1 Makronika 6:71 - Bhiblia Yo Sawuleka

⁷¹ Vanana va Gerisoni, ka mwaya wa hafu ya lihunzu la ka Manasi, va ningilwe Golami ni tibala ta kona, kona Bhasani, ni Axitaroti ni tibala ta kona;

1 Makronika 6:71 Referans Kwoze

Joxuwa 21:27

Vanana va ka Gerisoni, ni vona i ku va lixaka la Valevhi, va ningilwe didhoropa da Golani wa Bhasani, da kuhuma ka hafu ya lihunzu la ka Manasi, ni wudyiselo wa kona, kasi kumaha didhoropa da wuthavelo ka vale va dayako m'thu, ni Bhexetira ni wudyiselo wa kona: Madhoropa mambidi.

Joxuwa 20:8

Se ngu mtxhatuko ka Jordhani ngu wutxani ka Jeriko, va to sawula didhoropa da Bhezeri, txiwulani, libalani ka lihunzu la ka Rubheni, ni didhoropa da Ramoti da Gileyadhi, ka lihunzu la ka Gadhi, ni da Golani wa Bhasani, da lihunzu la ka Manasi.

Joxuwa 9:10

ni totshe ti a nga maha ka vafumeli vambidi va Vaamori, va nga ti mtxhatuko ka Jordhani, ka Seyoni, mfumeli wa Hesibhoni, ni ka Oge, mfumeli wa Bhasani, a nga ti akile Axitaroti.

Dhewuteronome 4:43

I ku Bhezeri, libalani ka txiwula, i ti da va ka Rubheni; Romoti wa Gileyadhi, i ti da va ka Gadhi; ni Golani wa Bhasani, i nga ti da va ka Manasi.

Dhewuteronome 1:4

atiya ti mahekile msana ka kuva a di xute Sihoni, mfumeli wa Vaamori, avale va nga ti akile Hesibhoni, ni Oge, mfumeli wa Bhasani, a nga ti akile Axitaroti, ni Edreyi.

Joxuwa 13:31

Hafu ya Gileyadhi, ni Asterote, ni Edreyi, madhoropa a mfumo Oge wa Bhasani, ma ningetwe ka vanana va ka Makira, mwana Manasi, a ti ti wombwako ku ma ningetwe ka hafu ya vanana va ka Makira, madingano ni timwaya tawe.

1 Makronika 6:70

se ka hafu ya lihunzu la ka Manasi, Aneri ni tibala ta kona, ni Bhileyami, ni tibala ta kona; madhoropa awa ma ningetwe ka vale va nga sala ka mwaya wa vanana va Kohati.

1 Makronika 6:72

se ka lihunzu la ka Isakari, Kedhesi ni tibala ta kona, Dhabherati ni tibala ta kona,

Joxuwa 21:6

Vanana va ka Gerisoni va mani dikato da txyavelo txa madhoropa a digumi ni mararu a kuhuma amu ka lihunzu la ka Isakari, ni la ka Aseri, ni la ka Naftali ni ka hafu ya lihunzu la Manasi, kona Bhasani.