1 Makronika 6:31 - Bhiblia Yo Sawuleka

³¹ Avava koko, ngu vale Dhavhidha a nga va veka, ka mthumo wa wuembeleli Nyumbani ka Mkoma, msana ka kuva dibhokiso di di mani kuhumula.

1 Makronika 6:31 Referans Kwoze

2 Samuwele 6:17

Se va di wuletisile dibhokiso da Mkoma, va to di veka ka wukhalo wa dona, ka ditenda dile Dhavhidha a ngadi longisa; Dhavhidha a to ningela mphaxo wo hiswa, ni mningelo wa kudikha masoni ka Mkoma.

Masalmo 132:14

“A hawa i m'tini kwangu kala kupinduka; ni na zumba kona nguko na kutsakela.

Masalmo 132:8

Wuka Mkoma, nyumbani kwako ko humula, awe ni mtundu wa mtamo wako.

1 Makronika 15:25

Ku to maheka tito, Dhavhidha ni madhota a ka Israyeli, ni vathangeli va magumi a mazana, ve tsula kuya teka dibhokiso da txitumelelano txa Mkoma ngu kutsaka, nyumbani ka Obhedhi-Edhomi.

1 Vafumeli 8:4

Kambe va to yisa txitimwi dibhokiso da Mkoma, kumweko ni ditenda da msengeletano, kumweko ni sotshe siya so sawuleka si nga ti tiho ditendani, ngu vona vaphaxeli ni Valevhi va nga si kwelisa.

1 Makronika 6:30

mwanana wa Uza i Simeya, mwanana wa Simeya i Hagiya, mwanana wa Hagiya i Asaya.

1 Makronika 6:32

Se va ti embelela masoni ka ditenda da msengeletano, kala kuza Solomoni a txi aka Nyumba ya Mkoma kona Jerusalema; va to maha mthumo wawe, madingano ni sihena sawe.

1 Makronika 9:33

Vamwani ka vava i ti vaembeleli, ni vathangeli va tinyumba ta vatate, hagari ka Valevhi, va txi zumba sinyumbanani, va si nga ni mthumo wumwani; nguko wusiku ni mitshikari va ti maneka ka mthumo wonewo.

1 Makronika 15:1

Dhavhidha a to ti akela kambe nyumba Didhoropani ka Dhavhidha; a to lulamisa wukhalo wo veka ka wona dibhokiso da Txizimu, ni ku di gwimbela ditenda.

1 Makronika 15:27

Se Dhavhidha a ti ambate syambalo sa linyu yo hehuka, kumweko ni votshe Valevhi, vale va nga ti rwate dibhokiso, ni vaembeleli, ni Kenaniya, mthangeli wa vale va nga ti rwate dibhokiso ni vaembeleli; Dhavhidha a ti ni efodhe ya linyu.

Ezra 3:10

Mbimo yile vaaki va nga maha makhato a kuaka Dithepele da Mkoma, va to ti henjeleta vaphaxeli ni siya sawe ni mipundu, Valevhi i ku vanana va Asafe, ni sitende kasi kudhumisa Mkoma, madingano ni txileleto txa Dhavhidha, mfumeli wa ka Israyeli.

Ezekhiyele 40:44

Ngu hahanze ka ditimba da mndani ka kona, ku ti ti ni tinyumba ta vaembeleli, ka mtendela wa mndani, wu nga ti ti ngu didhawa ka txike txa wulambwe, ngu kurendekela nzila ya wuphemba.