1 Pedro 2:2 - Bhiblia Yo Sawuleka

² nga vanana va tikereke, navelani masi a Moya kasi ku ona ma na sikota ku mi ninga kukula, mi ya kuhanyiswani,

1 Pedro 2:2 Referans Kwoze

Vaefesu 4:15

Kambe, ngako hi txi londetela ditshuri ngu lirando, hi na kula ka totshe ngu kulondisa awule i ku msungo, ene Kristu.

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

Marku 10:15

Kha ditshuri na mi gela ku khani: Awule asi amukeliko Mfumo wa Txizimu nga mwanana, txima kha na mbi wulela ka wona.”

1 Vakorinto 14:20

Vanathu, mi nga ti maheni vanana mapimoni kwanu. Ka tile to biha, eho ti maheni vanana, kambe amu ka mapimo ti maheni madhota.

Mavingu 4:18

Aniko nzila ya vo lulama yi fana ni kuwoninga ka wuronga, ku woningako kambe ni kambe diza di hetiseka kutxa.

Jobe 17:9

Se awule wo lulama a na londisa nzila yakwe a di tsani, ni wu wa manza o sawuleka, mtamo wakwe wu na engetelwa.

2 Vatesalonika 1:3

Hi fanete kubonga Txizimu yotshe mbimo ngu mhaka yanu, vanathu, nguko eto ti lulamile, nguko likholo lanu la kula ngutu, ni kurandana ka engeteleka mndani ka mmweyo ni mmweyo wanu motshe.

Matewu 18:3

a txi khene: “Kha ditshuri ni khani kwanu: Ngako mi si tshumeli mi txi fanana ni vanana vavadotho, kha mi na mbi sikota kuwulela Mfumoni ka nzumani.

Vaefesu 2:21

kwakwe nyumba yotshe yi mana kudingana ni kukula, yi txi maha dithepele do sawuleka da Mkoma.

Varoma 6:4

Ngu toneto, ngu kubhabhatiswa hi keletwe kumweko nayo kufani, kasiku, kota nga ti Kristu a nga wuka ka vakufa ngu mtamo wa wudhumo wa Tate, nanathu hi fanela kuhanya wutomi wa wuphya.

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.

1 Pedro 1:23

nguko kha ma velekelwa ka mbewu yi yi sinako, aniko mi veleketwe ka mbewu yo mbi sina, ngu dipswi da Txizimu txi txi hanyako, txa yotshe mbimo.

2 Samuwele 23:5

Hambi ku nyumba yangu yi si nga ya mamahelo eyo ka Txizimu, kambe txi mahile txitumelelano txa kwa mbi guma ni nani, txi ka sotshe txi no leletelwa ni kuvekiswa. kotshe kuhulukiswa kwangu ni kutsaka kwangu si na va ka txona, hambi ku asi se kumilisa.

Hoseya 14:7

Ava va no zumba ka mtsudi wakwe va na wuya; va na hanya kufana ni fulaho kambe va na veka siluva ku nga m'vhina mialakanyo yawe yi na fana ni vhinyo ya Libhanoni.

Hoseya 14:5

Ka Israyeli ani ni na fana ni mwando, ene a na tshura kufana ni siluva, kambe a na hangalasa mitwi yakwe kufana ni Libhanoni.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Matewu 19:14

Aniko Jesu a wombile kwawe, a txi khene: “Lekani sivananana, mi nga si tsimbiseleni kuta kwangu, nguko Mfumo wa nzumani wu lumba vo nga sona.”

Luka 18:17

Kha ditshuri ni khani kwanu: Awu asi amukeliko Mfumo wa Txizimu nga mwanana, kha na mbi wulela ka wona.”