1 Makronika 4:10 - Bhiblia Yo Sawuleka

¹⁰ Nguko Jabhesi a to kombela ka Txizimu txa Israyeli, a txi khene: Ni katekise ngutu, u anamisa mihingano yangu, ni dianza dako di va ni nani, ni ku ni vhikela ka sikarato! Se Txizimu txi to mninga ati a nga kombela.

1 Makronika 4:10 Referans Kwoze

Mavingu 10:22

Txikatekiso txa Mkoma ngu txona txi ningako thomba ka m'thu, kambe ene kha na kuengetela txilo.

Jeremiya 33:3

Kwangula kwangu ni na kuxamula, ni na kukomba silo sa hombe, u si si ziviko.

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Vaefesu 3:20

Txi na dhumiswe Txizimu, txi sikotako kumaha sasingi ngutu kupinda asi hi txi kombelako mwendo asi hi si pimisako, ngu mtamo wu, txi thumako ngu wona kwathu,

Masalmo 119:173

Dianza dako di na ni vhune, nguko ani ni tshatile kulondisa sileleto sako.

2 Timoti 4:18

Mkoma a na ni hulusa ni ka yotshe mithumo yo biha; a na ni ponisa kasiku e ni yisa ka Mfumo wakwe wa nzumani. Kupfaliswa ku nave kwakwe ngu malembe ni malembe. Amen.

Johani 10:28

Ani na ti ninga wutomi wu wu si gumiko. Txima kha ti na mbi lova ni ditshiku ni da dimwedo, kambe kha ku na m'thu wu a no ti honyola manzani kwangu.

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Masalmo 21:4

Ene a kombete wutomi, se awe u mningile, wutomi wo lapha, wo fungala, wo mbi na magwito.

Isaya 41:17

Vaxaniseki ni vale vo pwata va lava mati, kambe kha ma ngaho, se tidimi tawe ta oma ngu ditora; aniko ani Mkoma, ni na va engisa, ani Txizimu txa ka Israyeli kha ni na mbi va leka.

Masalmo 55:16

Ngu didhawa dangu, na kombela ka Txizimu; Mkoma a na ni hanyisa.

1 Vakorinto 1:2

ka Dibanza da Txizimu, adi di ku Korinto, ka va va nga sawulekiswa ngu Kristu Jesu, ava va nga dhanelwa ku ta maha vasawuleki kumweko ni votshe va va khongelako, hani ni hani, ngu ditina da Mkoma Jesu Kristu, i ku Mkoma wawe ni wathu.

Genesisi 33:20

Se konaho a to aka txiluvelo, a nga txi raya ditina daku i “Eli-Txizimu txa Israyeli.”

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Genesisi 48:16

Ngelozi yi yi nga ni hulukisa ka to biha, yi na katekisa vafana vava, ngu konaho kwakwe ditina dangu di na simame di txi ya masoni, kumweko ni ditina da Abrahamu ni Isaake, i ku vatate vangu; vafana vava va na kule va txi anda ha mafuni.

Masalmo 99:6

Mosi ni Aroni i ti vaphaxeli vakwe Samuwele i ti mmweyo wa vale va dhumisako ditina da Mkoma; vona va dhani Mkoma, se ene a va xamute.

Masalmo 72:17

Ditina da mfumeli di na simame yotshe mbimo; nduma yakwe yi na simame hahatshi ka ditambo kala kupinduka! Ngu mhaka yakwe yotshe mifumo yi na katekiswe otshe matiko ma na mu womba ku a katekile.

Genesisi 32:28

Sekoko ene a to khene: “Khu na mbiswa u txi dhanwa to u Jakobe, aniko u na dhanwa ku u Israyeli, nguko u lwite ni Txizimu ni vathu, kambe u xute.”

Masalmo 65:2

Awe wa engisa mikombelo yathu se votshe va ta kwako,

Genesisi 32:26

Ene a wombile, a txi khene: “Ni leke ni txi tsula, nguko wuronga wu gwimbile.” Aniko Jakobe a mxamute, a txi khene: “Ani kha ni na mbi kuleka ngako u si ni katekisi.”

Mavingu 30:8

Vayilelisa wukanganyisi kwangu, ni mapswi a makuhu; u nga ni ninge hambi wusiwana mwendo tithomba; ni ninge sakudya sa ku ni enelela.

Masalmo 51:8

Ni ninge kuengisa mapswi a litsako ni kunengela; ni na tshumela ni tsaka, hambiko u nga funyeletela sihango sangu.

Jobe 12:4

Ani ni txisekiso ka vangana vangu; ani na dhana Txizimu, se txona txa ni xamula; wamnene ni wo lulama vo maha sisekiso.

