1 Pedro 2:8 - Bhiblia Yo Sawuleka

⁸ Dirigwi diya di na va humba ni ku va wisa, va na humbwa ngu dona, nguko kha va kholwa ka Evhangeli, i ku ti va nga sikeliswa tona.

1 Pedro 2:8 Referans Kwoze

Isaya 8:14

Sekoko, ene i nava nyumba yanu yo sawuleka, aniko a na maha dirigwi do mi gumula, ni txirigwana txo nyenyeka, ka tinyumba timbidi ta ka Israyeli; mlawu ni likoka ka vaaki va Jerusalema.

1 Vakorinto 1:23

Aniko athu hi txhumayela timhaka ta Kristu, awu a nga bethelwa ha txihambanoni, awu i ku txikhuvekiso ka Vajudha, a mahwako txipumbu ngu vamatiko;

1 Pedro 2:7

Ngu toneto, mi katekile anu mi kholwako, aniko, ka vale va si kholwiko; dirigwi di vaaki va ngadi nyenya, di mahile dirigwi da hombe do tsanisa.

Varoma 9:22

Hi na khathu txani ngako Txizimu txi txi lava kukombisa kuhenya ka txona ni kuzivisa mtamo wa txona? Txizimu txi vile ni kutimisela ngutu ka vale va nga ti fanela kuhenyelwa ngu txona, avale va nga ti lulamisetwe kufuviswa.

Judha 1:4

Nguku ku txholovete vathu vokari hagari kwathu, ava ku nga bhalwa ngu kale ti to va na abaniswa, vathu va kwa mbi thava Txizimu, va hindulako kateko ya Txizimu txathu, ve yi maha txivhikelo txa wubhemba wawe, ve lamba kukholwa ka wu i ku ene ekha M'gondisi ni Mkoma wathu, Jesu Kristu.

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

1 Vatesalonika 5:9

Ngu toneto, Txizimu kha txa hi tumbulukisela ku hi henyela, aniko txi hi mahete kasi kumana kuponiswa ngu Mkoma wathu Jesu Kristu,

Luka 2:34

Se Simiyoni a to va katekisa, na a txi womba ka Mariya, mame wa mwanana, a txi khene: “Mwanana wuwa a emisetwe ku na wisa ni kuwusa vavangi ka nyumba ya Israyeli, a na va kambe i di txikombiso txi txi no kanetwa;

2 Vakorinto 2:16

Ka vale va lovako, ngu bhumula ko biha ku ku dayako; aniko, ka vale va hanyiswako, ngu bhumula ka kunene ku ningako wutomi. Se, i mani a fanelwako ngu mthumo wo ngeto kani?

Eksodha 9:16

se ngu mhaka ya toneto, ni ku lekile ni txi ku emisa kasi ku ni txi kukomba mtamo wangu, ni ti to ditina dangu di txi huwelelwa ha ditikoni kotshe.

Isaya 57:14

Se ku na wombwa taku: Lulamisani, lulamisani, longiselani nzila; thavisani sitsha ka nzila ya vathu vangu.

Isaya 37:26

Ina u ngava u sa tipfa taku, ngu kale ni ti mahile toneto, niku kukhukhela masiku a kale ni ti ti pimisile kani? Konkuwa koko ti na tatiseke, kambe ani ni lavile ti to i di awe u ku ta khundumusa madhoropa a mtamo, niku u txi ma maha mimumbu ya siwula.

Vagalatiya 5:11

Se ngako ani, vanathu, ni di ngadi ni txi gondisa ta wukwera, ngu kutxani ni ku ngadi ni txi xaniswa kani? Nguko, ngako i di toneto, kutxhumayela kwangu ngu ta txihambano, nga ku si khuvekisi m'thu.

1 Pedro 2:6

Ngu mhaka yeto, amu ka Mibhalo, ti ho ti taku: “Wonani, na veka ka m'ti wa Siyoni dirigwi da lisima di di nga sawulwa, do dhundeka; awule a kholwako ka dona, kha na mbi wiswa tingana.”

Jobe 23:14

Nguko txi na maha ati ti nga vekelwa ani kambe ndingi to fana ni tiya txi ku nato.