1 Pedro 1:13 - Bhiblia Yo Sawuleka

¹³ Ngu toneto, sungani mitxalatxala siwununi kwanu, mi zumba mi txi wonelela. Vekani likholo lanu ka kateko yi mi nga ningwa, kuwonekeliswani ka Mkoma wathu, Jesu Kristu.

1 Pedro 1:13 Referans Kwoze

1 Pedro 5:8

Ti pimelani, mi txi ti wonela; nguko Sathani, mlala wanu, wa mi horolokela nga ngonyamo yi yi bhongako, yi txi lava wo m'kakatxula.

Luka 12:35

“Sungani mitshunga siwununi kwanu, mi lumeka malambu anu.

1 Pedro 4:7

Se magwito a sotshe somaha ma hafuhi. Ngu toneto, zumbani mi di ni mapimo amanene, mi txi ti wonela mi khongela.

1 Pedro 3:15

Dhumisani Mkoma Kristu timbiluni kwanu; mi zumba kambe mi di longile nzila ya kutiangulela, ngu kuthutha ni txithavo, ka wuhi ni wuhi a no lava kuziva mhaka ya themba yanu.

Vahebheru 9:28

ngu toneto, Kristu a ti ningete kumweko basi, kufela kufuvisa sionho sa vathu vavangi. A na woneka da wumbidi, i si nga ngu mhaka ya txionho, aniko ngu mhaka ya ku ta hanyisa avale va m'verelako.

1 Johani 3:3

Wuhi ni wuhi a ku ni txithembo txiya ni nene, wa ti sawulekisa apune, nga ti nene Jesu i ku wo sawuleka.

2 Timoti 4:8

Konkuwa ni lulamisetwe m'bhoti wo lulama, awu ni nota ningwa ngu Mkoma, mlamuli wo lulama, ka ditshiku da hombe, i si nga ani nokha, aniko ni ka votshe vale va no va va di rinzete ngu lirando kuhumelela kwakwe.

Vaefesu 6:14

Emekani ngu kutsana. Sungani siwunu ngu ditshuri, di txi maha libhande lanu. Ambalani kululama ku txi maha txivhikelo txa khana yanu.

1 Vakorinto 1:7

se ti di mahile eto, kha mi pwatekelwi ngu kateko ni ya yimweyo, anu mi verelako kuta ka Mkoma Wathu Jesu Kristu;

Luka 17:30

Ti na vanga toneto, ditshiku di Mwanana wa M'thu a no humelela ngu dona.”

Vahebheru 10:35

Ngu toneto, mi nga karaleni, nguko kutimisela ku fanetwe ngu hakhelo ya hombe.

Vahebheru 6:19

Txithembiso txiya, kwathu, txi fanana ni hangi ya moya, ayi i ku ya kutsana ni kuthembeka, ayi yi dolako nguwo ya txitshingelelo ya dithepele yi txi wulela mndani ka txiluvelo txa Txizimu.

Vahebheru 3:6

Aniko Kristu, a thembekile kota Mwanana, nyumbani ka txona Txizimu. Se Nyumba ya Txizimu ngu ngathu, ngako hi txi vekisa kutsana ko hetiseka ni kuthemba ko tsakisa.

2 Timoti 4:5

Aniko, awe, zumba u di tsani yotshe mbimo, timisela amu ka sixaniso, ti ningetele ka mthumo wa Evhangeli, hetisa mthumo wako.

1 Vakorinto 13:13

Konkuwa, likholo ni txithembo ni lirando nzimaha so tsana ngu wuraru wa sona, aniko txa hombe ka sona ngu lirando.

Varoma 13:13

Nga tiya i ku mitshikari, he tsimbileni ngu fanelo, hi hambana ni limito mwendo wudevi, ni wugango mwendo wugelegele, ni livengo mwendo dibava.

Jobe 40:7

Tsanisa txiwunu txako, u ku wamwamna; ani ni na ku wotisa awe, se awe u na ni xamula.

2 Vatesalonika 1:7

Kasiku anu mi xaniswako, mi txi ningwa kuhumula ni nathu ditshiku di Mkoma Jesu a nota woneka, a txi ta ngu nzumani kumweko ni tingelozi ta mtamo wakwe,

Jeremiya 1:17

Awe koko, tisunge txiwunu txako, u ema, u va gela totshe ti ni no kuruma tona. Masoni kwawe u nga dhuke u thava, nguko ni nga kumaha u dhudhumela masoni kwawe.

Isaya 11:5

Se kululama ku nava libhandi la txiwunu txakwe, se ditshuri di na va libhandi la tithso takwe.

1 Vafumeli 18:46

Se dianza da Mkoma di ti txitimwi ka Elija, awu a nga sunga txiwunu, eta ngu kututuma masoni ka Akabe, kala ha diphangoni ka Jezireyeli.

Eksodha 12:11

Ngu toneto, mi no dyisa tona: Mi di sungile siwunu sanu, mi di ambate tikathula mikondoni kwanu, mi di ñote mitxheketelo manzani; kambe mi na dya ngu txikuluveta; nguko i Pasika ya Mkoma.

Jobe 38:3

Konkuwa, tsanisa txiwunu txako, u ku wamwamna; ni na ku wotisa, se awe u na ni xamula.

2 Vafumeli 4:29

Se Elixa a to khene ka Gehazi: Tsanisa txiwunu txako, teka mtxheketelo wangu ngu dianza dako, u tsula; u txi mana m'thu wokari u nga mlose; ni kungako wokari a txi kulosa, u nga mxamule; sanzeka mtxheketelo wangu ka khohe ya mfana.

Luka 17:8

Ina kha thangi ngu ku txi gela ku khene: ‘Ni lulamisele so lalela ngu sona, ambala txipani txa mthumo, u ta ni thumela mbimo yi ani ni dyako ni sela; ngu msana u na dya u txi sela nawe ngu txikhati txako kani?’

Varoma 8:19

Kha ditshuri, sotshe si si nga vangwa sa rinzela ni kunavela ti to Txizimu txi txi wonekisa vanana va txona ha kubasani.

Vakolosa 3:4

Se Kristu, Ene i ku wutomi wanu, mbimo yi a nota ti wonekisa, na nanu mi nata humelela kumweko nayo kuwonekelani ka kupfaliswa.

1 Pedro 1:10

kuhanyiswa kuwa ku wonisisilwe ni kupimisiswa ngu vaprofeti va va nga womba timhaka ta kateko yi mi nga sikelwa yona.

1 Pedro 5:12

Ni mi bhalela ngu kukomisa, ngu txyanza txa Silivhano, awu, ngu mawonelo angu, i ku mwanathu wo thembeka, kasi ku ni txi mi laya, ni tsanisa masoni kwanu ti to ayiya ngu yona kateko ya ditshuri ya Txizimu, ayi mi nga tsana ka yona.

Matewu 20:4

Se a to khene kwawe: ‘Tsulani na nanu thembweni kwangu ka mivhinya, ni na mi ninga muholo wu wu fanelako. Nivona va to tsula’