1 Pedro 1:25 - Bhiblia Yo Sawuleka

²⁵ aniko dipswi da Mkoma nda yotshe mbimo; se dipswi diya, ngu dona di mi nga txhumayelwa.

1 Pedro 1:25 Referans Kwoze

Isaya 40:8

Mwasi wa oma, se siluva sa mora, aniko dipswi da Txizimu txathu da zumba kala kupinduka.

Matewu 5:18

Nguko kha ditshuri na mi gela ku khani: Ku na za ku txi pinda nzuma ni mafu, na txima ku sa pfhutwa ni m'bhalo wawumwewo hambi ni txisesana txidotho txa Mlayo kala totshe ti txi tatiseka!

Masalmo 119:89

Dipswi dako di tsani nzumani awe Mkoma, kala kupinduka.

1 Johani 1:1

Hi bhala ta wule i ku Dipswi da wutomi, awu i ngadi ene kukhukhela makhatoni; awu hi nga mu engisa, awu hi nga ti mu wona ngu maso athu, awu hi nga mu wonisisa, awu hi nga m'gwesa ngu manza athu.

2 Pedro 1:19

Se kambe, hi ngadi ni dipswi do tsana ngutu da vaprofeti, adi mi mahako ta tinene ngu ku di engisa, nga liwoningo li phatimako ha wukhaloni ka txidema, kala mbimo yi ditambo di nota woninga ni nyezi yi yi nota humelela timbiluni kwanu.

Masalmo 102:12

Aniko awe, Mkoma, u mfumeli yotshe mbimo; ditina dako di na alakanywa ka liveleko ni liveleko!

Luka 16:17

“Ta hehuka ti ta ku nzuma ni mafu si mwalala, kupinda kuwa hahatshi hambi txisesana tximwetxo txa Mlayo.”

Vaefesu 2:17

Ene a tete ku ta huwelela mhaka ya kudikha kwanu mi nga ti kule ni ka vale va nga ti hafuhi.

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Johani 1:1

Kukhatani ku ti ni Dipswi; Dipswi di ti ni Txizimu, Dipswi i ti Txizimu.

Masalmo 102:26

Sotshe si na pinda, aniko awe u na simama u tsana. Sotshe ha mafuni sa sakala kufana ni nguwo; sotshe u na si txhipisa kufana ni syambalo, se si na mwalala!

1 Johani 1:3

ati hi nga ti wona ni ku tiengisa, ngu toneto hi mi zivisako tona nanu, kasi ku nanu mi maha vamwevo ni nathu. Se wumwewo wathu wu hi tshanganisa ni Tate ni Mwanana wakwe Jesu Kristu.

1 Pedro 2:2

nga vanana va tikereke, navelani masi a Moya kasi ku ona ma na sikota ku mi ninga kukula, mi ya kuhanyiswani,

1 Pedro 1:23

nguko kha ma velekelwa ka mbewu yi yi sinako, aniko mi veleketwe ka mbewu yo mbi sina, ngu dipswi da Txizimu txi txi hanyako, txa yotshe mbimo.

1 Pedro 1:12

Txizimu txi kombisile ka vaprofeti vava ti to i ti si nga so lumba vona, aniko si ti mahelwa anu, simaha siya mi ziviswako konkuwa ngu vale va mi txhumayelako Evhangeli ngu mtamo wa Moya wo Sawuleka, wu wu nga rumelwa ngu nzumani, i ku sikombiso si tingelozi tipune ti navelako ku si wona.

Titosi 1:3

atxiya kambe, ka timbimo tiya txi nga ti sikela, txi nga kombisa dipswi da txona, ka mahungu awa ni nga leletwa, madingano ni kuruma ka Txizimu Muhanyisi wathu,

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

1 Vakorinto 2:2

Ni pimisile ti to kha txi nga ho tximwani ni txi zivako hagari kwanu, hahanze ka Jesu Kristu, awu a nga gogotelwa ha txihambanoni.

Isaya 40:6

Dipswi di kha dona: “Kwangula.” Se wokari a nje khene: Na kwangula ni txi khani txani kani? Yotshe nyama yi fana ni mwasi, ni kotshe kutshura ka yona kufana ni siluva sa txitinga.

Vahebheru 6:5

ava va nga danza kutshamba ka dipswi da Txizimu, ni mitamo ya timbimo ti titako,

Mtuletelo 14:6

Ni to wona yimwani ngelozi yi nga ti puruma hagari ka mpfhuka, yi di ni Evhangeli yo mbi na makhato ni magwito, kasiku yi huwelela ka vaaki va ha mafuni, ni yotshe mifumo, totshe tixaka, totshe tidimi ni votshe vathu.