1 Makronika 9:31 - Bhiblia Yo Sawuleka

³¹ Hagari ka Valevhi, Matitiya, matiwula a Salumi, mkorayi, a ti ti thangela mthumo wa kuyoka.

1 Makronika 9:31 Referans Kwoze

1 Makronika 9:19

Se Salumi, mwana Kore, mwana Ebhiyasafi, mwana Kora, ni vanawe va nyumba ya tate wawe, va ka Kora, va ti ti ni mthumo wo sawuleka, kambe i ti vawoneleli va txike txa ditenda; kambe vatate vawe i ti vathangeli va yimbi ya wugovelo wa Mkoma, ni vawoneleli va txike.

1 Makronika 9:22

Votshe vava, va to sawulwa kasi kuva vawoneleli va sike, votshe i ti 212; se ngu vona vava va nga vekwa ngu tiveleko tawe, madingano ni sidhoropana sa kona, kambe Dhavhidha, ni Samuwele, m'huti, va to va veka ka mithumo yawe.

1 Makronika 9:26

Nguko ka mthumo wule, ku ti ti ni mune wa vawoneleli vahombe va sike, i nga ti Valevhi, va nga ti ni mthumo wo xayisa tiyumba ni tithomba ta Nyumbani ka Txizimu.

1 Makronika 9:17

Vawoneleli va sike ngu vava: Salumi, ni Akubhe, ni Talimoni, ni Ayimani ni vanawe, se mthangeli wawe i ti Salumi.

Levhi 6:21

Si na kanyangelwa ni mtona; amu ka dipani; se sitxuwu so bhikwa sa mningelo, u na maha ngu sona miningelo wo bhumula ka Mkoma.

Levhi 2:7

Kambe ngako mningelo wako i ti mningelo wa sakudya sa dibhotani, si fanete ku va i di sa mpupu wa wunene, ni mtona.

Levhi 2:5

Se ngako u txi lava kumaha mningelo ngu sakudya, so katingwa mu ka dipani, maha mhamba ngu mpupu wa wunene ngutu, awu wu nga vhuvwa ni mtona, wu si nga ni mtshumbelo.

Genesisi 19:3

Loti a to ti khongotela ngutu tiza ti txi tumela kuwulela nyumbani kwakwe. A to ti lulamisela sakudya, e bhika mapawu o mbi na mtshumbelo, se tona ti dya.

1 Makronika 23:29

i ku wuwa: Kuxayisa mapawu a miphaxo, ni mpupu wo tshura, ni mningelo wa sakudya, ni tximbwanda txa kwa mbi tshumbelwa, ni so katingwa, ni so yokwa, ni yotshe mipimo yo pima kutala ni wuhombe;

Levhi 6:14

Mlayo wa mningelo wa sakudya ngu wuwa: Wu na ningelwa ngu mmweyo wa vanana va Aroni ka Mkoma, masoni ka txiluvelo.