1 Pedro 1:3 - Bhiblia Yo Sawuleka

³ Txi na dhumiswe Txizimu, i ku Tate wa Mkoma wathu Jesu Kristu, awu a nga hi veleka, ngu wumbilu wakwe wa hombe ni txithembo txa kuhanya.

1 Pedro 1:3 Referans Kwoze

1 Pedro 1:23

nguko kha ma velekelwa ka mbewu yi yi sinako, aniko mi veleketwe ka mbewu yo mbi sina, ngu dipswi da Txizimu txi txi hanyako, txa yotshe mbimo.

1 Johani 5:4

Txihi ni txihi txi nga velekwa ngu Txizimu txa xula ditiko; se atxi txi xulako ditiko ngu likholo lathu.

Varoma 15:13

Txizimu txa txithembo txi na mi tate ngu litsako lotshe ni kudikha amu ka likholo lanu, kasiku ngu mtamo wa Moya wo Sawuleka txithembo txanu txi tala txi thekelela.

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

2 Vakorinto 1:3

Txi na dhumiswe Txizimu, Tate wa Mkoma wathu Jesu Kristu, Tate wa wumbilu, Txizimu txa kotshe kuthavelela,

1 Johani 3:3

Wuhi ni wuhi a ku ni txithembo txiya ni nene, wa ti sawulekisa apune, nga ti nene Jesu i ku wo sawuleka.

Varoma 12:12

Tsakani kuthembani kwanu, mi txi timisela kuxanisekani; mi txi simama kukhongelani.

1 Johani 2:29

Ngako mi ti zivako ti to ene a lulamile, ti ziveni ti to wuhi ni wuhi a mahako to lulama, a velekilwe ngu ngene.

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Eksodha 34:6

Mkoma a to pinda koko ngu masoni ka Mosi, se Mosi e kwangula a txi khene: “Awe Mkoma Txizimu, Txizimu txa wumbilu ni kupfela, wo swela kuhenya kambe wo tala ngu wuha ni kuthembeka!

Vaefesu 3:20

Txi na dhumiswe Txizimu, txi sikotako kumaha sasingi ngutu kupinda asi hi txi kombelako mwendo asi hi si pimisako, ngu mtamo wu, txi thumako ngu wona kwathu,

Vaefesu 1:17

Na kombela ka Txizimu txa Mkoma wathu Jesu Kristu, Tate wa wudhumo, ngu wuzivi wa txona, txi mi ninga moya wa wutxhari ni mtuletelo;

1 Pedro 3:21

Mati awa, i ti txidinganiso txa txibhabhatiso, atxi konkuwa, se txi mi hanyisako, i si nga ngu kukuwulwa ka nzambwa ya mmidi, aniko ngu kuxolwa ka livhalo ngu Txizimu, ni kuwuka ka Jesu Kristu,

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

1 Timoti 1:14

Kambe kateko ya Mkoma wathu ni yi mani ngu kutala ka yona, ngu likholo ni lirando li li ku ka Jesu Kristu.

Vaefesu 2:4

Kambe Txizimu, txi nga tala ngu wumbilu ni lirando la hombe, ali txi nga hi randa ngu lona athu,

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Titosi 2:13

na hi txi verela txithembo txathu txa ditshuri, i ku kupfaliswa ka Txizimu txathu txa hombe ni Muhanyisi wathu Jesu Kristu.

1 Vakorinto 15:20

Aniko hi nga tona! Kristu a wukile ngu ka vo fa, ngene matiwula a votshelele va va nga otela.

1 Vakorinto 13:13

Konkuwa, likholo ni txithembo ni lirando nzimaha so tsana ngu wuraru wa sona, aniko txa hombe ka sona ngu lirando.

1 Johani 3:9

Votshe va va nga velekwa ngu Txizimu, kha va mahi txionho, nguko mbewu ya Txizimu yi mite kwawe. Vona kha va na kuonha, nguko va velekilwe ngu Txizimu.

1 Pedro 2:2

nga vanana va tikereke, navelani masi a Moya kasi ku ona ma na sikota ku mi ninga kukula, mi ya kuhanyiswani,

Vahebheru 3:6

Aniko Kristu, a thembekile kota Mwanana, nyumbani ka txona Txizimu. Se Nyumba ya Txizimu ngu ngathu, ngako hi txi vekisa kutsana ko hetiseka ni kuthemba ko tsakisa.

1 Vatesalonika 1:3

Ha khumbula mithumo yanu ya likholo, kukhutala kwanu ka lirando, ni kutimisela kwanu ka txithembo txi mi ku natxo ka Mkoma wathu Jesu Kristu, masoni ka Txizimu, Tate wathu.

Vakolosa 1:27

Ka vonavo, Txizimu txi ti lavile kuvaninga kuziva lisima la thomba ni wudhumo wa txona txikungo txiya hagari ka vamatiko: Kristu hagari kwanu i txithembo txa kupfaliswa kwanu.

Varoma 8:24

Kha ditshuri hi hanyisilwe, nguko hi ningilwe kuverela. Aniko kuverela txi hi txi wonako hi nga ngadi kuverela, nguko atxile m'thu a txi wonako, kasi a nga va a txi txi verela kambe ka tihi kani?

