1 Makronika 9:1 - Bhiblia Yo Sawuleka

¹ Se votshe va ka Israyeli va to balwa ngu tiveleko tawe; aniko va bhatwe amu ka dibhuku da vafumeli va ka Israyeli; kambe va ka Judha va to yiswa Bhabhilona, ngu mhaka ya wuhambunyeti wawe.

1 Makronika 9:1 Referans Kwoze

Nehemiya 7:64

Avava, va to lava matina awe, va txi lava kubala liveleko lawe, aniko kha ma maneka; ku nga ova va walo, kha va amukelwa ka vaphaxeli.

Nehemiya 7:5

Sekoko, Txizimu txangu txi to veka mbiluni kwangu, taku ni tshanganisa sikhumukani, ni valamuli, ni vathu, kasi kuveta bhalelwa madingano ni tiveleko tawe. Se ni to mana dibhuku da liveleko la vale va nga khata vona ve wuya, ka dona, ku di bhatwe tiya:

Ezra 2:59

Nivona vava, va to kwelela ngu makhalo a Teli-Mela ni Teli-Harsa, Keribhe, Adhani ni Imeri, hambi keto kha va nga kombisa tinyumba ni tihunzu ta vatate vawe, nguko i di va ka Israyeli.

Dhaniyeli 1:2

Se Mkoma a to ningela Jehoyakimi, mfumeli wa Judha, manzani ka Nebhukodhonosori, e ningela kambe ni siya sokari sa Nyumbani ka Txizimu. Se Nebhukodhonosori a to si teka e tsula naso ditikoni ka Sinari eya si wuletisa nyumbani ka txizimu txakwe, e si veka kumweko nyumbani ka thomba ya txizimu txakwe.

Jeremiya 39:9

Vathu vale va nga sala didhoropani, ni vale va nga sala ditikoni, kumweko ni vapfodoli vale va nga ti ningela, va to yiswa Bhabhilona ngu Nebhuzaradhani, mthangeli wa vawoneleli.

2 Makronika 33:11

Ngu kumaha keto, Mkoma a to va nehela vathangeli va dibutho da yimbi da mfumeli wa Asiriya, avale va nga ñola Manasi hagari ka mipa, ve msungelela ngu titxhini, ve mu tsulisa Bhabhilona.

1 Makronika 8:40

Se vanana va Ulami i ti vavamna va tindena, va mtamo, vafuli va wulaho; va to veleka vanana votala, se vatukulu vawe i ti 150 wa vona; votshe vava i ti vanana va ka Bhenjamini.

1 Vafumeli 14:19

Kasi ngu didhawa da yimwani mithumo ya Jerobhowamu, ati a nga lwisa tona ni ti a nga fumisa tona, totshe ti bhatwe amu ka Dibhuku da Matimu a Vafumeli va Israyeli.

2 Vafumeli 24:14

Nabhukodhonozori a to teka votshe va Jerusalema, kumweko ni votshe vathangeli, ni votshe vavamna va lisima, 10.000 wa tikhumbi, ni votshe vavati ni vanyatisimbi; ku to sala sisiwana dwe ditikoni mule.

2 Vafumeli 24:15

Sekoko, Nabhukodhonozori a to ñola Jowakimu e mtsulisa Bhabhilona, ni mame wa mfumeli, ni vasikati va mfumeli, ni mithenwa yakwe, e teka ni vanyamitamo va ditiko ngu Jerusalema kala Bhabhilona.

2 Vafumeli 24:16

Se votshe vavamna va tindena vo dingana 7.000, vavati ni vanyatisimbi kala 1.000, votshe vale i ku zikhuzu sa yimbini, a to va teka votshe mfumeli wa Bhabhilona kota tikhumbi Bhabhilona.

Ezra 2:1

Avava ngu vona vanana va ditiko da hombe, va nga huma ngu wukhumbini, avale Nabhukodhonozori mfumeli wa Bhabhilona a nga ti ti va yisile Bhabhilona, se va to wuya Jerusalema ni Judha, mmweyo ni mmweyo m'tini kwakwe,

Nehemiya 11:1

Se vathangeli va vathu va to aka Jerusalema, aniko vathu va xaxuva tixolo kasi kusawula mmwewo ka mtxawa wa digumi, wu no ya aka didhoropani ko sawuleka ka Jerusalema, se a va va mtxhanu ni mune va na ya aka ka madhoropa mamwani.

Isaya 3:2

Tindena ni masotxhwa, valamuli ni vaprofeti, muhuti ni didhota;

Jeremiya 13:19

Madhoropa a Wulambwe ma tsivilwe, khangaho a no ma tula; votshe va ka Judha va yisilwe wukhumbini, kha ka sala ni wammweyo.