1 Pedro 2:21 - Bhiblia Yo Sawuleka

²¹ Ngu toneto, mi nga dhanelwa tona, nguko hambi Kristu nene, a tumete kuxaniswa ngu mhaka yanu, kasi ku mi siyela txikombiso, ti to mi na sikota kulondetela mkondo wakwe.

1 Pedro 2:21 Referans Kwoze

1 Johani 2:6

Awule a wombako ti to a ka Txizimu, a fanete kutsimbila ti Jesu a nga tsimbilisa tona.

Matewu 16:24

Sekoko konaho, Jesu a to gela vagondiswa vakwe a txi khene: “Ngako m'thu a txi lava ku ni londisa, a na ti leke, e pakata txihambano txakwe, a txi ni londisa.

Johani 13:15

Ani ni mi mahete txikombiso, kufela ku, ati ni nga mahisa tona kwanu, na nanu mi na mahisa toneto.

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

1 Johani 3:16

Lirando hi li zivisa tiya: Jesu a ningete wutomi wakwe ngu mhaka yathu; se nathu hi fanete kuningela wutomi wathu ngu mhaka ya vanathu.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

1 Vakorinto 11:1

Mahani vaeteteli vangu, kufana ni nani ni ku mueteteli wa Kristu.

1 Pedro 4:1

Ngu toneto, ngako Kristu a nga pfa kupanda nyamani kwakwe, na nanu xomani matxhari a kuzumba mi di ni mialakanyo yo nga toneto. Awule a nga xaniseka nyamani, a hambani ni txionho;

Vafilipiya 2:5

Hagari kwanu, kulaveka mi zumba mi di ni mapimo a Kristu Jesu:

Matewu 11:29

Tekani mpakato wangu, mi txi gonda ngu ngani, ani ni ku wo thutha ni wa mbilu ya kutiveka hahatshi, mi na mana kuhumula mihefemuloni kwanu.

Varoma 8:29

Nguko avale Txizimu txi nga va ziva ngu kale, ngu vona txi nga va sikela ngu kale ti to ve fana ni Mwanana wa txona, i ku ene matiwula ka vananda vakwe votala.

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

1 Pedro 3:18

Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.

Matewu 10:38

Awule asi rwaliko txihambano txakwe, a txi ni londeta, kha ni faneli.

1 Pedro 3:9

Mi nga tshumeteleni wubihi ngu wubihi, hambi txiruko ngu txiruko, aniko, kukatekisa nguko ngu toneto mi nga dhanelwa tona, kasi ku mi txi maha vadyi va thomba ya kateko.

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Mtuletelo 12:11

Kambe vona va mu xute ngu mhaka ya mnoha wa Txinvutana ni ngu mhaka ya dipswi di va ngadi fakazela, nguko kha va khatala ngu wutomi wawe kala kufani.

Vahebheru 2:10

Kha ditshuri, ti ni fanelo, ti to awule a lumbwako ngu sotshe, awu kambe i ku ene a nga si va nga, ngako a nga lava kuguleta vanana vavangi a txi va veka ka txikhunja txa wudhumo, e thanga ngu kusawulekisa Muhanyisi wa kona ngu wuhetiseki wa sixaniso.

2 Timoti 3:12

Kha ditshuri, votshe va va lavako kuhanya ngu wukhongeli ngu ka Kristu Jesu, va na xaniswa.

Masalmo 85:13

Kululama ku na thangela masoni ka Mkoma, kasi ku mlulamisela tinzila takwe.

1 Pedro 1:20

Ene a nga ziwa ngu kale, na ku sinzi kumahwa ditiko, kambe a txi wonekiswa ka sikhati sa nyamsi, asi i ku so gwitisa, ngu mhaka yanu.

1 Vatesalonika 4:2

Nguko ma yi ziva milayo yi hi nga mi ninga ngu ditina da Mkoma Jesu.

1 Vatesalonika 3:3

Kasiku, ni wammweyo asi vi ni kukarateka ngu mhaka ya sixanisoso, nguko ma tiziva ti to ngu yoneyo nzila yathu.

Mithumo 17:3

A ti va txhamusela ni ku va kombisa ti to Mesiya a ti fanete kuxaniseka ni kuwuka ka vakufa; se a txi khene: “Jesu wu ni mi zivisako, ngene Mesiya.”

Mithumo 9:16

Ani nipune ni na mu kombisa ti a fanelako kuxanisekisa tona ngu mhaka ya ditina dangu.”

Luka 24:26

Ina ti si laveki ti to Mesiya e xanisekisa tiya, se e wulela kudhumiswani kwakwe kani?”

1 Pedro 4:13

Aniko, tsakani ngu kumana txyavelo txa sixaniso sa Kristu, kasi ku na nanu, mi txi ta sikota kutsaka ni kugiya, ka ditshiku di ku nota kombiswa kupfaliswa ka Kristu.