1 Makronika 6:49 - Bhiblia Yo Sawuleka

⁴⁹ Se Aroni ni vanana vakwe, va ti ti hisa mafura o bhumula txitimwi ka txiluvelo txa miningelo ya kuhiswa, ni txitimwi ka txiluvelo txa dibaselo, ka wotshe mthumo wa wukhalo wo Sawuleka ngutu, kasi ku basisa va ka Israyeli, madingano ni totshe ti Mosi, txithumi txa Txizimu, a nga ti leletete.

1 Makronika 6:49 Referans Kwoze

Levhi 4:20

se ka didhuna diya, a na maha nga ti va nga mahisa txona ka didhuna da kudihela txionho. Mphaxeli a na maha mhamba yo divalela txionho, se va ka Israyeli va na divalelwa.

Jobe 33:24

sekoko yi na tsetsa m'thu, yi txi kha yona ka Txizimu: Mtxhatxhe, a nga relele diphalani; se ni mani txo mtekisa ngu txona.

Eksodha 29:33

se va na dya silo si si nga mahwa sa mningelo wo dihela sionho sawe, mbimo yile va nga ningelisiswa ni kusawulekiswa. Ni wammweyo m'thu wa hahanze kha na mbi dya, nguko nza kudya so katekiswa.

Joxuwa 1:1

Se ku to maheka to msana ka kufa ka Mosi, txithumi txa Mkoma, Mkoma a wombile ka Joxuwa, mwana Nune, txithumi txa Mosi, a txi khene:

Dhewuteronome 34:5

Se Mosi, txithumi txa Mkoma, a to fa koneyo, ditikoni ka Mowabhi, nga kuwomba ka Mkoma.

Mitengo 16:16

Mosi a to khene kambe ka Kora: Ngonani mangwana masoni ka Mkoma, awe ni wotshe msengeletano wako; Aroni a nata.

Mitengo 15:25

Se mphaxeli a na maha mphaxo wa m'diho wa txionho, kasi kubasisa msengeletano wotshe wa vanana va ka Israyeli, kasi kudivalelwa, nguko kuonha ka kona kumahilwe ngu phazamo, se vona va henile mningelo wawe i ku mphaxo wu hiselwako Mkoma, ni mphaxo wawe masoni ka Mkoma, ngu mhaka ya sionho sawe, asi va nga si maha ngu phazamo yawe.

Levhi 1:5

Ngu msana a na wila mkolo wa dirole masoni ka Mkoma; se vanana va Aroni, i ku vaphaxeli, va na maha mningelo, ngu mnoha awu va no xwayela ngu wona ka otshe madhawa a txiluvelo, txi txi ku ha txikeni ka ditenda da msengeletano.

1 Makronika 6:48

Se vanawe, va ka Levhi va ti vekilwe amu ka mithumo yotshe ya Nyumbani ka Txizimu.