1 Makronika 5:1 - Bhiblia Yo Sawuleka

¹ Ka vanana va Rubheni, matiwula a Israyeli (nguko ene i ti ti matiwula, kambe ngu mhaka ya kule a nga nyenyezisa m'bhedhu wa tate wakwe, va ningete wutiwula wakwe ka vanana va Josefa, mwanana wa Israyeli; kasi ku asi balwi ka liveleko la matiwula.

1 Makronika 5:1 Referans Kwoze

Genesisi 35:22

Nga ti Israyeli a nga va a di akile ka dona ditiko edo, Rubheni a to otela ni Bhiliha, i nga ti txikaba txa tate wakwe, kambe Israyeli a ti zivile. Se vanana va Jakobe, i ti ti digumi ni vambidi.

Genesisi 29:32

Leya a to mana txirumbu e veleka mwanana wa mfana, awu a nga mraya ditina daku i Rubheni, nguko, ene a wombile ku khene: “Txizimu txi woni kupandiseka kwangu. Konkuwa, mwamna wangu a na ni randa.”

1 Makronika 26:10

Se ka Hosa, wa vanana va Merari, vanana vakwe ngu vava: Siniri, mthangeli (hambi ku i nga ti si nga matiwula, tate wakwe a ti msawute kuva mthangeli),

Eksodha 6:14

Avava misungo ya tinyumba ta vatate vawe: Vanana va Rubheni, matiwula a Israyeli, ngu vava: Enoki, Falu, Hezironi ni Karini; eto ndimwaya ta va ka Rubheni.

1 Vakorinto 5:1

Ha yi engisa yi txi xawutwa ngu votshe mhaka ya wugango hagari kwanu, wugango wa kuyila ngutu, ti to kha hi zivi ku nga wu engisa hagari ka vamatiko: Mmweyo wanu a hanyako ni msikati wa tate wakwe.

1 Makronika 2:1

Vanana va ka Israyeli ngu vava: Rubheni, Simiyoni, Levhi, Judha, Isakari, Zebhuloni,

Joxuwa 14:6

Sekoko vanana va ka Judha va to ta ka Joxuwa, ditikoni ka Giligali; se Kalebhi, mwana Jefoni, Mkenezi, a mgete ku khene: Awe wa tiziva ti Mkoma a nga gela Mosi, m'thu wa Txizimu, ngu didhawa dangu ni didhawa dako, kona Kadhesi-Bharneya.

Dhewuteronome 27:20

“Dikhombo di nave ka wule a otelako ni msikati wa tate wakwe, nguko wa vhunungula didhamba da tate wakwe!” Vathu votshe va na womba va txi kha vona: “Amen!”

Dhewuteronome 21:17

A na ninge wukhalo mwanana wa matiwula wa wule asi mrandiko, ngu kuva a txi mninga syavelo simbidi sa thomba, ya sotshe sile a ku naso, nguko eyo ngene i ku makhato a mtamo wakwe, ngene a ku ni fanelo ya wutiwula, wu wu mlumbako.

Mitengo 26:5

Rubheni ngene matiwula a Israyeli; vanana va Rubheni i Enoki, ni Palu, i ku mwaya wa va ka Palu;

Mitengo 16:1

Se Kora, mwana Izari, mwana Kohate, mwana Levhi, Dhatani ni Abhiramu, vanana va Eliyabhe, ni Oni, mwana Peleti, ava ngu wuraru wawe i ku vanana va Rubheni;

Mitengo 1:5

Ndiya koko, matina a vavamna vale va fanelako kuva ni nanu: Ka Rubheni, i Elizura, mwana Xedhura.

Levhi 20:11

Ngako wamwamna wokari a txi otela ni msikati wa tate wakwe, a zivile ngu wumbwiri wa tate wakwe; ngu ditshuri ngu wumbidi wawe va fanete kutsayiswa ngu kudawa; mnoha wawe wu na wa txitimwi kwawe.

Levhi 18:8

U nga thuke u otela ni msikati wa tate wako.

Genesisi 46:8

Vaisrayeli va va nga tsula Egipta, i Jakobe ni vanana vakwe, matina awe i ku awa: Rubheni, matiwula a Jakobe,

Genesisi 25:23

se Mkoma a to mxamula a txi khene: “Mndani kwako ku ni matiko mambidi, se tihunzu timbidi ti na abaneka mndani kwako: Lihunzu limwelo li nava ni mtamo kupinda limwani, mkoma wa kona a na khoziswa ngu mnada wakwe.”

Vakolosa 1:15

Kristu i Txifaniso txa Txizimu txi txi si wonwiko, Matiwula a sotshe sivangwa,

Genesisi 25:31

Sekoko Jakobe a to khene: “Khata ngu ku ni xavisela fanelo ya wutiwula wako.”

Genesisi 48:5

Akuwa, vanana vako vavambidi, avava u nga veleka ditikoni muwa ka Egipta, ani ni sanzi kuta ahawa kwako, ditikoni ka muwa Egipta, va na va i di vanana vangu; Efrayime ni Manasi va na va vangu, kufana ni Rubheni ni Simiyoni i ku vanana vangu.

Dhewuteronome 33:17

Ene ana ni wudhumo wa didhuna da matiwula, titxheho takwe ti fana ni titxheho ta nyari; ngu tona a na lovisa votshe vathu ngu txikhati tximwetxo, kala magwito ka mafu; ngu vona i ku 10.000 wa va ka Efrayime, ni vava i ku magumi a mazana a va ka Manasi.”