1 Pedro 2:13 - Bhiblia Yo Sawuleka

¹³ Ngu mhaka ya Mkoma, ti vekeni hahatshi ka milayo ya wukoma wa ha mafuni: Ka mfumeli, ni ka wa hombe,

1 Pedro 2:13 Referans Kwoze

Titosi 3:1

Alakanyisa votshe ti to va fanete kutiveka hahatshi ka vafumeli ni ka vakoma, va fanete ku va engisa, ve zumba va di ti lulamisete kumaha mthumo wuhi ni wuhi wo lulama,

Luka 20:25

Sekoko a to khene kwawe: “Ningelani ka Khezari asi i ku sa Khezari, ni ka Txizimu asi i ku sa Txizimu.”

Mavingu 24:21

Mwanangu, thava Mkoma, ni mfumeli, kambe u nga ti wulete ka vale va lavako kuwusa kulwa.

Jeremiya 29:7

Lavani kuthutha ka didhoropa di mi no yiswa ka dona; mi txi di khongelela ka Mkoma, nguko kuthutha ka dona, mi na va ni kuthutha.

Marku 12:17

Se Jesu e va xamula a txi khene: “Tshumetelani Khezari, asi i ku sa Khezari, ni Txizimu asi i ku sa Txizimu.” Se va to xamala ngutu.

Matewu 22:21

Se vona va ti kha vona: “Nza Khezari.” Sekoko Jesu a to va xamula a txi khene: “Ningelani ka Khezari asi i ku sa Khezari, ni ka Txizimu asi i ku sa Txizimu.”

2 Pedro 2:10

ngutu-ngutu avale va londetelako kunavela ka nzambwa, va txi ti ningela ka minavelo yo nyenyeza, va txi eyisa ni wuhi wukoma. Vathuvo va ti themba ngutu, va ti kukumukisa, kha va thavi kuruketela sivangwa so sawuleka sa txitimwi.

Vaefesu 5:21

Xoniphanani ngu txithavo ka Kristu.

Mavingu 17:11

M'thu wu i ku wa mazunga a lavetetela to biha; ngu kumaha keto, ku na rumelwa mtumi wo karata kwakwe.

1 Pedro 2:17

Vekani txithavo ka votshe vathu. Randani kuhanyelana. Thavani Txizimu. Thavani mfumeli.