1 Pedro 1:14 - Bhiblia Yo Sawuleka

¹⁴ Ngako mi ku vanana vo engisa, mi nga londeteni minavelo yi mi nga ti nayo, mbimo yi mi nga sinzi kuziva txilo.

1 Pedro 1:14 Referans Kwoze

Varoma 12:2

Mi nga xengetelweni ngu sa ditiko diya, aniko phindukani amu ka mapimo anu, kasiku mi ziva kuranda ka Txizimu: Ati i ku ta tinene, a ti ti mtsakisako, ni ti i ku ta kuhetiseka.

Vaefesu 2:2

asiya kale mi nga txi hanyela ka sona, mbimo yi mi nga txi londetela minavelo ya ha mafuni hawa, madingano ni kuranda ka mkoma wu a fumako ka mpfhuka wu wu ku txitimwi ka mafu, i ku moya wu, ni konkuwa, wu thumako hagari ka sindaka-milayo.

1 Vatesalonika 4:5

I si nga kulondetela minavelo yo hisa, nga vamatiko va va si ziviko Txizimu.

Varoma 6:4

Ngu toneto, ngu kubhabhatiswa hi keletwe kumweko nayo kufani, kasiku, kota nga ti Kristu a nga wuka ka vakufa ngu mtamo wa wudhumo wa Tate, nanathu hi fanela kuhanya wutomi wa wuphya.

Mithumo 17:30

Hambi keto. Txizimu txi lekile kupimisa ngu ta mbimo ya kupwata kuziva yi nga pinda, se konkuwa txi zivisa votshe vathu va otshe matiko tito, va na hunduluke.

Vaefesu 5:6

M'thu a nga thuke e mi kanganyisa ngu mapswi o mbi vhuna txilo, nguko simaha siya si dhana kuhenya ka Txizimu.

1 Pedro 1:2

i ku va va nga sawulwa madingano ni makungo a kale a Txizimu Tate, ve sawulekiswa ngu Moya, kasi kuve engisa Jesu Kristu ni kuamukelwa ngu mnoha wakwe: Kateko ni kuthutha si nave ni nanu ngu wungi wa sona.

Dhewuteronome 27:10

Ngu mhaka yeto, u na engisa dipswi da Mkoma, Txizimu txako, u txi xayisa sirumo sakwe ni milayo yakwe, ayile ni nga kuleleta nyamsi.”