1 Pedro 2:22 - Bhiblia Yo Sawuleka

²² Ene kha maha txionho, ni txisofu txakwe kha txa womba makuhu.

1 Pedro 2:22 Referans Kwoze

Isaya 53:9

Se diyiva dakwe di to vekwa kumweko ni vaonhi, ni vanyatithombe, kufani kwakwe; hambi ku ene a nga si zivi kumaha to wekela, kambe kha phazama ngu txisofu txakwe.

Vahebheru 4:15

Nguko, Mphaxeli wathu wa Hombe, hi ku nayo, hi nga ene wo sindwa ku hi pfela wusiwana ka sionho sathu, nguko nene a dukilwe ka totshe tinzila, kufana ni nathu, kambe kha maha txionho.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

1 Johani 3:5

Aniko anu ma tiziva ti to ene a ti wonekisile kasi ku ta thavisa sionho; kambe kwakwe kuwalo txionho.

Mtuletelo 14:5

Txima kha kuzivi kumanwa makuhu sisofuni kwawe. Kha va nga ni txisolo.

1 Johani 2:1

Sivananananu sangu, ni mi bhalela timhaka tiya kasi ku mi si onhi; se ngako mmweyo wanu a txi onha, hi na ni Mthaveleli masoni ka Tata, Ene Jesu Kristu, M'lulami.

Vahebheru 9:28

ngu toneto, Kristu a ti ningete kumweko basi, kufela kufuvisa sionho sa vathu vavangi. A na woneka da wumbidi, i si nga ngu mhaka ya txionho, aniko ngu mhaka ya ku ta hanyisa avale va m'verelako.

Luka 23:41

I di athu hi tsayiswa ngu kona; hi dihela mithumo yathu. Kasi ene kha onha txilo.”

Johani 8:46

I mani kwanu a no ni kona ku nina ni txionho kani? Se ngako ni txi womba ditshuri, njani mi si ni tumeli kani?

Johani 1:47

Jesu a to wona Nathaniyele a txi mu tela, se e womba ngu ngene, a txi khene: “Ndiyo Muisrayeli wa ditshuri, awu kwakwe, ku kuwalo kukanganyisa.”

Luka 23:47

Se ngako nduna ya 100 da masotxhwa yi di woni tile ti nga maheka, yi to dhumisa Txizimu, yi txi kha yona: “Kha ditshuri m'thu wuwa i ti wo lulama!”

Matewu 27:19

Na ene a di khalahatshile ha txikhaloni ka kulamula, msikati wakwe a to rumela kuya mu gela tiya: “U nga thuke u txi ti wuleta ka mhaka ya m'thu wuwa wo lulama, nguko ni pandisekile ngutu hamnova ngu miloro ngu mhaka yakwe.”

Matewu 27:4

a txi khene: “Ni onhile ni nga ningela mnoha wo mbi na mnandu!” Vona va to kha vona: “Ti womba txani eto kwathu kani? Eto ndako wekhelela!”

Masalmo 34:13

Ngu kota yeto, hambana ni kuruketela: Txisofu txako txi nga thuke txi womba makuhu.