1 Makronika 9:20 - Bhiblia Yo Sawuleka

²⁰ Se Finiyasi, mwana Eleyazari, i ti ti mthangeli hagari kwawe, wule Mkoma a nga ti ni nene.

1 Makronika 9:20 Referans Kwoze

1 Samuwele 16:18

Sekoko mmweyo ka majaha a to xamula a txi khene: Wona taku na tolovela kuwona mmweyo ka vanana va Jese, wa Bhetlehema, a zivako kuveta, kambe i ndena, wo tshambisela, m'thu wo ziva kulwa, wa mapswi o pfala, wa txiemo txa txinene; Mkoma a ni nene.

Mitengo 31:6

Se Mosi a to va rumela yimbini 1.000 wa vona, ngu ka lihunzu limwelo ni limwani, ve tsula ni Finiyasi, mwana Eleyazari, mphaxeli, yimbini, ni siya so sawuleka, ni mipundu yo txharihisa manzani.

Mitengo 4:33

Ewo wu na va mthumo wa mimwaya ya va ka Merari. Ni wotshe mthumo wawe mu ka ditenda da msengeletano, va na thangelwa ngu Itamari, mwana Aroni, mphaxeli.”

Mitengo 4:28

Ewo wu na va mthumo wa vanana va ka Gerisoni, ka ditenda da msengeletano. Se awu a no va ruma kuxayisa i Itamari, mwana Aroni mphaxeli.”

Mitengo 4:16

Kambe Eleyazari, mwana Aroni, mphaxeli, ngene a no maha mthumo wo xayisa mtona wa malambu, ni dibaselo do bhumula, ni mphaxo wa sakudya, ka otshe masiku ni mtona wo tota, ni wotshe mthumo wo xayisa dithepele, ni sotshe asi si manekako; i ku wukhalo wo sawuleka, ni siya sa kona.”

Mitengo 3:32

Se mthangeli wa vathangeli va ka Levhi, i ti ti Eleyazari, mwana Aroni, mphaxeli. Ene a ti ti ni mthumo wo thangela votshe vale va nga txi xayisa wukhalo wo sawuleka.

1 Makronika 9:19

Se Salumi, mwana Kore, mwana Ebhiyasafi, mwana Kora, ni vanawe va nyumba ya tate wawe, va ka Kora, va ti ti ni mthumo wo sawuleka, kambe i ti vawoneleli va txike txa ditenda; kambe vatate vawe i ti vathangeli va yimbi ya wugovelo wa Mkoma, ni vawoneleli va txike.

Genesisi 39:2

Mkoma a ti ti ni Josefa, ngu mhaka yeto, totshe takwe ti ti tsimbila kha kwati, e zumba a txi thumela nyumbani ka nyamne wakwe wa Muegipta.

Genesisi 39:3

Nyamne wakwe a to khata ku ti wona ti to Mkoma a ti ti kumweko ni Josefa, ni ti to wa mninga mathomo ka totshe ti a ti mahako.

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

Joxuwa 22:13

Vanana va ka Israyeli va to rumela ka vanana va ka Rubheni, ni ka vanana va ka Gadhi, ni ka hafu ya lihunzu la ka Manasi, ditikoni ka Gileyadhi, Finiyasi mphaxeli, mwana Eleyazari,