1 Pedro 1:18 - Bhiblia Yo Sawuleka

¹⁸ Ma tiziva ti to mi tirutwe ka mahanyelo o mbi vhuna txilo, aawa mi nga ma mana ka vatate vanu; mi tirutwe na i si nga ngu simaha si si sinako, kufana ni silivhela mwendo nzalama;

1 Pedro 1:18 Referans Kwoze

1 Vakorinto 6:20

Nguko mi xavilwe ngu txuma txa hombe; dhumisani Txizimu koko mmidini kwanu, ni moyani kwanu, asi si lumbako Txizimu.

1 Vakorinto 7:23

Mi xavilwe ngu txa lisima la hombe, mi nga ti maheni tikhumbi ta vathu.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Vagalatiya 1:4

awu a nga ti ningela ngu mhaka ya sionho sathu, kufela ku hi hulukisa ka nyango yiya yo biha, ya masiku awa, madingano ni kuranda ka txona Txizimu Tate wathu.

Vaefesu 4:17

Ndiye mhaka yi ni mi gelako, na ni txi yi tsanisa ngu ditina da Mkoma: Mi nga tshumeleni kambe mi hanya nga vamatiko, avava va londetelako mipimiso yawe yo biha.

Varoma 1:21

Nguko, hambi va di txi zivile Txizimu, kha va txi dhumisa kota nga Txizimu; hambi ni ku txi bonga kha va txi bonga; kambe va to pengiswa ve yiswa ka ta walo ngu mialakanyo yawe; se timbilu tawe ti pwata wutxhari, ti zumba mtemani.

1 Pedro 4:3

Se ti dingani ati mi nga ti hanyisa tona kale, to tsakelwa ngu vamatiko, ta kuhanya ngu wugelegele, ni kunavela ko biha, ni wudevi, ni makolo, ni masuke, ni kukhozela sa mafu.

1 Pedro 1:7

kufela ku lisima la likholo lanu, i ku tximaha txa lisima kupinda nzalama, yi yi nyivilikiswako ngu mndilo, li mana wudhumo ni kupfaliswa, mbimo yi a nota Jesu Kristu, a txi ta ti wonekisa;

Amosi 2:4

Mkoma a womba tiya: Ngu kuhambunyeta kuraru ka Judha ni ka wumune, kha ni na mbi thavisa txitsayiso, nguko va lambile Mlayo wa Mkoma, kambe kha va xayisa sileleto sangu, va ti lekile kukhata, ve xengwa ngu makuhu awe, aawa va nga tsimbila ngu ka wona vatate vawe.

Masalmo 62:10

Mi nga thembeni wukhinyavezi, mwendo ku ti kanganyisa ngu sile i ku sa walo. Ngako mi txi wona tithomba tanu ti txi tala, mi nga vekeni timbilu tanu ka tona.

Masalmo 39:6

Ene wa pinda kufana ni mtsudi! Kha ti vhuni txilo kusengeletela tithomba, na asi ti zivi ti to ti na sala ni mani.

Ezekhiyele 20:18

Aniko ani ni ti khani ka vanana vawe amu txiwulani: Mi nga tsimbileni ngu sileleto sa vatate vanu, kambe mi nga xayiseni milayo yawe, hambi kutinyenyezisa ngu sithombe sawe.

Jeremiya 44:17

hi na londisa kotshe kuwomba ku ku nga huma ngu txisofuni kwathu, hi txi hisela dibaselo txizimu txa txisikati txi dhanwako ku Mfumeli wa Nzumani, ni ku txi luva.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Jeremiya 9:14

Kambe, va tsimbite ngu kuranda ka timbilu tawe, ni kulondeta va ka Bhahali, ku nga ti va nga gondiswa ngu vatate vawe.

Jeremiya 4:11

Ka yoneyo mbimo ku na gelwa vathu vava ni Jerusalema, ku kha vona: Diphuho do hisa da mimango ya txiwulani di rendekete vathu vangu, na i si nga kuhehela ni kutsetseta.

1 Vakorinto 3:20

Ka wumwani wukhalo kambe va kha vona: “Mkoma wa tiziva ti to mialakanyo ya vathu hi nga ya kunyawula.”

Isaya 44:22

Na hangalasa sihambunyeto sako kufana ni hunguva, ni sionho sako kufana ni direfu; tshumelela kwangu nguko ni ku tirute.

Isaya 52:3

Nguko Mkoma a to khene ka vathu vakwe: Kha ma xaviswa ngu txilo; kambe mi na tirulwa, na i si nga ngu male.

Vahebheru 9:12

Ene a wulete kumweko dwe ka wukhalo wo Sawuleka ngutu. Ene kha phaxa ngu mnoha wa tiphongo mwendo wa tihomu, aniko a phaxile ngu mnoha wakwe wupune, a txi hi ninga kuhanya ko mbi guma.

1 Johani 3:5

Aniko anu ma tiziva ti to ene a ti wonekisile kasi ku ta thavisa sionho; kambe kwakwe kuwalo txionho.

Mitengo 7:15

dirole da matune, ni txinvutana tximwetxo txa matune, txa dilembe dimwedo ni hamba, kasi kumaha mningelo wo hiswa;

Marku 8:37

Se m'thu a na humisa txani kasi kutekisa moya wakwe kani?