1 Pedro 2:11 - Bhiblia Yo Sawuleka

¹¹ Na mi kombela, vo randeka ngutu, nga vaendi ni valuveli ditikoni muwa, mi leka kutiningetetela ka minavelo ya mmidi, ayi yilwako ni moya yotshe mbimo.

1 Pedro 2:11 Referans Kwoze

Vagalatiya 5:24

Avale i ku va Kristu va bethete ha txihambanoni nyama ni wubihi wa yona ni minavelo ya yona.

1 Pedro 4:2

kasiku, ka masiku awa a nga salelwa ngu ona a kuhanya nyamani, e sikota kuhanya asi londeteli minavelo ya nyama, aniko a txi londetela kuranda ka Txizimu.

Vahebheru 11:13

Votshe vathu vava va fete kukholwani, na va sinzi kumana si va nga ti thembisilwe sona. Vona va to si wona ni ku si tsakela ngu kule dwe, va txi ti tshanza ti to vona mbawuyi ni vaendi ha mafuni.

Varoma 8:13

Ngako mi txi londetela minavelo ya mmidi, mi na fa; kambe ngako mi txi daya mithumo ya mmidi, mi txi teka ya Moya, mi na hanya.

1 Makronika 29:15

Nguko hi valuveli masoni kwako, hi vapfumba kufana ni vatate vathu; masiku athu ha mafuni ma fana ni mtsudi, kha ku nga ni yimwani themba.

Jakobe 4:1

Ti ta ngu hani tiyimbi, mata ngu hani mazunga hagari kwanu, kani? Ina kha si mahwi ngu timbiti ta minavelo yo biha, ayi sihango sa mmidi wanu si lewako ngu yona, kani?

2 Timoti 2:22

Vayilela minavelo yo biha ya vavaphya. Tsimbila ngu nzila yo lulama, ya likholo, ya lirando, ya kudikha, kumweko ni vale va khongelako ngu ditina da Mkoma, ngu mbilu yo basa.

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

Varoma 12:1

Na mi khongotela koko vanathu ngu wumbilu wa Txizimu, ti to mi ningela mimidi yanu, yi maha mhamba ya kuhanya ni ya kusawuleka, ayi yi tsakisako Txizimu, i kuwona mphaxo wu wu lavekako.

Vaefesu 4:1

Na mi khongotela koko ani txibotxhwa txa Mkoma, ti to mi hanya ngu nzila yi yi fanelako wukholwa wu mi nga dhanelwa wona,

Varoma 7:23

kambe amu ka sihango sangu ni mana wumwani mlayo awu wu lwako ni Mlayo wu wu tsimbitisako mialakanyo yangu, wona wu ni ndindela wukhumbini ka txionho txi txi ku ka sihango sangu.

Mithumo 15:29

Mi txi leka kudya tinyama ta kuphaxelwa sithombe, ni mnoha, ni tinyama ta sile si nga fa ngu kukamwa mkolo, mi txi thava txionho txa wugango. Mi na hanya wutomi wa wunene, ngako mi txi vayilela sotshe siya. Salani.”

Luka 21:34

“Kambe ti woneleni, kasiku timbilu tanu ti si thuki ti nemelwa ngu kwa mbi ti pimela, ni wudevi, ni kuvilela ngu sa wutomi wuwa, ti to ditshikudo di si mi ñoli ngu txidhukisa,

Masalmo 119:19

Ani ni mpindi ka diya ditiko; u nga ni sisele sirumo sako.

Masalmo 39:12

Mkoma, engisa mkombelo wangu, riya nzeve u txi engisa miketo yangu! U nga ti hunde, ngako u txi pfa kudila kwangu. Masoni kwako ani ni nyamtangumo, ni mpindi kufana ni votshe vakale vangu.

Levhi 25:23

Mi nga xaviseni thembwe da magwito, nguko mafu ma lumba ani, anu mi valuveli, mi vapfhumba ka ditiko di mi nga aka ka dona, i ku dangu.

1 Pedro 1:17

Ngako mi m'dhanako tito, “Tata,” ene wule a lamulako m'thu ni m'thu madingano ni mithumo yakwe, hanyani ngu txithavo yotshe mbimo ya kuhanya kwanu.

2 Vakorinto 6:1

Se athu hi thumisanako ni Txizimu, ha mi khongotela kasi ku mi si amukeli walo kateko ya txona.

2 Vakorinto 5:20

Athu hi sirumwa sa Kristu, Txizimu ngu txona txi mi layako ngu ngathu. Ngu toneto, ha mi khongotela ngu ditina da Kristu: Kombelani divalelo ka Txizimu.

Mithumo 15:20

Va na bhalelwe ti to ve leka asi si nga yiliswa ngu sizimu, ni wugelegele, ni nyama ya sihari si si nga dawa ngu kukamwa mkolo, ni mnoha.

Genesisi 47:9

Jakobe a to xamula ka Faro, a txi khene: “Malembe a ku pepeseka kwangu ha mafuni, 130 wa malembe awa, ona madotho, aniko ma tate ngu sixaniso, kha ninzi kuhoka ka mtengo wa malembe awa vatate vangu va nga hanya ha mafuni.”

1 Pedro 1:1

Ani Pedro, mpostoli wa Jesu Kristu, ka valuveli va va nga hangalaka matikoni ka Ponto, ni Galatiya, ni Kapadhokiya, ni Aziya ni Bhitiniya;

Masalmo 119:54

Milayo yako ya ni ninga kuthula tindando, ka diya ditiko ani ni ku mpindi wa nzila.

Genesisi 23:4

“Hagari kwanu ani ni muwuyi, ni mluveli, ni kombela wukhalo, kasi ku nave mathithani ko ni lumba, tito, ni na tshotsha kona mfi wangu.”

Vaefesu 2:19

Ngu toneto, anu kha mi nga ngadi vamatiko mwendo vawuyi, aniko mi vamwevo ni vasawuleki va mwaya wa Txizimu,

Vahebheru 6:9

Kambe i di athu, vo randeka ngutu, hambi hi txi wombisa eto, ha themba ngu kutsana ti to mi ka didhawa da dinene, adi da kuhanyiswa.

1 Pedro 4:12

Vo randeka ngutu, mi nga dhukisweni ngu mndilo wa kudukwa, wu wu nga dhivelwa hagari kwanu, nga ku to humelela txo mbi txi ziva.

2 Pedro 3:1

Vo randeka, adiya dipapilo nda wumbidi ni txi mi bhalela, na ni txi duketa, ka otshe mapapilo a mambidi, kuwuseta mialakanyo yanu ya yinene ngu sialakanyiso sokari;

Genesisi 21:34

Abrahamu a zumbile malembe amangi ditikoni ka Vafilista.

Levhi 15:18

Ngako wansikati a txi otela ni wamwana, a wu kwakwe yi nga huma mbewu ya liveleko, vona ngu wumbidi wawe va fanete kusamba mimidi hambi keto, va na va va sa basa, kala kuswa ditambo.