1 Makronika 9:18 - Bhiblia Yo Sawuleka

¹⁸ Kala ka mbimo yile, va ti woneleta txike txa mfumeli ngu didhawa da wutxani; avava mba woneleli va wugovelo wa vanana va Levhi.

1 Makronika 9:18 Referans Kwoze

Mithumo 3:11

Se ngako m'thu wuwa a nga ti namarela ka Pedro ni Johani, votshe vathu va to xamala, ve tutumela m'hubheni, awu wu dhanwako ku mbwa Solomoni.

2 Vafumeli 11:19

Se a to teka vathangeli va mazana ni vathangeli va yimbi, ni va vawoneleli, ni votshe vathu va ditiko; va to khukha ngu Nyumbani ka Mkoma, na va txi tsimbila ngu nzila ya txike txa vawoneleli, veya nyumbani ka mfumeli, se ene a to khalahatsha txituluni ka vafumeli.

1 Vafumeli 10:5

ni sakudya sa ha mezani kwakwe, ni mazumbelo a sithumi sakwe, mathumelo a vathu vakwe, ni syambalo sawe, ni vatheleli va magombe akwe, ni mu a nga ti kwela ngu kona kuya Nyumbani ka Mkoma, a to pwata ni to womba.

1 Makronika 9:17

Vawoneleli va sike ngu vava: Salumi, ni Akubhe, ni Talimoni, ni Ayimani ni vanawe, se mthangeli wawe i ti Salumi.

1 Makronika 9:19

Se Salumi, mwana Kore, mwana Ebhiyasafi, mwana Kora, ni vanawe va nyumba ya tate wawe, va ka Kora, va ti ti ni mthumo wo sawuleka, kambe i ti vawoneleli va txike txa ditenda; kambe vatate vawe i ti vathangeli va yimbi ya wugovelo wa Mkoma, ni vawoneleli va txike.

Jeremiya 35:4

ni to va tsulisa Nyumbani ka Mkoma, ka wukhalo wa vanana va Hanani, mwana Igdhaliya, i ku m'thu wa Txizimu, awule wu nga ti gwatamile ni wukhalo wa vathangeli, wu ku txitimwi ka wukhalo wa Mahaseya mwana Salumi, muwoneleti wa txike.

Ezekhiyele 44:1

Sekoko a to ni wuyisa ka nzila ya txike txa nyumba yo sawuleka, ngu hahanze, yo rendekela wutxani, txi nga ti sekilwe.

2 Vafumeli 16:18

Se ligumbagumba la Sabbata, va nga ti ti li akile nyumbani, ni txike txa hahanze a nga txi wulela ngu txona mfumeli, Akaziya a to si thavisa Nyumbani ka Mkoma, ngu mhaka ya mfumeli wa Asiriya.