1 Pedro 2:16 - Bhiblia Yo Sawuleka

¹⁶ Hanyani nga vathuseki; kambe, mi nga thumiseni wuthuseki wanu kasi kufenengeta wubihi, aniko hanyani nga sithumi sa Txizimu.

1 Pedro 2:16 Referans Kwoze

Vagalatiya 5:13

Vanathu, anu mi dhanetwe ku ta hanya kutxhatxhekani. Ti di mahile eto, kukhululeka kwanu ku nga mi lundumise, mi txi fumwa ngu sa ha mafuni, aniko thumelanani ngu lirando.

Varoma 6:22

Akuwa mi nga thuswa ka txionho mi maha tikhumbi ta Txizimu, mi bhindute mihando yi yi yisako kubasiswani, akuwa ku hokisako ka wutomi wo mbi guma.

1 Vakorinto 7:22

Nguko awu a dhanwako ngu Mkoma i di txithumi, i mtxhatxheki wa Mkoma. Nene wu a dhanwako a di txhatxhekile, njithumi txa Kristu.

Varoma 6:18

Se mi di thukunyutwe ka txionho mi ti mahile tikhumbi ta kululama.

Vagalatiya 5:1

Kristu a hi txhatxhile kasiku hi zumba hi di txhatxhekile. Ngu toneto, zumbani mi di tsani, mi nga tumeleni kutshumela mi sungwa kambe ngu dijoke da wukhumbi.

Jakobe 1:25

Kasi awu a khutalako ngu kugonda mlayo wa kuhetiseka wa wuthuseki, e wu simamela, asi ti mahi muengisi wo divala, aniko a veketako ati wona wu rumako, eyo a katekile ka tile a ti mahako.

Jakobe 2:12

Ngu konaho, wombawombani mi txi thuma, nga vathu va va fanelako kulamulwa ngu mlayo wa wuthuseki.

Vaefesu 6:6

Mi nga va thumeleni dwe, ngako va txi mi wona, nga mo randa kutsakisa vathu, aniko aku mi ku sithumi sa Kristu, mahani kuranda ka Txizimu ngu yotshe mbilu.

2 Pedro 2:19

na va txi va thembisa kuhuluka, kasi vona ndikhumbi ta wuonhi, nguko mmweyo ni mmweyo i khumbi ya sile si m'xulako.

Vakolosa 3:24

Na mi txi tiziva kambe ti to Mkoma a na mi hakela ngu ku mi maha vadyi va thomba yakwe. Mkoma ngu Kristu, anu mi sithumi sakwe.

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Judha 1:4

Nguku ku txholovete vathu vokari hagari kwathu, ava ku nga bhalwa ngu kale ti to va na abaniswa, vathu va kwa mbi thava Txizimu, va hindulako kateko ya Txizimu txathu, ve yi maha txivhikelo txa wubhemba wawe, ve lamba kukholwa ka wu i ku ene ekha M'gondisi ni Mkoma wathu, Jesu Kristu.

1 Vatesalonika 2:5

Ngu toneto, anu ma tiziva ti to kha hi zivi kuthumisa mapswi o kanganyisa, mwendo mapswi o dyelela. Txizimu i fakazi yathu.

Johani 15:22

Idiku ni ti sa ta ni ta womba-womba navo, nga va si na txionho. Aniko konkuwa txionho txawe kha txi na divalelo.