1 Samuwele 1:17

Sekoko Eli a to xamula, a txi khene: “Tsula ngu kuthutha, Txizimu txa Israyeli txi na ku ninge si u si kombelako.”

Genesisi 12:8

A di khukhile konaho a to ya ka mmango wu wu ku ngu didhawa da wutxani ka Bheteli, eho a to emisa ditenda dakwe, Bheteli ku txi zumbela mswa-ditambo, se Ayi, ku ti zumbela didhawa da wutxani. Koneho Abramu a to akela Mkoma txiluvelo, atxi khozela kona ditina da Mkoma.

Masalmo 51:12

Ni wuyisele litsako la kuhanyisa kwako; u txi ni tsanisa ngu moya wako wa mtamo.

Varoma 12:9

Lirando li nga ve ni kuxengetela, vengani to biha, mi txi namarela ka ti i ku ta tinene.

Mithumo 3:26

Txizimu txi khatile ngu nganu ku mi wuyisela Txithumi txa txona Jesu, txi m'rumela ku ta mi katekisa, kasiku mi hunduluka, mmwani ni mmwani kubihani kwakwe.”

Varoma 16:19

Kuengisa kwanu ka ziwa ngu votshe vathu, se ani na tsaka ngu nganu. Aniko ni randa ku mi va mi di vo txhariha ka ti i ku ta tinene, mi si txhariheli kumaha to biha.

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

1 Makronika 16:8

Dhumisani Mkoma, huwelelani ditina dakwe, nuwelani simaho sakwe hagari ka vathu.

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

Vaefesu 4:30

mi nga henyiseni Moya wo Sawuleka wa Txizimu, awu mi nga vekelwa ngu wona txixambanyo txa kukomba ti to mi lumba Txizimu ka ditshiku diya txona txi nota mi tirula ngu dona ka magwito.

Johani 21:17

A to mu wotisa da wuraru, a txi khene: “Simoni, mwana Johani, awe wa ni randa kani?” Pedro a to thelwa dikhodho nguko Jesu a nga mu wotisa ka wuraru, a txi khene: “Awe wa ni randa kani?” Se a mu xamute, a txi khene: “Mkoma, awe wa tiziva totshe. Awe wa tiziva ta tinene ti to ani na kuranda.” Jesu a mgete, a txi khene: “Dyisa tinvuta tangu.

Luka 19:42

A txi khene: Yowe! Idiku na nawe u ti zivile nyamsi timhaka ti ti ku tiselako kudikha! Kambe konkuwa ti sisalekile masoni kwako.

Matewu 26:75

Sekoko, Pedro a to alakanya mapswi a Jesu, a nga khene: “Wu sinzi kuemba mkuku, u na ni lamba kararu.” Msana keto, a to huma hahanze e dila ngu kupandiseka.

1 Makronika 4:9

Se Jabhesi a to dhundwa ngutu kupinda vanawe; mame wakwe a to mraya ditina daku i Jabhesi, a txi khene: Ni m'velekile ngu xomulo.

1 Makronika 4:11

Se Kelubhi, mwanawe wa Suwa, a to veleka Meyiri; awule i ku tate wa Estomi.

Genesisi 28:20

Sekoko Jakobe a mahile txixambanyo txiya: Ngako Txizimu txi di ni nani, txi txi ni xayisa ka nzila yi ni ku ka yona, ngako txi txi ni ha sakudya sa kudingana, ni simaha sa kuambala;

Genesisi 28:21

ngako ni txi tshumelela m'tini ka tate wangu ni di mtomi, konaho Mkoma a na va i di Txizimu txangu;

Genesisi 32:27

Ene a to mu wotisa, a txi khene: “Ngawe mani ditina dako kani?” Se Jakobe a xamute, a txi khene: “Ngani Jakobe.”

1 Samuwele 1:20

Se ku to maheka taku, ku di pindile mbimo yokari, Ana a to mana txirumbu, e veleka mwanana wa mfana, e mraya ditina daku i Samuwele, nguko ene a ti ti khene: Ni mkombete ka Mkoma.

1 Samuwele 1:26

Se Ana a to khene: Ah! Awe nyamne wangu! Di na hanye dihika dako, nyamne wangu; ngani wamsikati wule a nga ta ema masoni kwako, ku ta kombela ka Mkoma.

1 Samuwele 1:27

Ani ni ti kombela mfana wuwa; se Mkoma a xamute mkombelo wangu wule ni nga wu maha.

Masalmo 121:7

Mkoma a na kuvhikela ka kotshe kubihani; ene Mkoma a na vhikela wutomi wako.

Masalmo 145:19

Ene a na maha kunavela ka vale va m'thavako; a na engisa kudila kwawe, kambe a va hanyisa.