1 Makronika 7:28 - Bhiblia Yo Sawuleka

²⁸ Se tithomba takwe ni wukhalo wo aka ka wona i ti ti Bheteli, ni makhalo o fumelwa ngu ngene; se ngu wutxani i Naharani; ngu mswa-ditambo i Gezeri, ni makhalo o fumelwa ngu ngene, ni Sikemi ni makhalo o fumelwa ngu ngene, kala Aya ni makhalo o fumelwa ngu ngene;

1 Makronika 7:28 Referans Kwoze

Valamuli 1:22

Se va nyumba ya ka Josefa ni vona, va to kwela va txi ya Bheteli, se Mkoma a ti ti kumweko navo.

Genesisi 28:19

Se wukhalo wuwa a wu rayile ditina daku i Bheteli; kambe ditina da didhoropa dile, kale di ti dhanwa ku i Luzi.

Joxuwa 16:7

se wu txi relela ngu Janowa kala Atarote ni Naharati, wu txi pinda ngu Jeriko, wu txi ya gwitela Jordhani.

Joxuwa 16:5

Muhingano wa ditiko di va nga ningwa va ka Efrayime, madingano ni timwaya tawe, ngu wuwa: Muhingano wa thomba yawe ngu diphambo da wutxani i ti Ataroti-Adhari wu txi tsimbila kala Bheti-Horoni ka txitimwi,

Joxuwa 16:8

Kukhukhela Tapuwa, muhingano wu komba kuya mswa-ditambo, kala ka txinambwana txa Kana, wu txi ya gwitela lineneni. Ayiya i thomba ya lihunzu la vanana va ka Efrayime, madingano ni timwaya tawe.

Joxuwa 16:9

Vanana va ka Efrayime va ti ni madhoropa awe hagari ka thomba ya vanana va ka Manasi; madhoropa awa ma ti ni sidhoropana sa ona.