1 Makronika 6:53 - Bhiblia Yo Sawuleka

⁵³ mwana Ayithube i Zadhoki, mwana Zadhoki i Ayimahasi.

1 Makronika 6:53 Referans Kwoze

2 Samuwele 8:17

Se Zadhoki, mwana Ayitubhe, ni Ayimeleki, mwana Abhiyatari, i ti ti vaphaxeli, se Seraya i ti ti mabhalani.

Ezekhiyele 44:15

Aniko vaphaxeli vale va ka Levhi, i ku vanana va Zadhoki, vale va nga xayisa txileleto txa nyumba yangu yo sawuleka, mbimo yile vanana va ka Israyeli va nga hambuka kwangu, Valevhi va tshuketile kwangu, ku ta ni thumela, va na va masoni kwangu, ku ta ni ninga mafura ni mnoha, kuwomba Mkoma Txizimu.

1 Makronika 24:31

Se mthangeli wa nyumba ya vatate vawe kumeko ni mnanda wakwe, va to xaxuva tixolo kufana ni vanawe, vanana va Aroni, masoni ka Dhavhidha, ni Zadhoki, ni Ayimeleki, ni vathangeli va vatate, hagari ka vaphaxeli ni hagari ka Valevhi.

1 Makronika 24:3

Dhavhidha kumweko ni Zadhoki, wa vanana va Eleyazari, ni Ayimeleki wa vanana va Itamari, va to abanisela mithumo ka vaphaxeli madingano ni wuthangeli wawe.

1 Makronika 23:16

Mwanana wa Gerisoni i Sebhuweli, mthangeli.

1 Makronika 12:28

Zadhoki, i di ngadi mfana, i ti wamwamna wa mtamo, ka mwaya wa tate wakwe, a to tisa magumi mambidi a vathangeli ni vambidi.

1 Makronika 6:8

Ayitubhe a to veleka Zadhoki, Zadhoki a to veleka Ayimahasi;

1 Vafumeli 4:4

Bhenaya, mwanana wa Joyadha, mthangeli wa yimbi; Zadhoki ni Abhiyatari i ti ti vaphaxeli.

1 Vafumeli 2:35

Se mfumeli a to veka Bhenaya, mwana Joyadha, ka wukhalo wule wo thangela tiyimbi, se Zadhoki, mphaxeli, a to vekwa wukhaloni ka Abhiyatari.

1 Vafumeli 1:34

Se Zadhoki, mphaxeli, ni Nathani, mprofeti, va to mtota kuva mfumeli wa Israyeli; mi na veta mpundu mi nje khanu: “Hanya mfumeli Solomoni!”

1 Vafumeli 1:26

Kasi ngu kwangu, kota txithumi txako, ni ka Zadhoki mphaxeli, ni ka Bhenaya, mwana Joyadha, ni ka Solomoni, txithumi txako, kha hi ramba.

1 Vafumeli 1:8

Se Zadhoki, mphaxeli, ni Bhenaya, mwana Joyadha, ni Nathani, mprofeti, ni Simeyi, ni Reyi, ni tindena ti a nga ti nato Dhavhidha, va ti si nga kumweko ni Adhoniya.

2 Samuwele 20:25

Sevha i ti ti mabhalani, Zadhoki ni Abhiyatari i ti ti vaphaxeli;

1 Samuwele 2:35

Se ani ni na ti emisela mphaxeli wo thembeka, awu a no maha madingano ni kulava ka mbilu yangu ni muhefemulo wangu, kambe ani ni na muakela nyumba yo tsana, aniko a na tsimbila masoni ka msawuleki wangu kala kupinduka.

1 Makronika 6:52

mwana Seraya i Merayoti, mwana Merayoti i Amariya, mwana Amariya i Ayitubhe,

1 Makronika 6:54

Se atiya ngu tona tinyumba tawe, madingano ni makhalo awe, ni mihingano ya kona: Vanana va Aroni, va mwaya va ka Kohati, nguko xolo ni wite kwawe,