1 Pedro 2:6 - Bhiblia Yo Sawuleka

⁶ Ngu mhaka yeto, amu ka Mibhalo, ti ho ti taku: “Wonani, na veka ka m'ti wa Siyoni dirigwi da lisima di di nga sawulwa, do dhundeka; awule a kholwako ka dona, kha na mbi wiswa tingana.”

1 Pedro 2:6 Referans Kwoze

Isaya 28:16

Ngu mhaka yeto, Mkoma Txizimu a khene: Wonani taku ani ni vekile dirigwi Siyoni, dirigwi di koko di nga tumelwa, dirigwi da lisima da ha dikhonani, do tsana ngutu, kambe do tshima; awule a kholwako kha na mbi thava.

1 Pedro 2:4

Ngonani hafuhi ka Mkoma, i ku dirigwi do hanya, adi di nga nyenywa ngu vathu, aniko i ku da kusawulwa ni kudhundeka masoni ka Txizimu.

Vaefesu 2:20

nguko anu mi fana ni nyumba yi nga akwa txitimwi ka makhato o mahwa ngu vapostoli ni vaprofeti, ahawa Jesu Kristu apune i ku Dirigwi da kona da hombe do tsanisa;

Zakariya 10:4

Ku na huma ngu ka Judha dirigwi da magwito, phande, wulaho wa yimbi, kumweko ni otshe masotxhwa.

Marku 12:10

Kha mi nzi kugonda mibhalo yi yi ku: ‘Dirigwi diya vaaki va ngadi nyenya, ngu dona di nga mahwa da hombe do tsanisa.

Varoma 10:11

Nguko Mibhalo yi womba tiya: “Wuhi ni wuhi a kholwako kwakwe, kha na mbi wiswa tingana.”

Isaya 50:7

Nguko Mkoma Txizimu wa ni vhuna, ngu mhaka yeto kha ni kanganyiseki; ngu mhaka yeto ni khohe yangu ni yi mahile yi txi nga dirigwi, se na tiziva ti to kha ni na mbi wa tinganani.

Isaya 42:1

Wonani Txithumi Txangu, txi ni txi seketelako, Msawulwa wangu, awule moya wangu wu mtsakelako; Ni vekile Moya wangu txitimwi kwakwe; a na humisa kululama hagari ka vamatiko.

2 Timoti 3:16

Yotshe Mibhalo yi pimisilwe ngu Txizimu, ya vhuna kugondisa, kulaya, ni kukawuka ni kutolovetisa tinzila to lulama;

Johani 7:38

Awule a kholwako kwangu, nga ti Mibhalo yi wombako, ‘minambo ya mati o hanya yi na khulunga, yi txi huma ngu mbiluni kwakwe.’ ”

Isaya 54:4

U nga thave, nguko khu na mbiwa tingana; u nga ti thele tingana, nguko khu na mbi kanganyiswa; u na divala tingana ta wuphya wako, kambe khu na mbiswa u alakanya tingana ta wuphya wako.

Luka 23:35

Dibutho da vathu di ti zumbile kona hale, va txi wonetela, se vathangeli va kona va txi poyilela va txi kha vona: “A ponisile vamwani, a na ti ponise nene apune, ngako i di Mesiya Msawulwa wa Txizimu!”

Matewu 12:18

“Atxiya ngu txona Txithumi txangu, ni nga txi sawula, i ku txo randeka kwangu, atxiya mbilu yangu yi txi tsakelako. Ni na veka Moya wangu txitimwi kwakwe, a na txhumayela kulamula kwangu ko lulama ka otshe matiko.

Isaya 41:11

Wona taku, votshe vale va ku henyelako, va na wiswa tingana ni ku khulumetelwa; kambe kha va na mbi va va txilo; ni vale va kulwisako, va na lova.

Masalmo 89:19

Kale u wombawombile ngu siwoniso ka sithumi sako so thembeka u txi khawe: “Ni ningile mtamo dizambi da ndena; ni fumisile dijaha, ni ngadi sawula hagari ka vathu vangu.”

Masalmo 40:14

Va na thelwe tingana votshe vale va lavako ku ni daya. Va na tshumelele msana ve xowoka ngu tingana votshe vale va ni navelelako makhombo!

2 Pedro 3:16

Ngu toneto, nene a wombisako tona ka otshe mapapilo akwe ngako a txi gwesa mhaka yiya ka ona mapapilo awa. Ti ho timhaka to kari ti ti karatako ku ti engisisa, atiya vathu vo mbi ziva ni vo mbi tsana va ti soholotako, madingano ni ti va ti mahako ka yimwani Mibhalo, va txi ti lovisa vapune.

2 Pedro 1:20

Aniko, masoni ka totshe, zumbani mi txi tiziva ti to kuwalo dipswi da vaprofeti, adiya m'thu a sikotako ku di txhamusela ti txi khukhela ha msungo kwakwe.

Vaefesu 1:4

Ngu kota yakwe, Txizimu txi hi sawute, di sinzi kumahwa ditiko, kasi ku hi txi mana wululami wa lirando ni kuzumba hi si nga ni txisolo masoni ka txona.

Mithumo 1:16

“Vavamna va khe kwathu, yi ti ni fanelo ya kutatiseka Mibhalo yi yi nga profetwa kale ngu Moya wo Sawuleka, ngu txisofu txa Dhavhidha, ayi yi wombako ngu Judha, awu a nga ti maha mthangeli wa vale va nga ñola Jesu.

Dhaniyeli 10:21

Aniko ni na kugela ti ti nga bhalwa dibhukuni ka ditshuri; kha ku na wu a ni vhunako kulwa ni vale, hahanze ka Migeli mthangeli wanu.

Genesisi 49:24

Aniko wulaho wakwe wu zumbile wu di tsani, ni misiha ya mawoko akwe yi tsanisilwe, ngu manza a Ndena ya Jakobe (eho i ku M'dyisi ni Dirigwi da Israyeli.)

Isaya 46:13

Na tshuketisa wululamo wangu, kambe kha wu na mbi va kule, ni kuhanyisa kwangu kha ku na mbi swela; aniko ni na veka kuhanyisa kwangu kona Siyoni, ni wudhumo wangu kona Israyeli.

Luka 20:17

Se a txi va wonisisa, a ti khene kwawe: “Ti womba txani ati ti nga bhalwa va txi kha vona: ‘Dirigwi di vaaki va ngadi nyenya, ngu dona di nga mahwa dirigwi da hombe da kutsanisa kani?’

1 Pedro 2:8

Dirigwi diya di na va humba ni ku va wisa, va na humbwa ngu dona, nguko kha va kholwa ka Evhangeli, i ku ti va nga sikeliswa tona.