1 Pedro 2:23 - Bhiblia Yo Sawuleka

²³ Ene, mbimo yi va nga ti mruketela, kha ruketela nene. Mbimo yi va nga ti m'xanisa, kha va henyela, aniko a to ti ningela ka wule a lamulako ngu kululama.

1 Pedro 2:23 Referans Kwoze

Isaya 53:7

Ene a to khoziswa, aniko kha tula txisofu; kufana ni txinvutana a to yiswa kudawani, ni kufana ni nvuta masoni ka wu a yi kayako, ene kha tula txisofu.

1 Pedro 4:19

Ngu toneto, avale va xanisekako ngu kulava kulondeta kuranda ka Txizimu, va na ningele mihefemulo yawe ka M'vangi wo thembeka, ngu kumaha mithumo ya yinene.

Vahebheru 12:3

Ngu toneto, alakanyani ene wuwa a nga timisela kuxaniswa ko ngeto, ngu mhaka ya vaonhi, kasiku mi si rereki, mi si gumi mtamo timbiluni kwanu.

Masalmo 37:5

Ningela nzila yako ka Mkoma; themba kwakwe, se ene a na maha totshe.

Mithumo 4:29

Se konkuwa, Mkoma, wona kudhukisa kwawe, u txi ninga sithumi sako kuwomba dipswi dako, na va si thavi txilo.

2 Timoti 4:8

Konkuwa ni lulamisetwe m'bhoti wo lulama, awu ni nota ningwa ngu Mkoma, mlamuli wo lulama, ka ditshiku da hombe, i si nga ani nokha, aniko ni ka votshe vale va no va va di rinzete ngu lirando kuhumelela kwakwe.

2 Timoti 1:12

Ngu toneto, ni xanisekelako tona. Aniko kha ni na tingana, nguko ani na m'ziva awu ni thembako ene, na tiziva ngu ditshuri ti to ene ana ni mtamo wa kuveketa asi a nga ni vekela manzani kwangu, kala kedo ditshiku.

Luka 23:46

Se Jesu a to huwelela ngu dipswi da hombe, a txi khene: “Tata, na ningela moya wangu manzani kwako.” A di gwitile kuwomba tiya, a to fa.

Masalmo 31:5

Na ti veka ngu kuhetiseka manzani kwako; ni hanyise, Mkoma, nguko awe u wo thembeka!

Masalmo 10:14

Aniko awe wa wona kupandiseka ni kuxaniseka, totshe wa ti wonisisa, ni kukhatala ngu tona. Va tutumela kwako ava vo mbi na m'vhikeli ni va vo felwa; awe ngawe m'vhuneteli wawe.

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

1 Pedro 3:9

Mi nga tshumeteleni wubihi ngu wubihi, hambi txiruko ngu txiruko, aniko, kukatekisa nguko ngu toneto mi nga dhanelwa tona, kasi ku mi txi maha vadyi va thomba ya kateko.

2 Vatesalonika 1:5

Sotshe siya, njikombiso txa kulamula ko lulama ka Txizimu; si humelela kasiku mi va ni fanelo ya Mfumo wa Txizimu, wu mi xanisekako ngu mhaka ya wona.

Vaefesu 6:9

Nananu vakoma, mahisani toneto kwawe, mi txi leka ku va dhusetela, ngu kuziva ti to Mkoma wu i ku wawe ni wanu i mmweyo a ku nzumani, ni ti to ene kha yi ngu khohe.

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Mithumo 17:31

Nguko Txizimu txi vekile ditshiku di txi no lamula mafu ngu dona, ngu malamulelo o lulama, ngu m'thu wu txi nga ti sawulela ene, txi tsanisa mhaka yiya ka votshe ngu ku mu wusa ka vakufa.”

Mithumo 9:1

Kambe Sawule, ngukuva a di ngadi ni mahika a kubavela kudaya vagondiswa va Mkoma, a to tsula ka mphaxeli wa hombe,

Luka 23:9

A mu wotisete to tala, kambe ene kha angula txilo.

Masalmo 96:13

tsakani masoni ka Mkoma, nguko wata nguko a tela ku ta vhuna mafu; a na lamula ditiko ngu kululama, ni vathu ngu ditshuri dakwe.

Masalmo 7:11

Txizimu i mlamuli wo lulama, txona txa nyenyana ni txionho yotshe mbimo.

Genesisi 18:25

Lambi, ti nave kule ni nawe eto ta kufuvisa valulami kumweko ni vabihi, u txi teka mlulami ni m'bihi u txi va maha vamwevo. Eyo mapimo ma nave kule ni nawe. Mlamuli wa ditiko dotshe, kha na mbi lamula ngu kululama kani?”

Mithumo 7:59

Se va to balisela Sitefani ngu marigwi, na ene a txi khongela, a txi khene: “Mkoma Jesu, amukela moya wangu!”

Luka 23:41

I di athu hi tsayiswa ngu kona; hi dihela mithumo yathu. Kasi ene kha onha txilo.”