1 Pedro 1:1 - Bhiblia Yo Sawuleka

¹ Ani Pedro, mpostoli wa Jesu Kristu, ka valuveli va va nga hangalaka matikoni ka Ponto, ni Galatiya, ni Kapadhokiya, ni Aziya ni Bhitiniya;

1 Pedro 1:1 Referans Kwoze

Jakobe 1:1

Ani Jakobe, txithumi txa Txizimu ni txa Mkoma Jesu Kristu, ka tihunzu ta digumi ni timbidi ti nga hangalaka ni otshe matiko, ni mi navelela wutomi.

Vahebheru 11:13

Votshe vathu vava va fete kukholwani, na va sinzi kumana si va nga ti thembisilwe sona. Vona va to si wona ni ku si tsakela ngu kule dwe, va txi ti tshanza ti to vona mbawuyi ni vaendi ha mafuni.

Vaefesu 2:19

Ngu toneto, anu kha mi nga ngadi vamatiko mwendo vawuyi, aniko mi vamwevo ni vasawuleki va mwaya wa Txizimu,

Masalmo 44:11

U hi ningete kufana ni tinvuta to yela kuya dawa; u hi hangalasile hagari ka vathu va mamwani matiko.

Mithumo 8:4

Se avava va nga ti hangalakile va ti tsimbila ve nuwela dipswi da mahungu amanene.

Johani 11:52

Na i si nga kufela ditiko donari, aniko kumweko ni kusengeleta mpatanoni vanana va Txizimu, va nga hangalaka.

Matewu 24:22

Se idiku ma sa komiswa masiku ale, kuwalo ni txivangwa tximwetxo txi ndino sikota kuhuluka. Aniko, ngu mhaka ya vasawuleki, masiku ale ma na komiswa.”

1 Pedro 2:11

Na mi kombela, vo randeka ngutu, nga vaendi ni valuveli ditikoni muwa, mi leka kutiningetetela ka minavelo ya mmidi, ayi yilwako ni moya yotshe mbimo.

Esteri 3:8

Se Hamani a to khene ka mfumeli Asuwero: Ku ni vathu va nga hangalaka, ve abanela ngu matiko otshe a hombe, a mfumo wako, vathu vava milayo yawe yi hambanako ni milayo ya votshe vathu, va si londetiko milayo ya mfumeli; ngu kumaha keto, kha ti vhuni txilo ku mfumeli e va leka ve zumba.

Dhewuteronome 28:64

Se Mkoma a na mi hangalasa hagari ka matiko otshe, kukhukhela magwito ka mafu kala kumwani magwito ka mafu, se koneyo u na ya khozela simwani sizimu, asile awe ni vatate vako mi nga mbi si ziva, so mahwa ngu mapulango ni marigwi.

Dhewuteronome 4:27

Mkoma a na mi hangalasa hagari ka vamatiko, se mi na sala mi di va mtengo wa wudotho, hagari ka mifumo yiya, Mkoma a no va a txi mi yisa ka yona.

2 Pedro 1:1

Ani Simoni Pedro, txithumi ni mpostoli wa Jesu Kristu, ni bhalela vale va nga amukela likholo la lisima kufana ni lathu, ngu kululama ka Txizimu, ni Muhanyisi wathu Jesu Kristu.

Vaefesu 2:12

alakanyani tito, ka yile mbimo, mi ti si lumbi Kristu, mi ti si nga ni fanelo ya kubalwa kumweko ni va ka Israyeli, mi ti maneka mi di vamatiko ka situmelelano ni sithembiso sa Txizimu ha mafuni.

2 Vakorinto 1:8

Vanathu, kha hi ti lavi ku mi sisela kuxaniseka ku ku nga hi mana hi di Asiya. Koneyo, hi xanisilwe, ngu mpimo wa hombe ngutu kupinda mtamo wathu, ahawa hi nga ti si thembi ti to hi nga hanya.

Mithumo 18:2

Koneyo a ti ya mana Mujudha wokari, a nga ti dhanwa ku i Akila wa kuvelekelwa Ponto, na a di ngadi kubwaka ngu Italiya, kumweko ni Prisila, msikati wakwe; nguko Klawudhiyo a ti vekile mthetho wa ku votshe Vajudha va na khukhe Roma. Se Paulo a to ya kwawe.

Ezekhiyele 6:8

Hambi keto ni na leka vokari ve huluka ditxhari hagari ka matiko, mbimo yile mi no hangalaswa ka matiko.

Mtuletelo 1:11

“Ati u ti wonako, ti bhale amu ka dibhuku, u txi ti rumela ka mabanza a mtxhanu ni mambidi: Efesu, Esmirna, Pergamo, Tiyatira, Sardhisi; Filadhelfiya ni Laodhikheya.”

2 Timoti 1:15

Wa tiziva ti to votshe va ku Aziya va ni lekile, hagari kwawe kumaneka Figelusi ni Hermogenesi.

Vagalatiya 1:2

kumweko ni vanathu ava ni ku navo, ni bhalela mabanza a Galatiya.

1 Vakorinto 16:19

Ma mi dingula otshe mabanza a Asiya. Akilasi ni Prisila kumweko ni msengeletano wu wu tshanganelako nyumbani kwakwe, va mi dingula ngutu.

Mithumo 19:10

Timhaka tiya ti tsimbitisile tonatiya kala kuguma malembe mambidi; ahawa va nga za ve kholwa votshe vathu va Aziya, Vajudha ni Vagriki, ngu kupfa dipswi da Mkoma.

Mithumo 18:23

Ngako a di zumbile mbimoanyana koneho, a to khukha kambe e horolokela matiko a Galatiya ni Frigiya na a txi tsanisa votshe vagondiswa.

Mithumo 6:9

Kambe vamwani va kuta ngu ka disinagoga di di dhanwako ku nda Vathuseki, ni vamwani va Kirene ni va Alexandriya kumweko ni vamwani va Kilikiya ni va Aziya, va to ema ve kanetisana ni Sitefani.

Johani 7:35

Ngu kota yeto, Vajudha va to khata kuwotisana, va txi kha vona: “O lava kuya hani, aku hi no tandeka ku mmana kani? O lava kuya ka va va nga hangalaka hagari ka Vagriki. O lava kuya gondisa Vagriki kani?

Matewu 10:2

Matina a Vapostoli va digumi ni vambidi ngu awa: Wo khata i Simoni, a dhanwako ku i Pedro, ni Andreya, mwanawe; Jakobe, mwanana wa Zebhedhewu, ni Johani, mwanawe;

Matewu 4:18

Na a txi tsimbila ngu mabambe ka Linene la Galileya, a to wona vathu vambidi va mkoma ni mnanda, Simoni, a dhanwako ku i Pedro, ni Andreya mnanda wakwe, va nga ti beta tikoka lineneni, nguko i ti vakukuti va sihaka.

Levhi 26:33

Ni na mi hangalasa amu matikoni, ni txi mi fuvisa ngu matxhari, ditiko danu di na maha txiwula, madhoropa anu ma na maha marumbi.

Dhewuteronome 32:26

Ni ti khani: “Ni na va hangalasa, va si swi va txi alakanywa hagari ka mafu!”

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?