaya 41:8

Aniko awe Israyeli, txithumi txangu. Awe Jakobe, awe ni nga kusawula, liveleko la Abrahamu, mngana wangu.

Isaya 9:2

Vathu va va nga ti tsimbila txidemani, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.

Vafilipiya 3:14

ni tsimbilisa kuya magwito, kala kuya mana txhatxhazelo ya kuxula, ayi ni dhanelwako yona nzumani ngu Txizimu, ditinani ka Kristu Jesu.

Isaya 44:1

Konkuwa koko, engisa awe Jakobe, txithumi txangu, ni nawe Israyeli, awe ni nga kusawula.

Matewu 4:16

vathu va va nga ti zumbile ditikoni ka kuphuma, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.”

1 Pedro 1:2

i ku va va nga sawulwa madingano ni makungo a kale a Txizimu Tate, ve sawulekiswa ngu Moya, kasi kuve engisa Jesu Kristu ni kuamukelwa ngu mnoha wakwe: Kateko ni kuthutha si nave ni nanu ngu wungi wa sona.

Luka 1:79

ku ta woninga ava va manekako mtemani ni mtsudini ka lifo, ni ku hi tsimbilisa ngu nzila ya kudikha.”

Masalmo 106:5

kasiku ni wona kuhumelela ka vale u nga va sawula, ni txi tsakela makatekwa a vathu vako, ni txi ti guleta kumweko ni vale va kulumbako.

Varoma 9:24

Vathu vava ngu ngathu Txizimu txi nga hi dhana, athu hi humako i si nga ngu ka lixaka la Vajudha dwe, aniko ni ka lixaka la vamatiko ni vona.

Mithumo 26:28

Agripa a to khene ka Paulo: “Ngu kadotho u pimisa ti to u nga ni maha mkristu!”

1 Pedro 4:11

Awu a wombawombako, a na womba-wombe ngu kulondisa dipswi da Txizimu. Awu a thumako a na thume madingano ni txyavelo txi a nga hiwa ngu Txizimu, kasiku, Txizimu txi pfaliswa ka sotshe somaha, ngu Jesu Kristu, i ku ene a lumbwako ngu kupfaliswa, ni mtamo, ngu ha ku si gwitiko. Amen!

Vaefesu 1:6

kasi ku hi txi pfalisa Txizimu ngu wudhumo wa tikateko ta txona, hi nga ningwa ngu Mwanana wa txona wo randeka.

Masalmo 73:15

Idiku ni to londisela tawe, nga ni di khuvekisile liveleko la vanana vako.

Masalmo 22:30

Vatukulu vawe va na mthumela; va na xawutela ka liveleko ni liveleko.

Vaefesu 1:14

awu i ku txitsaniso txa thomba yathu, ayi hi no yi mana, ditshiku di Txizimu txi ningako kukhululeka ko gwitisa ka vava i ku va txona, ku mahela ti to ve pfalisa wudhumo wa txona.

Johani 17:19

Se ni sawulekisele vona, ti to ni vona ve sawulekiswa ditshurini.”

Vaefesu 3:21

txi na dhumiswe amu Dibanzani ni ka Jesu Kristu, ka liveleko ni liveleko, kala kupinduka. Amen.

1 Samuwele 12:22

Nguko Mkoma kha na mbi leka vathu vakwe, ngu mhaka ya ditina dakwe da hombe, nguko Mkoma ti mtsakisile ti to mi maha vathu vakwe.

Masalmo 118:27

Mkoma ngene i ku Txizimu, ene ngene a hi woningako! Khatani kumaha mibuso, mi txi longoloka mi di ñote matshanzu, kala kuhoka txiluveloni.

Masalmo 135:4

Mkoma a ti sawulete Jakobe ni va ka Israyeli kasiku ve maha thomba yakwe.

Isaya 62:12

Se a na va dhana taku mbathu vo sawuleka, avale va nga tirulwa ngu Mkoma, se awe u na dhanwa ku Wo lavwa, Didhoropa di di nga mbi lekwa!

Malakiya 3:17

Se vona va na va vangu, kuwomba Mkoma wa Mabutho a Tiyimbi, ka dona ditshiku dile ni no maha mthumo wangu, va na va thomba yangu; ni na va divalela, ku nga m'veleki wu a divalelako mwanana wakwe, wu a thumelako.

Dhewuteronome 18:2

Ngu kumaha keto, kha va na mbi va ni thomba hagari ka vanawe; Mkoma ngene i kuthomba yawe, nga ti ene a nga va gela.