1 Makronika 5:22 - Bhiblia Yo Sawuleka

²² Va dayete votala, nguko kulwa i ti ti ka Txizimu; se va to aka ka makhalo awe, kala kuza ve yiswa wukhumbini.

1 Makronika 5:22 Referans Kwoze

2 Makronika 32:8

Ene ani diwoko da nyama, kasi athu hi ni Mkoma Txizimu txathu, awu a hi vhunetelako kulwa tiyimbi tathu. Vathu va to tsaniswa ngu mapswi a Ezekhiya, mfumeli wa va ka Judha.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Joxuwa 23:10

M'thu mmweyo hagari kwanu, a na tutumisa 1.000 wa valala, nguko Mkoma Txizimu txanu, ngene apune a mi lwelako, nga ti a nga mi thembisa.

2 Vafumeli 17:6

Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.

1 Makronika 6:26

Ngu ka Elikana, vanana va Elikana ngu vava: Zofayi, mwanakwe, ni mwanana wakwe Nahati,

1 Makronika 4:41

Avava koko, va nga bhalwa ngu matina awe, va to ta ka masiku a Ezekhiya, mfumeli wa Judha, ve ta haxula matenda ni mazumbo a vale va nga ti maneka koneyo, va txi ma fuvisa do gwita, kala ka ditshiku da nyamsi, se vona ve zumba ka wukhalo wawe, nguko koneyo ku ti ni wudyiselo wa tinvuta tawe.

1 Makronika 5:21

Se va ka Israyeli va to handa sifuyo sa va ka Hagari: 50.000 wa makamelu awe, ni 250.000 wa tinvuta, ni 2.000 wa timbongola; ni 1.000 wa vathu.

Genesisi 49:19

Gadhi a na lwiswa ngu sigevenga; kambe ene a na si lwisa a txi si hambanisa.

1 Makronika 5:26

Ngu kumaha keto, Txizimu txa Israyeli, txi to dhana moya wa Puli, mfumeli wa Asiriya, ni moya wa Tigilati-Pileseri, mfumeli wa Asiriya, ti to ve yisa wukhumbini va ka Rubheni, ni va ka Gadhi, ni hafu ya lihunzu la ka Manasi; se va to va yisa ka Hala, ni ka Habhori, ni ka Hara, ni ka mnambo wa Gazani, kala ka ditshiku da nyamsi.

2 Makronika 26:7

Se Txizimu txi to m'vhuna kuxula Vafilista ni maarhabi a ma zumbako Guri-Bhahali, a txi xula ni Vamewuni.