Varoma 8:11

Se ngako Moya wa wule a nga wusa Jesu ka vakufa, wu di akile kwanu, txona Txizimu txi txi nga wusa Jesu ngu ka vakufa, txi na hanyisa mmidi wanu wa kufa, ngu Moya wa txona, wu nga aka timbiluni kwanu.

Johani 1:13

Vona mbanana va Txizimu, i si nga ngu nzila ya mtumbuluko, mwendo kunavela ka mmidi hambi kuranda ka m'thu, aniko va velekilwe ngu Txizimu.

Jona 4:2

Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha.

Isaya 26:19

Vafi vako va na hanya, vafi vako va na wuka; vhumukani, kambe giyani, anu mi zumbako lithuluni, nguko mwando wako, awe Txizimu, wu na fana ni mwando wa mwasi, se mafu ma na tshotsha mapune vafi.

1 Johani 5:18

Ha tiziva ti to votshe va va nga velekwa ngu Txizimu, kha va hanyeli kuonha, nguko Mwanana wa Txizimu wa va veketa, se m'bihi kha na ku va gwesa.

1 Johani 5:1

Wuhi ni wuhi a kholwako ti to Jesu i Mesiya, a velekilwe ngu Txizimu; se awule a randako m'veleki, wa m'randa kambe awule a nga velekwa ngu ngene.

Vakolosa 1:23

kambe mi fanete kutsana amu ka likholo, mi si hambuki amu ka txithembo txa Evhangeli yi mi nga yi amukela, ayi yi nga nuwelwa ka sotshe sivangwa si si ku hahatshi ka nzuma, Evhangeli yoneyo nani Paulo ni nga mahwa txithumi txa yona.

Varoma 5:10

Kha ditshuri, hambiko hi nga ti valala, hi mani kutshanganiswa ni Txizimu, ngu mhaka ya kufa ka Mwanana wa txona; se ngutu-ngutu aku hi nga tshanganiswa, hi na hanyiswa ngu wutomi wakwe.

Varoma 4:25

ene wu a nga ningelwa ngu kuonha kwathu, e wuswa ka vafi, kasi ku hi txi mana kumahwa valulami.

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

Masalmo 41:13

A na dhumiswe Mkoma, Txizimu txa ka Israyeli, konkuwa ni yotshe mbimo! Ti na maheke! Amen ni amen!

1 Makronika 29:20

Sekoko Dhavhidha a to khene ka wotshe msengeletano: Konkuwa, dhumisani Mkoma Txizimu txanu. Sekoko wotshe msengeletano wu to dhumisa Mkoma, Txizimu txa vatate vawe; va to khizama masoni ka Mkoma ni masoni ka mfumeli.

1 Vafumeli 8:15

A txi khene: A na dhumiswe Mkoma, Txizimu txa ka Israyeli, a nga womba ngu txisofu txakwe ka tate wangu Dhavhidha, ni kumaha ngu dianza dakwe a txi khene:

1 Johani 4:7

Vorandeka, he randaneni, nguko lirando lita ngu ka Txizimu, votshe va vo randeka, va velekilwe ngu Txizimu, se va txi ziva Txizimu.

1 Vatesalonika 4:13

Kha hi ti lavi ku mi sisela timhaka ta vale va nga otela wukohe wa lifo, ti to mi si zumbi mi txi xaniseka, nga vale va ku si nga ni txithembo.

Vagalatiya 6:16

Kurula ni wumbilu si nave txitimwi ka votshe vale va hanyako wutomi wawe madingano ni mlayo wuwa, ni ka votshe vanana va ka Israyeli wa Txizimu.

2 Vatesalonika 2:16

Mkoma wathu Jesu Kristu, ngu wutumbu wakwe, ni Txizimu Tate wathu, txi nga hi randa, txi txi hi ninga, ngu kateko ya txona, thavelelo yo mbina magwito, ni txithembo txa txinene,

1 Pedro 1:13

Ngu toneto, sungani mitxalatxala siwununi kwanu, mi zumba mi txi wonelela. Vekani likholo lanu ka kateko yi mi nga ningwa, kuwonekeliswani ka Mkoma wathu, Jesu Kristu.

1 Pedro 1:21

Ngu mhaka yakwe, ma kholwa ka Txizimu, atxi i ku txona txi nga mu wusa ka vafi, txi mninga wudhumo, kasi ku likholo lanu ni kuverela kwanu, mi si veka ka Txizimu.

1 Pedro 3:5

Ngu tona tiya va nga ti bombisisa tona vavasikati va vo sawuleka va kale, va va nga ti ni likholo ka Txizimu, vona va ti ti engisa vamna vawe,

1 Pedro 3:15

Dhumisani Mkoma Kristu timbiluni kwanu; mi zumba kambe mi di longile nzila ya kutiangulela, ngu kuthutha ni txithavo, ka wuhi ni wuhi a no lava kuziva mhaka ya themba yanu.

2 Makronika 31:8

Ezekhiya ni vathangeli vakwe va tota wona tindunduma, se ve dhumisa Mkoma, ni kubonga va ka Israyeli vathu vakwe.