1 Pedro 2:18 - Bhiblia Yo Sawuleka

¹⁸ Anu sithumi, mi fanete kutiveka hahatshi ka vanyamne vanu, mi va komba txixonipho txo hetiseka, i si nga ka vale i ku vavanene dwe, kambe ni ka vale i ku vo karata.

1 Pedro 2:18 Referans Kwoze

Mavingu 3:32

Nguko muonhi njinyenyeko ka Mkoma, aniko txihunja txakwe txi ni vale vo lulama.

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Vagalatiya 5:22

Kasi mihando ya Moya ngu yiya: Lirando, litsako, kudikha, kutimisela, wunene, kutshambisa, kuthembeka,

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Masalmo 101:4

Va na zumbe kule ni nani avale va ku ni mi alakanyo yo gombonyeka; kha ni lavi kuziva ta vale va mahetelako to biha!

Titosi 3:2

ni ti to kha va nga ni fanelo yo womba kubiha ngu m'thu hambi kuwusa mazunga, aniko va na mahe vathu vavanene, va kombako txithavo ka votshe.

2 Vakorinto 10:1

Ani, Paulo ngu wutumbu wangu, na mi khongotela ngu kudikha, ni wunene wa Kristu, ani ni ti vekako hahatshi masoni kwanu, kambe ni mahako wurena ni di kule ni nanu.

Mavingu 11:20

Avale va timbilu to biha njinyenyeko ka Mkoma, aniko avale tinzila tawe i ku tinene, va mtsakisa.

Mavingu 10:32

Txisofu txa m'thu wo lulama txa ziva to tsakisa, aniko sisofu sa vo biha, sitate ngu wukanganyisi.