Va to kwelela veya ditikoni da Judha, veya lwisa Jehoramu, va to teka yotshe thomba ya nyumbani ka mfumeli, ve ñola vasikati vakwe ni vanana vakwe; ve siya dwe Jehohakazi, mwanana wakwe wo gwita.
Msana keto, Josafati a to otela ni vatate vakwe, e tshotshwa ka wukhalo wumwewo ni vatate vakwe, Didhoropani ka Dhavhidha; se mwanana wakwe Jehoramu a to fuma ka wukhalo wakwe.
Jowasi a ti ti ni mtxhanu wa malembe ni mambidi mbimo yile a nga khata kufuma. A to fuma mune wa magumi a malembe kona Jerusalema; Ditina da mame wakwe i ti ti Zibhiya, wa Bherisebha.
Se a to tshumela eya Jezireyeli, kuya thumwa silonda sile a nga vangelwa Rama a txi lwa ni Hazayeli mfumeli wa Siriya; se Azariya mwana Jehoramu, mfumeli wa Judha, a to relela a txi Jezireyeli kuya xola Joramu, mwana Akabhi, ngako a nga txi lwala.
Aniko Jehosebha, mwana mfumeli Jehoramu, ndiya ya Akaziya, a to teka Jowasi, mwana Akaziya, e mpfhukisa hagari ka vanana va mfumeli, va nga txi va dayela, se a to m'veka nyumbani kumweko ni mxayisi wakwe, a txi msisela Ataliya, ngu kumaha keto, kha va m'daya.
Se ka dilembe da wutxhanu da kufuma ka Joramu, mwana Akabe, mfumeli wa ka Israyeli, Josafati a txi ngadi e fumela Judha, a to khata kufuma Jehoramu, mwana Josafati, mfumeli wa ka Judha.
Se Josafati a to otela kumweko ni vatate vakwe, e tshotshwa hafuhi ni vatate vakwe, Didhoropani ka tate wakwe Dhavhidha; na mwanana wa kona Jehoramu a di fumile malembe mambidi ka wukhalo wakwe.
Ka dilembe da digumi ni mambidi da kufuma ka Joramu, mwana Akabe, mfumeli wa ka Israyeli, a to khata kufuma Akaziya, mwana Jehoramu, mfumeli wa ka Judha.
Ka dilembe da wutxhanu ni mambidi da kufuma ka Jehu, a to khata kufuma Jowasi kona Jerusalema, mune wa magumi a malembe; ditina da mwamwakwe i ti ti Zibhiya, wa Bherisebha.