1 Pedro 2:7 - Bhiblia Yo Sawuleka

⁷ Ngu toneto, mi katekile anu mi kholwako, aniko, ka vale va si kholwiko; dirigwi di vaaki va ngadi nyenya, di mahile dirigwi da hombe do tsanisa.

1 Pedro 2:7 Referans Kwoze

Matewu 21:42

Jesu a to va gela a txi khene: “Kasi kha ma gonda ka Mibhalo ti taku: ‘Dirigwi dile di nga lambwa ngu vaaki di tshumete di maha dirigwi da hombe do tsanisa. Atiya ti mahilwe ngu Mkoma kambe ta xamalisa masoni kwathu.’

1 Pedro 2:8

Dirigwi diya di na va humba ni ku va wisa, va na humbwa ngu dona, nguko kha va kholwa ka Evhangeli, i ku ti va nga sikeliswa tona.

1 Pedro 1:8

Ene wu mi mrandako, hambiko mi sinziko ku mu wona; ene wu mi kholwako kwakwe, atiya ti na mi ninga kutsaka ko mbi balwa ni kutala ni wudhumo;

Vahebheru 11:31

Ngu likholo, Rahabhi wa digelegele, kha dawa kumweko ni vakanganyisi, nguko a amukete sinyengwani ngu kuthutha.

Vahebheru 4:11

Ngu toneto, he khutaleleni kuya wulela kona kuhumulaniyo, kasiku ni wammweyo asi wi, ngu mhaka ya kukanyisa ko fana ni kwawe.

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

Vakolosa 2:10

se anu mi mani kuhetiseka ko tala kwakwe Kristu, i ku Msungo wa sotshe si si ku ni wunduna ni kufuma;

2 Vakorinto 2:16

Ka vale va lovako, ngu bhumula ko biha ku ku dayako; aniko, ka vale va hanyiswako, ngu bhumula ka kunene ku ningako wutomi. Se, i mani a fanelwako ngu mthumo wo ngeto kani?

Varoma 15:31

kasiku ni huluka manzani ka Vajudha va va si kholwiko, ni ti to txivhuno txiya ni txi yisako Jerusalema txi amukelwa ngu kutsaka ngu vasawuleki va Txizimu.

Varoma 10:21

Kambe ngako a txi womba ngu Israyeli, a khene: “Dotshe ditshiku ni nawulutile manza angu ka vathu va va si engisiko, va kanyisako.”

Mithumo 26:19

“Ngu toneto, mfumeli Agripa, ani kha na lamba txiwoniso txiya txa nzumani:

Johani 4:42

Se va to womba ka wule wamsikati va txi kha vona: “Se athu hi nga ngadi i di mapswi ako, ma hi ningako kukholwa, aniko ngathu hipune hi ti engisako ni ku tiziva ti to Ene ngene Muhanyisi wa Ditiko.”

Luka 20:17

Se a txi va wonisisa, a ti khene kwawe: “Ti womba txani ati ti nga bhalwa va txi kha vona: ‘Dirigwi di vaaki va ngadi nyenya, ngu dona di nga mahwa dirigwi da hombe da kutsanisa kani?’

Luka 2:32

I ku liwoningo la kuwoninga matiko ni txipfaliso txa kudhumisa vathu vako va ka Israyeli.”

Zakariya 4:7

U mani awe, mmangowe wa hombe kani? Masoni ka Zorobhabheli u na va libala; nguko ene a na tisa dirigwi do khata, se vathu va na kwangula, va txi kha vona: Wumbilu, wumbilu wu nave kwakwe.

Hagayi 2:7

ni na dekadekisa otshe matiko, se ti nata tithomba ngu ka matiko, ni na tata nyumba yiya ngu wudhumo, kuwomba Mkoma wa Mabutho a Tiyimbi.

Isaya 28:5

Ka ditshiku dile, Mkoma wa Mabutho a Tiyimbi, a na va i ti m'bhoti wa wudhumo, ni m'bhoti wo tshura ka misalelwa ya vathu vakwe.

Luka 2:34

Se Simiyoni a to va katekisa, na a txi womba ka Mariya, mame wa mwanana, a txi khene: “Mwanana wuwa a emisetwe ku na wisa ni kuwusa vavangi ka nyumba ya Israyeli, a na va kambe i di txikombiso txi txi no kanetwa;

1 Pedro 2:4

Ngonani hafuhi ka Mkoma, i ku dirigwi do hanya, adi di nga nyenywa ngu vathu, aniko i ku da kusawulwa ni kudhundeka masoni ka Txizimu.